AmaHubo 136:12 - iBhayibhili Elingcwele 1978

¹² ngesandla esilamandla langengalo elamandla, ngoba uthando lwayo olungapheliyo lumi kuze kube nininini;

IBhayibhili Elingcwele LesiNdebele

¹² Ngesandla esilamandla lengalo eyeluliweyo, uthando lwakhe lumi laphakade.

AmaHubo 136:12 ပူးပေါင်းရင်းမြစ်များ

AmaHubo 44:3

Ngoba kabalithumbanga ilizwe ngemikhonto yabo, kabanqobanga ngamandla abo, kodwa ngesandla sakho langamandla akho, langokukhanya kobuso bakho; ngoba wawubathanda.

U-Eksodasi 13:14

Lapho amadodana enu elibuza ngesikhathi esizayo esithi: Kutshoni lokhu na? lizakuthi kuwo: Ngamandla esandla iNkosi yasikhupha eGibithe, endaweni yobugqili.

U-Eksodasi 13:3

UMose wasesithi ebantwini: Khumbulani lolusuku eliphume ngalo eGibithe, endaweni yobugqili; ngoba ngamandla esandla iNkosi elikhuphe kulindawo. Kakungadliwa isinkwa esilemvubelo.

U-Eksodasi 15:6

Isandla sakho sokunene, Nkosi, sibe lodumo ngamandla aso, isandla sakho sokunene, Nkosi, siyaphahlaza isitha.

U-Eksodasi 6:6

Ngakhoke tshono kwabakoIsrayeli ukuthi: NgiyiNkosi; ngizalikhupha ekucindezelweni kwenu ngamaGibithe; ngilikhulule ebugqilini benu, ngilihlenge ngengalo elamandla langezenzo ezinkulu zokwahlulela.

UJeremiya 32:21

Wabakhupha abantu bakho uIsrayeli eGibithe ngezibonakaliso langezimangaliso, langesandla esilamandla, langengalo elamandla, langokwesabeka okukhulu;

Imisebenzi 7:36

Yena lowo wabakhupha esenze izimangaliso lezibonakaliso eGibithe, lasoLwandle oluBomvu, lasenkangala iminyaka engamatshumi amane.

UDutheronomi 4:34

Futhi omunye unkulunkulu wake wazama yini ukuzithathela isizwe phakathi kwesinye isizwe ngezinhlupheko, langezibonakaliso, langezimangaliso, langempi, langesandla esilamandla, langengalo elamandla, langezinto ezesabekayo, njengakho konke iNkosi uNkulunkulu wenu eyalenzela khona eGibithe phambi kwamehlo enu na?