AmaHubo 18:14 - iBhayibhili Elingcwele 1978

¹⁴ Yathuma imitshoko yayo, yabachitha; yaphazimisa imibane, yabaphaphathekisa.

IBhayibhili Elingcwele LesiNdebele

¹⁴ Waciba imitshoko wazihlakaza izitha, ngembane eminengi waziqothula.

AmaHubo 18:14 ပူးပေါင်းရင်းမြစ်များ

UJobe 37:4

Emva kwawo kuduma ilizwi lakhe, uyaduma ngelizwi lobukhosi bakhe, angawunqandi umbane lapho kuzwakala ilizwi lakhe.

UJobe 37:5

UNkulunkulu uyaduma ngelizwi lakhe ngokumangalisayo, wenza izinto ezinkulu esingeke siziqedisise.

UJobe 38:35

Ungakulawula ukuphazima kombane ukuba kuze kuwe, kufike kuthi: Sesifikile, na?

UJobe 6:4

Imitshoko kaSomandla ingihlabile; umoya wami uyanatha ubuhlungu bayo; okwesabisayo kukaNkulunkulu kuyangehlela.

AmaHubo 144:6

Phazimisa imibane yakho uzichithe izitha zakho, uthumele imitshoko yakho izihlakaze.

AmaHubo 21:12

ngoba uzakubachitha, uzakubakhomba ebusweni ngemitshoko yakho.

AmaHubo 29:3

Ilizwi leNkosi lizwakala phezu kwamanzi amanengi; uNkulunkulu wenkazimulo uyaduma, iNkosi iphezu kwamanzi amanengi.

AmaHubo 29:7

Ilizwi leNkosi likhupha amalangabi omlilo.

AmaHubo 77:17

Amayezi athulula amanzi, lezulu laduma; imitshoko yakho yaphazima inxa zonke.

AmaHubo 77:18

Ilizwi lokuduma kwakho lalisesivunguvungwini; imibane yakho yakhanyisa umhlaba, lomhlaba wagedezela wazamazama.

U-Isaya 30:30

INkosi izazwakalisa ilizwi layo elilodumo, ibonakalise ingalo yayo lapho itshayayo, ekuthukutheleni kwayo okwesabekayo, ngokuvutha komlilo oqothulayo, langesivunguvungu, langesiphepha, langesiqhotho.

UJoweli 2:11

INkosi izwakalisa ilizwi layo phambi kwempi yayo, ngoba impi yayo yinkulu kakhulu; logcina ilizwi layo ulamandla. Ngoba usuku lweNkosi lukhulu, luyesabeka kakhulu; ngubani ongalumela na?

UHabhakhukhi 3:11

Ilanga lenyanga kwema endaweni yakho ekukhanyeni kwemitshoko yakho egijimayo, lasekuphazimeni komkhonto wakho ocwazimulayo.

AmaNani 24:8

UNkulunkulu wamkhupha eGibithe, kubo ulamandla njengenyathi; uzakudla izizwe, izitha zakhe, afohloze amathambo azo, abe yizicucu, azigwaze ngemikhonto yakhe.

UDutheronomi 32:23

Ngizabuthelela izinhlupheko, phezu kwabo, ngitshoke yonke imitshoko yami kubo.

UDutheronomi 32:42

Ngizadakisa imitshoko yami ngegazi, umhedla wami uzakudla inyama, ngitsho ngegazi lababuleweyo lelabathunjiweyo, lelamakhanda ezitha alenwele ezinde.

UJoshuwa 10:10

INkosi yabachithachitha phambi kwabakoIsrayeli abababulala abanengi eGibeyoni, baxotshana labo baze bafika emqansweni waseBeti‐Horoni, bababulala kwaze kwaba seAseka leMakeda.

1 USamuyeli 2:10

Izitha zeNkosi zizabhujiswa; oPhezukonke uzaduma esezulwini, ahlulele emhlabeni wonke, anike amandla inkosi yakhe, aphakamise amandla ogcotshiweyo wakhe.