AmaHubo 149:6 - iBhayibhili Elingcwele 1978

⁶ Izibongo zikaNkulunkulu kazibe semilonyeni yabo, lemikhonto ecijileyo ibe sezandleni zabo,

IBhayibhili Elingcwele LesiNdebele

⁶ Sengathi indumiso kaNkulunkulu ingaba semilonyeni yabo lenkemba esika nxazonke ibe sezandleni zabo,

AmaHubo 149:6 ပူးပေါင်းရင်းမြစ်များ

UNehemiya 9:5

Kwasekusithi amaLevi oJeshuwa loKadimiyeli loBani loHashabineya loSherebiya loHodiya loShebaniya loPethahiya bathi: Sukumani libonge iNkosi uNkulunkulu wenu lithi: Kusukela endulo kuze kube nininini liyadumiseka ibizo lakho elilodumo leliphakemeyo phezu kwakho konke okudunyiswayo lokubongwayo.

AmaHubo 115:7

Zilezandla, kodwa kaziphathi; lenyawo zilazo, kodwa kazihambi; kazikhulumi.

AmaHubo 66:17

Ngakhala kuye, ngamdumisa ngolimi lwami.

AmaHubo 96:4

Ngoba yinkulu iNkosi, ifanele ukudunyiswa kakhulu, iyesabeka ukwedlula onkulunkulu bonke.

UDanyeli 4:37

Ngalokhoke mina Nebukadineza ngiyayibonga ngiyiphakamise ngiyidumise iNkosi yaphezulu; ngoba yonke imisebenzi yayo ilungile, lendlela zayo zinhle. Labo abazigqajayo uyabathobisa.

uObadiya 1:21

Abasilileyo bakhwele entabeni yaseZiyone ukubusa intaba kaEsawu; iNkosi yiyo ezakubusa.

ULukha 2:14

Udumo kalube kuNkulunkulu kweliphezulu, lokuthula emhlabeni ebantwini abathokozelwa nguye.

AmaHebheru 4:12

Ngoba ilizwi likaNkulunkulu liphilile, lilamandla, libukhali kulomhedla osika inxa zombili, lihlaba kuze kwahlukane umphefumulo lomoya, amalunga lomnkantsho, lihlola imicabango lamacebo enhliziyo.

Isambulo 1:16

Wayephethe izinkanyezi eziyisikhombisa esandleni sakhe sokunene, lasemlonyeni wakhe kwaphuma umhedla obukhali inxa zombili, lobuso bakhe bunjengelanga elikhanya ngamandla.

Isambulo 19:6

Ngasengisizwa kungathi yilizwi lexuku elikhulu, linjengomdumo wamanzi amanengi lokuduma okulamandla lisithi: Haleluya! Ngoba iNkosi uNkulunkulu wethu, uSomandla, uyabusa.

Abahluleli 3:16

UEhudi wazenzela umhedla obukhali inxa zombili, ubude bawo buyingalonye, wawuhloma ngaphansi kwezigqoko zakhe ngasethangazini langasokunene.