AmaHubo 2:12 - iBhayibhili Elingcwele 1978

¹² liyikhothamele, funa ithukuthele, libhubhe endleleni; ngoba ulaka lwayo luzakuvutha masinyane. Babusisiwe bonke abaphephela kuyo.

IBhayibhili Elingcwele LesiNdebele

¹² Ikhothameleni iNdodana, funa ithukuthele beselibhujiswa endleleni yenu, ngoba intukuthelo yakhe ingavutha ngesikhatshana. Babusisiwe bonke abaphephela kuye.

AmaHubo 2:12 ပူးပေါင်းရင်းမြစ်များ

UGenesisi 41:40

Wena uzaphatha indlu yami, bonke abantu bami bazabuswa ngelizwi lakho; mina ngizakuba mkhulu kulawe esihlalweni sobukhosi kuphela.

1 AmaKhosi 19:18

Kodwa ngizatshiya koIsrayeli abantu abazinkulungwane eziyisikhombisa, bonke abangazanga baguqe ngamadolo abo kuBali, lemilomo yabo engazanga imange.

AmaHubo 1:6

ngoba iNkosi iyayinanzelela indlela yabalungileyo, kodwa indlela yababi izakubhubha.

AmaHubo 109:20

Lokhu kakube ngumvuzo wezitha zami ovela eNkosini, lowalabo abakhuluma okubi ngami.

AmaHubo 2:5

Ibisikhuluma labo entukuthelweni yayo, ibethuse ngolaka lwayo isithi:

AmaHubo 2:7

Ngizakulandisa isimemezelo seNkosi eyathi kimi: Wena uyindodana yami, lamuhla ngikuzele.

AmaHubo 31:20

Uyabafihla ekusithekeni kokubakhona kwakho, ubavikele emacebeni abantu, ubalondoloze ethenteni lakho, ubavikele ebantwini abahlebayo.

AmaHubo 34:8

Zwanini libone ukuthi iNkosi ilungile. Ubusisiwe lowomuntu ophephela kuyo.

AmaHubo 34:9

Yesabeni iNkosi, lina abalungileyo bayo, ngoba kabasweli lutho abayesabayo.

AmaHubo 40:4

Ubusisiwe umuntu oyithembayo iNkosi, ongaphendukeli kwabazigqajayo, kulabo abaduhela kubonkulunkulu bamanga.

AmaHubo 84:12

Nkosi yamabandla, ubusisiwe umuntu othemba kuwe!

Izaga 16:20

Olalela ukufundiswa uzaphumelela; othemba eNkosini uzakuthaba.

U-Isaya 30:18

Kodwa iNkosi ilindele ukuba ibe lomusa kini, iyathanda ukuba ibe lesihawu kini; ngoba iNkosi inguNkulunkulu wokulunga, babusisiwe bonke abathemba kuyo.

UJeremiya 17:7

Ubusisiwe umuntu othemba iNkosi, othemba lakhe liseNkosini.

UHosiya 13:2

Khathesi sebesona kakhulu, bazenzela izithombe ezibunjiweyo, izithombe ezenziwe kuhle ngesiliva sabo, zonke ziyimisebenzi yezingcitshi. Bathi: Hlabelani lezi imihlatshelo. Abantu banga izithombe zamathole.

UZefaniya 2:2

ungakadudulwa njengamakhoba aphephukayo, ungakehlelwa yintukuthelo eyesabekayo yeNkosi, ungakafikelwa lusuku lolaka lweNkosi.

UJohane 14:6

UJesu wathi kuye: Yimi indlela, leqiniso lokuphila; kakho oza kuBaba engezi ngami.

UJohane 5:23

ukuze bonke badumise iNdodana, njengalokhu bedumisa uYise. Ongayidumisiyo iNdodana kamdumisi uYise oyithumileyo.

AbaseRoma 10:11

Umbhalo uthi: Lowo okholwa kuye kayikuyangeka.

AbaseRoma 9:33

njengokulotshiweyo ukuthi: Khangela, ngibeka eZiyone ilitshe lokukhubekisa, ledwala lokuwisa; okholwa kuye kayikuyangeka.

Abase-Efesu 1:12

ukuba thina, esakholwa kuKristu kuqala, siphilele udumo lobukhosi bakhe.

1 UPhethro 1:21

elikholwa kuNkulunkulu ngaye, yena owamvusa kwabafileyo wamnika ubukhosi, ukuze ukukholwa kwenu lethemba lenu libe kuNkulunkulu.

1 UPhethro 2:6

Ngoba umbhalo uthi: Khangelani, ngiyabeka eZiyone ilitshe lengonsi elikhethiweyo eliligugu; okholwa kulo kayikuyangeka.

1 USamuyeli 10:1

USamuweli wasethatha umfuma wamagcobo, wawathela ekhanda likaSawuli; wamanga esithi: INkosi iyakugcoba ukuba ube ngumbusi wabantu bayo uIsrayeli; uzabusa abantu beNkosi, ubakhulule ezitheni zabo ezibaphahlileyo. Lokhu kuzakuba yisiboniso kuwe ukuthi iNkosi ikugcobile ukuba ngumbusi wabantu bayo.