AmaHubo 148:8 - iBhayibhili Elingcwele 1978

⁸ lani mililo lesiqhotho longqoqwane leliqhwa, leziphepha ezilalela ilizwi layo;

IBhayibhili Elingcwele LesiNdebele

⁸ umbane lesiqhotho, ungqwaqwane lamayezi, umoya wesiphepho owenza intando yakhe,

AmaHubo 148:8 ပူးပေါင်းရင်းမြစ်များ

UGenesisi 19:24

INkosi yasinisa phezu kweSodoma leGomora isolufa lomlilo, kuvela eNkosini ezulwini.

UJobe 37:12

Ayazulazula ngokuqondisa kwakhe, ukuba enze konke awalaye khona, emhlabeni wonke owakhiweyo.

AmaHubo 103:20

Ibongeni iNkosi, lina zithunywa zayo, lina maqhawe ayo elizwa ilizwi layo, lilalela ukukhuluma kwelizwi layo.

AmaHubo 18:12

Ekukhanyeni okuphambi kwakhe amayezi akhe athela isiqhotho lamalahle omlilo.

U-Eksodasi 10:13

UMose wayiphakamisa intonga yakhe phezu kwelizwe laseGibithe; iNkosi yaletha umoya wasempumalanga elizweni kulo lonke lolosuku lakubo bonke lobobusuku; kwathi sekusile, umoya wasempumalanga waletha isikhongwane.

U-Eksodasi 10:19

INkosi yaletha umoya olamandla owasentshonalanga owasusa isikhongwane, wasixotshela oLwandle oluBomvu; kakusalanga sikhongwane lesisodwa elizweni lonke laseGibithe.

U-Eksodasi 14:21

UMose waselulela isandla sakhe phezu kolwandle; iNkosi yabuyisela ulwandle emuva ubusuku bonke ngomoya olamandla wasempumalanga; amanzi ahlukana phakathi, lolwandle lwaba ngumhlabathi owomileyo.

U-Isaya 66:16

Ngoba iNkosi izakwahlulela ngomlilo langomkhonto wayo bonke abantu, banengi ezakubabulala.

UJoweli 2:30

Ngizaveza izimangaliso phezulu lasemhlabeni, igazi, lomlilo, lentuthu ethunqayo.

ULevi 10:2

Kwavela umlilo eNkosini, wabaqothula, bafela phambi kweNkosi.

uAmosi 4:13

Ngoba lowo owabumba izintaba, wadala umoya, lotshela umuntu ukuba imicabango yakhe iyini, owenza ukusa kube mnyama, onyathela ezindaweni eziphakemeyo zomhlaba, yiNkosi, uNkulunkulu wamabandla, ibizo lakhe.

uAmosi 7:4

INkosi uNkulunkulu yasingitshengisa lokhu; yehlisa umlilo ukwahlulela ngawo, owaqothula amanzi amanengi, owawusuzakuqeda ilizwe.

UJona 1:4

INkosi yathumela umoya omkhulu olwandle, kwaba khona isiphepha esikhulu, lomkolo wafuna ukudabuka phakathi.

UJona 1:5

Abawuqhubayo besaba, lowo lalowo wakhala kunkulunkulu wakhe; baphosela olwandle impahla eyayisemkolweni ukuba ube lula. Kodwa uJona wayehlele phakathi komkolo, walala khona.

AmaNani 16:35

Kwavela eNkosini umlilo, waqothula labobantu abangamakhulu amabili lamatshumi amahlanu ababenikele ngempepha.

UJoshuwa 10:11

Kwathi besabalekela uIsrayeli besehla emqansweni waseBetiHoroni, iNkosi yabehlisela isiqhotho esikhulu esivela phezulu kwaze kwaba seAzeka, bafa. Babebanengi ababulawa yisiqhotho ukwedlula ababulawa nguIsrayeli.

Isambulo 16:21

Isiqhotho esikhulu sawela phezu kwabantu sivela ezulwini, amatshe aso enzima kakhulu; abantu bamthuka uNkulunkulu ngenxa yesifo sesiqhotho, ngoba uhlupho lwaso lwalulukhulu.