AmaHubo 119:2 - iBhayibhili Elingcwele 1978

² Babusisiwe abagcina imilayo yayo, abayidingayo ngenhliziyo yonke,

IBhayibhili Elingcwele LesiNdebele

² Babusisiwe labo abagcina imilayo yakhe, abayidinga ngenhliziyo yabo yonke.

AmaHubo 119:2 ပူးပေါင်းရင်းမြစ်များ

1 AmaKhosi 2:3

ugcine umlayo weNkosi uNkulunkulu wakho, uhambe ngezindlela zayo, ugcine izimiso zayo lemithetho yayo lezilayezelo zayo, lamazwi ayo, njengokulotshiweyo emlayweni kaMose, ukuba uphumelele kukho konke okwenzayo lalapho uya khona,

1 ImiLando 22:19

Vusani ingqondo zenu lenhliziyo zenu ukudinga iNkosi uNkulunkulu wenu. Qalisani ukwakha indlu yeNkosi uNkulunkulu, ukuze umtshokotsho wesivumelwano seNkosi lezitsha zikaNkulunkulu ezingcwele zingeniswe endlini eyakhelwe ibizo layo.

2 ImiLando 31:21

Wonke umsebenzi awenzayo enkonzweni yendlu kaNkulunkulu ngokomlayo langemithetho, edinga uNkulunkulu wakhe, wawenza ngenhliziyo yakhe yonke, waphumelela.

AmaHubo 105:45

ukuba bagcine izimiso zayo, bahambe ngemilayo yayo. Dumisani iNkosi!

AmaHubo 119:10

Ngikudingile ngenhliziyo yami yonke; kangingaphambuki emithethweni yakho.

AmaHubo 119:101

Ngiyazinqanda inyawo zami endleleni zonke ezimbi, ukuze ngigcine ilizwi lakho.

AmaHubo 119:115

Sukani kimi lina abenza okubi, ukuba ngigcine imithetho kaNkulunkulu wami.

AmaHubo 119:146

Ngiyakhala kuwe; ngisize, ukuba ngigcine imilayo yakho.

AmaHubo 119:17

Yenzela inceku yakho okuhle, ukuba ngiphile ngigcine ilizwi lakho.

AmaHubo 119:22

Susa kimi ukweyisa lokudelela kwabo, ngoba ngigcinile limilayo yakho.

AmaHubo 119:33

Nkosi, ngifundisa indlela yezimiso zakho, ngizakuyigcina kuze kube sekupheleni.

AmaHubo 119:34

Ngiphe ukuqedisisa ukuze ngigcine umlayo wakho, ngiwulondoloze ngenhliziyo yami yonke.

AmaHubo 119:57

Nkosi, uyisabelo sami; ngithi ngizakugcina amazwi akho.

AmaHubo 119:69

Abaziqakisayo baqamba amanga ngami, kodwa ngayo yonke inhliziyo yami ngiyagcina imithetho yakho;

AmaHubo 119:88

Ngivuselela ngothando lwakho olungapheliyo, ukuze ngigcine imilayo yakho.

AmaHubo 25:10

Zonke indlela zeNkosi ziluthando, leqiniso kulabo abalondoloza isivumelwano sayo lemithetho yayo.

Izaga 23:26

Mntanami, ungilalele, uzigcine uzilandele indlela zami.

UJeremiya 29:13

Lizakungidinga, lingifumane; lapho lingifunisisa ngayo yonke inhliziyo yenu,

UHezekhiyeli 36:27

Ngizafaka umoya wami phakathi kwenu, ngilenze ukuba lihambe ngezimiso zami, lokuba linanzelele ukugcina imithetho yami.

UJohane 14:23

UJesu wamphendula wathi: Uba umuntu engithanda, uzakulondoloza ilizwi lami; uBaba uzakumthanda yena; sizakuza kuye, sihlale laye.

UDutheronomi 4:29

Kodwa uba lilapho liyifune iNkosi uNkulunkulu wenu, lizayifumana uba liyidinga ngenhliziyo yenu yonke langomphefumulo wenu wonke.

UDutheronomi 6:17

Ugcine kuhle imithetho yayo lemilayo yayo lezimiso zayo ekulaye zona.

UDutheronomi 6:5

Wothanda iNkosi uNkulunkulu wakho ngenhliziyo yakho yonke langomoya wakho wonke langamandla akho wonke.

1 UJohane 3:20

lapho inhliziyo zethu zisilahla; ngoba uNkulunkulu mkhulu kulenhliziyo zethu, futhi uyakwazi konke.