AmaHubo 116:5 - iBhayibhili Elingcwele 1978

⁵ INkosi ilomusa ilungile; uNkulunkulu wethu ulesihawu.

IBhayibhili Elingcwele LesiNdebele

⁵ UThixo ulomusa njalo ulungile; uNkulunkulu wethu ulesihawu.

AmaHubo 116:5 ပူးပေါင်းရင်းမြစ်များ

U-Ezra 9:15

Nkosi, Nkulunkulu kaIsrayeli, wena ulungile, usitshiyile siyingcosana ephunyukileyo njengalamhlanje. Sesikhona phambi kwakho lezono zethu: ngenxa yazo kakho loyedwa ongema phambi kwakho.

UNehemiya 9:17

Bala ukulalela, bakhohlwa izimangaliso owazenza phakathi kwabo; baba lenkani, bazikhethela umkhokheli ukuba babuyele ebugqilini babo eGibithe. Kodwa wena unguNkulunkulu othanda ukuthethelela, olumusa lesihawu, ophuza ukuthukuthela, lolothando olungapheliyo, kawubalahlanga.

UNehemiya 9:31

Kanti ngomusa wakho omkhulu kawubaqedanga, kawubatshiyanga; ngoba wena unguNkulunkulu olomusa lesihawu.

UNehemiya 9:33

Wena ubulungile kukho konke okusehleleyo, wena ubuthembekile, thina senza okubi;

UNehemiya 9:8

wamfumanisa ethembekile kuwe, wenza laye isivumelwano sokunika inzalo yakhe ilizwe lamaKanani lamaHethi lamaAmori lamaPerizi lamaJebusi lamaGirigashi; usigcwalisile lesisithembiso sakho, ngoba wena ulungile.

AmaHubo 103:8

INkosi ilobubele lesihawu, iyaphuza ukuthukuthela, igcwele uthando olungapheliyo.

AmaHubo 112:4

Kuyabaphumela abaqotho ukukhanya emnyameni, labo abalomusa lesihawu lokulunga.

AmaHubo 115:1

Kakungabi yithi, Nkosi, kakungabi yithi, kodwa kakube libizo lakho elinikwa udumo, ngenxa yothando lwakho olungapheliyo lobuqotho bakho.

AmaHubo 119:137

Wena, Nkosi, ulungile, ziqondile izahlulelo zakho.

AmaHubo 145:17

INkosi ilungile endleleni zayo zonke, ilomusa ekwenzeni kwayo konke.

AmaHubo 86:15

Kodwa wena, Nkosi, unguNkulunkulu olesihawu, olomusa, ophuza ukuthukuthela, ogcwele uthando olungapheliyo lobuqotho.

AmaHubo 86:5

Ngoba wena, Nkosi, ulungile, uyathethelela; uthando lwakho olungapheliyo lukhulu kubo bonke abakhuleka kuwe.

U-Isaya 45:21

Wozani, lilandise indaba yenu; cebisanani lonke. Ngubani owamemeza lokho endulo na? Ngubani owakubikezela kudala na? Kwakungayisimi, iNkosi na? Kakukho omunye unkulunkulu ngaphandle kwami, onguNkulunkulu olungileyo loMsilisi; kakho omunye ngaphandle kwami.

UJeremiya 12:1

Ulungile, wena Nkosi, loba ngisola kuwe; kanti ngizabeka ukusola kwami phambi kwakho. Kungani indlela yababi iphumelela na? Kungani bephumelela bonke ababi?

UDanyeli 9:14

Ngakhoke iNkosi yasisidlinzeka ngomonakalo, yawehlisela phezu kwethu; ngoba iNkosi uNkulunkulu wethu ilungile emisebenzini yayo yonke eyenzileyo, thina kasililalelanga ilizwi layo.

UDanyeli 9:7

Kukhona ukulunga kuwe, Nkosi, kodwa kithi kukhona ihlazo njengalamhlanje ebantwini bakoJuda, labakhileyo eJerusalema, lakuIsrayeli wonke, kubo abaseduze labakhatshana, emazweni wonke obaxotshele kiwo ngenxa yenkohliso abayenze kuwe.

UDanyeli 9:9

Kuwe, Nkosi uNkulunkulu wethu, kukhona isihawu lokuthethelela; ngoba sikuhlamukile.

Abase-Efesu 2:4

Kodwa uNkulunkulu onothileyo ngesihawu, ngenxa yothando lwakhe olukhulu asithanda ngalo,

1 uTimothi 1:14

lomusa weNkosi wanda kakhulu kimi kanye lokukholwa lothando olukuKristu Jesu.

1 UJohane 1:9

Uba sivuma izono zethu, uthembekile yena, ulungile futhi, ngakho uzakusithethelela izono zethu, asihlambulule kukho konke ukungalungi.