3 Kabadumise ibizo layo ngokusina, bayitshayele isigubhu lechacho.
3 Kabadumise ibizo lakhe ngokusina, batshaye amagedla lamachacho.
UDavida wasina phambi kweNkosi ngamandla akhe wonke; wayegqoke ingubo yamahlombe yelembu elihle.
Kwathi lapho umtshokotsho weNkosi ungena emzini kaDavida, uMikhali indodakazi kaSawuli walunguza ngewindi, wabona inkosi uDavida egiya, esina phambi kweNkosi, wayeyisa enhliziyweni yakhe.
OHemani loJeduthuni babelezimpondo lezigubhu zokuhlabelela, lezinto zokutshayela uNkulunkulu. Amadodana kaJeduthuni abekwa esangweni.
Bonke babephethwe nguyise ekuhlabeleni ethempelini ngezigubhu langamachacho langemihubhe enkonzweni yendlu kaNkulunkulu. OAsafi loJeduthuni loHemani babengaphansi kwenkosi.
Bangena eJerusalema betshaya amachacho lemihubhe lezimpondo zokukhaliswa, baya ethempelini.
Wasebeka amaLevi ethempelini leNkosi elezigubhu lamachacho lemihubhe, njengokulaywa kukaDavida lokukaGadi umboni weNkosi lokukaNathani umprofethi; ngoba lumlayo wavela eNkosini ngabaprofethi bayo.
Lapho abakhi sebebekile isisekelo sethempeli leNkosi, abapristi beqgoke izambatho zabo bephethe impondo zokukhaliswa basondela kanye lamaLevi, amadodana kaAsafi, elezigubhu ukuba badumise iNkosi, ngendlela eyamiswa nguDavida inkosi yakoIsrayeli.
Uphendule ukukhala kwami kwaba yikusina; ungikhuphile izingubo zami zokulila, wangambathisa ukuthokoza,
Dumisani iNkosi ngechacho, lihlabelele kuyo ngechacho elilentambo ezilitshumi.
Hlabelani ingoma, litshaye isigubhu, lomhubhe okhala mnandi kanye lechacho.
Vuthelani uphondo ekuthwaseni kwenyanga lasekugcwaleni kwayo esikhathini somkhosi wethu.
Abahlabelayo labasinayo bathi: Wena Ziyone, ungumthombo wezibusiso zethu zonke.
UMiriyamu umprofethikazi, udadewabo kaAroni, wasithatha isigubhu sakhe; bonke abesifazana baphuma bemlandela, bephethe izigubhu, begida.
Kuzakuthi izintombi zithokoze ekusineni, amajaha labadala bajabule kanyekanye. Ngizaphendula ukukhala kwabo kube yikuthokoza, ngizakubaduduza, ngibanike ukuthokoza endaweni yosizi;
Ngizakubuya ngikwakhe, wakheke, wena ntombi Israyeli. Uzavunula, uthathe amachacho akho, ungene ekugideni kwabathokozayo.
UJefta wayafika emzini wakhe eMizipa. Kwaphuma indodakazi yakhe ukumhlangabeza, itshaya ichacho igida; yayinguye yedwa umntanakhe; ngaphandle kwayo wayengelandodana lendodakazi.