AmaHubo 16:6 - iBhayibhili Elingcwele 1978

⁶ Imingcele yesabelo sami isezindaweni ezinhle; yebo, ngilalo ilifa elihle.

IBhayibhili Elingcwele LesiNdebele

⁶ Imingcele yesabelo sami idabula ezindaweni ezibukekayo; ngeqiniso elami ilifa liyathokozisa.

AmaHubo 16:6 ပူးပေါင်းရင်းမြစ်များ

AmaHubo 61:6

Yengeza insuku zokuphila kwenkosi; iminyaka ngeminyaka izizukulwana ezinengi.

AmaHubo 78:55

Wazixotsha izizwe phambi kwabo; wabahlukanisela ilizwe lazo laba yilifa labo, wahlalisa izizwe zakoIsrayeli emathenteni azo.

UJeremiya 3:19

Mina bengisithi ngizakukubeka njani phakathi kwabantwana bami, ngikunike ilizwe elihle, ilizwe elihle kakhulu phakathi kwazo zonke izizwe. Ngathi uzakungibiza ngokuthi Baba, ungadeli ukungilandela.

uAmosi 7:17

INkosi yona ithi: Umkakho uzakuba liwule phakathi komuzi; amadodana lamadodakazi akho azabulawa yimpi, lelizwe lakini lizadatshulwa phakathi ngentambo; wenake uzakufela elizweni elingcolileyo, uIsrayeli athunjelwe elizweni elikhatshana.

UJohane 20:17

UJesu wathi kuye: Ungangibambi, ngoba angikenyukeli kuBaba. Kodwa yana kubafowethu, uthi kibo ngiyenyukela kuBaba lakuYihlo, kuNkulunkulu wami loNkulunkulu wenu.

AbaseRoma 8:17

uba singabantwana, siyizindlalifa futhi, izindlalifa zikaNkulunkulu lezindlalifa kanye loKristu, uba phela sihlupheka kanye laye ukuze sidunyiswe kanye laye.

Abase-Efesu 1:18

Kungathi kungavulwa amehlo enhliziyo zenu, ukuze lazi ithemba elibizelwa kulo, lenotho enkulu yelifa alinika lona kubo abangcwele,

2 uTimothi 2:12

uba sabekezela, sizakubusa kanye laye; uba simphika, laye uzakusiphika;

AmaHebheru 12:2

sikhangele kuJesu, umqalisi lomphelelisi wokukholwa kwethu, owathi endaweni yentokozo ayimiselweyo wathwala isiphambano engalinanzi ihlazo, wahlala ngakwesokunene sesihlalo sobukhosi sikaNkulunkulu.

Isambulo 3:21

Onqobayo ngizakumnika ukuba ahlale lami esihlalweni sami sobukhosi, njengalokhu lami nganqoba, ngahlala loBaba esihlalweni sakhe sobukhosi.