AmaHubo 19:14 - iBhayibhili Elingcwele 1978

¹⁴ Amazwi omlomo wami lemicabango yenhliziyo yami kakwamukeleke kuwe, Nkosi, dwala lami lomhlengi wami.

IBhayibhili Elingcwele LesiNdebele

¹⁴ Sengathi amazwi omlomo wami leminakano yenhliziyo yami kungathokozisa emehlweni akho, Oh Thixo, Dwala lami loMhlengi wami.

AmaHubo 19:14 ပူးပေါင်းရင်းမြစ်များ

UJobe 19:25

Ngoba mina ngiyazi ukuba uMsizi wami ukhona, ekupheleni uzakuma emhlabeni;

AmaHubo 104:34

Ukunakana kwami kakumthokozise, ngoba ngiyathokoza ngayo iNkosi.

AmaHubo 119:108

Nkosi, yamukela iminikelo yami yokubonga, ungifundise izahlulelo zakho.

AmaHubo 51:15

Nkulunkulu, vula indebe zami ukuze umlomo wami ukudumise.

Izaga 15:8

Umhlatshelo wababi uyisinengiso eNkosini, kodwa umkhuleko wabaqotho uyayithokozisa.

U-Isaya 43:14

INkosi, uMhlengi wenu, oNgcwele kaIsrayeli, ithi: Ngenxa yenu ngizathumela impi eBabiloni, ngaphule yonke imigoqo yamasango omuzi, kuthi ukuthokoza kwamaKaladiya kuphenduke kube yisililo.

U-Isaya 44:6

INkosi, uMbusi kaIsrayeli, loMhlengi wakhe, iNkosi yamabandla, ithi: Ngingowokuqala lowokucina; ngaphandle kwami kakukho omunye unkulunkulu.

U-Isaya 47:4

utsho njalo oNgcwele kaIsrayeli, uMhlengi wethu obizwa ngokuthi yiNkosi yamabandla.

U-Isaya 54:5

Ngoba uMenzi wakho nguye ongumkakho, obizwa ngokuthi yiNkosi yamabandla; loNgcwele kaIsrayeli unguMhlengi wakho, obizwa ngokuthi nguNkulunkulu womhlaba wonke.

AbaseRoma 15:16

wokuba ngibe yisikhonzi sikaKristu Jesu kwabezizwe, ngikhonze ngevangeli likaNkulunkulu njengompristi, ukuze ukunikela kwami abezizwe kwamukeleke, kwenziwe kube ngcwele nguMoya oNgcwele.

1 AbaseThesalonika 1:10

lilindele iNdodana yakhe ivela ezulwini, ayivusa kwabafileyo, uJesu osophula olakeni oluzayo.

UThithu 2:14

Yena wazinikela ngenxa yethu ukuze asihlenge ebubini bonke, lokuzihlambululela abantu abangabakhe abatshisekela izenzo ezinhle.

AmaHebheru 11:4

Ngokukholwa uAbela wanikela kuNkulunkulu umhlatshelo owamukelekayo kulokaKayini, wazuza ngakho ubufakazi bokuthi ulungile, uNkulunkulu uqobo emfakazela ngokwamukela iziphiwo zakhe; langokukholwa usakhuluma, loba esefile.

AmaHebheru 13:15

Ngakhoke asinikele njalonjalo kuNkulunkulu ngoJesu umhlatshelo wokubonga, okutsho isithelo sokubonga semilomo evuma ibizo lakhe;

1 UPhethro 2:5

njengamatshe aphilayo lakhiwe indlu yokomoya, libe yibupristi obungcwele, linikele imihlatshelo yokomoya eyamukelekayo kuNkulunkulu ngoJesu Kristu.

Isambulo 5:9

Bahlabelela ingoma entsha ethi: Ukufanele wena ukuyithatha incwadi lokuvula impawu zayo, ngoba wahlatshwa, wabahlengela uNkulunkulu ngegazi lakho abantu abavela emihlotsheni yonke, lasendimini zonke, lasezizweni zonke;