AmaHubo 2:9 - iBhayibhili Elingcwele 1978

⁹ Uzakuzaphula ngentonga yensimbi, uziphahlaze njengembiza yebumba.

IBhayibhili Elingcwele LesiNdebele

⁹ Uzazibusa ngentonga yobukhosi eyensimbi, uzazibhidliza zicubuzeke njengebumba.”

AmaHubo 2:9 ပူးပေါင်းရင်းမြစ်များ

AmaHubo 89:23

Ngizazichoboza izitha zakhe phambi kwakhe, ngibadilizele phansi abamzondayo.

U-Isaya 30:14

ukuwa kwawo kunjengokufa kwembiza yombumbi, ephahlazeka, iphele, kungabe kusafunyanwa lodengezi lokokha umlilo, lolokukha amanzi emthonjeni.

U-Isaya 60:12

Ngoba isizwe lombuso okungayikukukhonza kuzakuchitheka; lezozizwe zizakuphela nya.

UJeremiya 13:14

Ngizakubatshayanisa, oyise lamadodana ndawonye, kutsho iNkosi. Kangiyikubahawukela, kangiyikubaxolela, ngibe lesihawu sokuba ngingababulali.

UJeremiya 19:11

ubususithi kibo: INkosi yamabandla ithi: Ngokunjalo ngizabulala lababantu lalumuzi, njengalokho umuntu ebulala imbiza yombumbi, ingaphindi ilungiswe futhi. Abantu bazangcwatshela eTofethi, ngoba kungasekho enye indawo lapho bengangcwatshelwa khona.

UDanyeli 2:44

Ensukwini zalawomakhosi uNkulunkulu ophezulu uzamisa umbuso ongayikuchithwa, lobukhosi bawo kabuyikuthathwa ngabanye abantu. Uzachoboza yonke limibuso, uyiqede, ume njalo kuze kube nininini,

UDanyeli 2:45

njengoba wabona ilitshe liqephuka entabeni, lingaqetshulwa muntu, laphohloza insimbi lethusi lebumba lesiliva legolide. UNkulunkulu omkhulu uyazisile inkosi okuzakwenzeka emva kwalokho. Iphupho liqinisile, lencazelo yalo iliqiniso.

UMikha 5:8

Abaseleyo bakaJakobe phakathi kwezizwe, bephakathi kwabantu abanengi bazakuba njengesilwane esiphakathi kwenyamazana zeganga, lanjengesilwane esiphakathi komhlambi wezimvu, esithi lapho sidabula phakathi kwawo sibambe, sinyathele sidabule iziqa, kungabi khona osizayo.

UMatewu 21:44

Lowo owela phezu kwalelilitshe uzakuphahlazeka; kodwa ilowo lalowo eliwela phezu kwakhe lizakumchoboza.]

Isambulo 12:5

Wabeletha umntwana wesilisa ozakubusa izizwe zonke ngentonga yensimbi; kodwa umntwana wakhe wahluthulelwa kuNkulunkulu lasesihlalweni sakhe sobukhosi;

Isambulo 19:15

Emlonyeni wakhe kwaphuma umhedla obukhali azakutshaya izizwe ngawo; yena uzakuzibusa ngentonga yensimbi; uzakunyathela isikhamelo sewayini lentukuthelo yolaka lukaNkulunkulu uSomandla.