AmaHubo 144:2 - iBhayibhili Elingcwele 1978

² idwala lami lenqaba yami, umphotshongo wami ophakemeyo lomkhululi wami, isihlangu sami, lengiphephela kuyo, ebeka izizwe ngaphansi kwami.

IBhayibhili Elingcwele LesiNdebele

² UnguNkulunkulu wami othandekayo lenqaba yami, inqaba yami lomkhululi wami, isihlangu sami engiphephela kuso, othobisa abantu bami ngaphansi kwami.

AmaHubo 144:2 ပူးပေါင်းရင်းမြစ်များ

AmaHubo 110:3

Abantu bakho bazakuzinikela ngokujabula mhla uhola izimpi zakho; emadabukakusa insizwa zakho zizakuza kuwe entabeni ezingcwele, zilamandla amatsha njengamazolo asekuseni.

AmaHubo 18:2

INkosi ilidwala lami, lenqaba yami, lomkhululi wami; uNkulunkulu wami ulidwala lami engiphephela kulo, lesihlangu sami, lesivikelo sami lenqaba yami.

AmaHubo 18:47

uNkulunkulu onginike impindiselo wanginqobela izizwe;

AmaHubo 59:9

Wena, mandla ami, ngizakuhlabelela amahubo okubonga, ngoba wena, Nkulunkulu, uyinqaba yami.

AmaHubo 84:9

Nkulunkulu, khangela inkosi yethu, ube lomusa kogcotshiweyo wakho.

AmaHubo 91:2

uzakuthi eNkosini: Uyisiphephelo sami lenqaba yami, uNkulunkulu wami engithemba kuye.

Izaga 18:10

Ibizo leNkosi liyinqaba eqinileyo; olungileyo ubalekela kuyo alondolozeke.

UJeremiya 16:19

Nkosi, wena ongamandla ami lenqaba yami, isiphephelo sami ngosuku lokuhlupheka, izizwe zizakufika kuwe zivela emikhawulweni yomhlaba, zithi: Okhokho bethu badlile ilifa lamanga kuphela, izinto ezingelamsebenzi ezingasizi lutho.