AmaHubo 20:1 - iBhayibhili Elingcwele 1978

¹ INkosi ikuphendule osukwini lokuhlupheka; ibizo likaNkulunkulu kaJakobe likuvikele.

IBhayibhili Elingcwele LesiNdebele

¹ Sengathi uThixo angakuphendula nxa usenkathazweni; sengathi ibizo likaNkulunkulu kaJakhobe lingakuvikela.

AmaHubo 20:1 ပူးပေါင်းရင်းမြစ်များ

AmaHubo 114:2

uJuda waba yindlu yeNkosi engcwele, loIsrayeli waba ngumbuso wayo.

AmaHubo 138:7

Loba ngihamba phakathi kwenhlupheko, wena uyalondoloza ukuphila kwami; umelana lezitha zami ezilolaka, lesandla sakho sokunene siyangikhulula.

AmaHubo 18:2

INkosi ilidwala lami, lenqaba yami, lomkhululi wami; uNkulunkulu wami ulidwala lami engiphephela kulo, lesihlangu sami, lesivikelo sami lenqaba yami.

AmaHubo 41:1

Ubusisiwe onanzelela ababuthakathaka. INkosi iyamkhulula ngosuku olubi;

AmaHubo 46:1

UNkulunkulu uyisiphephelo sethu lamandla ethu, uyafunyaniswa elusizo kakhulu ekuhluphekeni.

AmaHubo 46:11

INkosi yamabandla ilathi, uNkulunkulu kaJakobe uyisiphephelo sethu.

AmaHubo 46:7

INkosi yamabandla ilathi, uNkulunkulu kaJakobe uyisiphephelo sethu.

AmaHubo 50:5

uthi: Buthelani kimi abangcwele bami, abenza isivumelwano lami ngomhlatshelo.

AmaHubo 60:11

Akusisize ezitheni zethu, ngoba ukusiza komuntu kuyize.

AmaHubo 83:18

Kabazi ukuthi nguwe wedwa oyiNkosi, ongoPhezukonke emhlabeni wonke.

AmaHubo 9:10

Abalaziyo ibizo lakho bazakuthemba kuwe, ngoba wena Nkosi, kawubatshiyanga abakudingayo.

Izaga 18:10

Ibizo leNkosi liyinqaba eqinileyo; olungileyo ubalekela kuyo alondolozeke.

U-Isaya 50:10

Lowo ophakathi kwenu oyesabayo iNkosi kalalele ilizwi lenceku yayo: ohamba emnyameni ongelakukhanya, kathembele ebizweni leNkosi, abambelele kuNkulunkulu wakhe.

UJeremiya 30:7

Maye! lukhulu lolosuku, kalukho olunye olunjengalo. Kuyisikhati sokuhlupheka kukaJakobe, kanti uzakukhululwa kukho.

AmaHebheru 5:7

Ensukwini zokuphila kwakhe uJesu wakhuleka, enxusa ngokukhala okukhulu langezinyembezi kuye olamandla okumkhulula ekufeni; wezwiwa ngenxa yokwesaba kwakhe uNkulunkulu.