AmaHubo 112:4 - iBhayibhili Elingcwele 1978

⁴ Kuyabaphumela abaqotho ukukhanya emnyameni, labo abalomusa lesihawu lokulunga.

IBhayibhili Elingcwele LesiNdebele

⁴ Lasebumnyameni kuyavela ukukhanya kwabaqotho, emuntwini olomusa, olesihawu lolungileyo.

AmaHubo 112:4 ပူးပေါင်းရင်းမြစ်များ

UJobe 11:17

Lokuphila kwakho kuzakhanya kulemini, lomnyama wakho ube njengasekuseni,

UJobe 22:28

Uzaquma indaba, uyenzelwe, lokukhanya kukhanye endleleni zakho.

UJobe 29:3

lapho isibane sakhe sasikhanya phezu kwekhanda lami, ngihamba emnyameni ngokukhanya kwakhe!

AmaHubo 106:1

Dumisani iNkosi! Ibongeni iNkosi ngoba ilungile, ngoba uthando lwayo olungapheliyo kumi kuze kube nininini.

AmaHubo 116:5

INkosi ilomusa ilungile; uNkulunkulu wethu ulesihawu.

AmaHubo 145:17

INkosi ilungile endleleni zayo zonke, ilomusa ekwenzeni kwayo konke.

AmaHubo 37:6

Yona izakuveza ukulunga kwakho njengokukhanya, lelungelo lakho njengemini.

AmaHubo 97:11

Ukukhanya kuyabaphumela abalungileyo, lokuthokoza abanhliziyo eqotho.

Izaga 21:21

Odinga ukulunga lomusa uzakuthola ukuphila lodumo.

U-Isaya 50:10

Lowo ophakathi kwenu oyesabayo iNkosi kalalele ilizwi lenceku yayo: ohamba emnyameni ongelakukhanya, kathembele ebizweni leNkosi, abambelele kuNkulunkulu wakhe.

U-Isaya 58:10

unike olambileyo ukudla, usuthise ohluphekileyo, ng’khonake ukukhanya kwakho kuzaphuma emnyameni, lokudana kwakho kube njengemini.

U-Isaya 58:8

Ng’khonake ukukhanya kwakho kuzavela njengokusa, lokusiliswa kwakho kuvele masinyane; kuthi ukulunga kwakho kuhambe phambi kwakho, lenkazimulo yeNkosi ihambe ngemva kwakho;

UMalaki 4:2

Kodwa kini elesaba ibizo lami kuzakuphuma ilanga lokulunga lilokusilisa empikweni zalo. Lina lizaphuma, liqolotsha njengamathole ephuma esibayeni.

ULukha 6:36

Wobani lesihawu, njengoYihlo ulesihawu.

UJohane 12:46

Ngizile ngiyikukhanya emhlabeni ukuba okholwa kimi angahlali emnyameni.

Abase-Efesu 4:32

Libe mnene omunye komunye, lihawukelane, lithethelelane, njengalokhu uNkulunkulu wasithethelela ngoKristu.

Abase-Efesu 5:15

Ngakhoke qaphelisisani ukuthi lihamba kanjani, kungabi njengezithutha kodwa njengabahlakaniphileyo,

Abase-Efesu 5:9

ngoba izithelo zokukhanya zikukho konke okulungileyo lokuhle lokuliqiniso.

1 UJohane 2:29

Uba lisazi ukuthi ulungile, yazini ukuthi ilowo lalowo owenza ukulunga uzelwe nguye.

1 UJohane 3:10

Ngalokhu kuyabonakala abantwana bakaNkulunkulu labantwana bakaSathane; lowo ongenzi okulungileyo kasuye okaNkulunkulu, laye ongamthandiyo umzalwane wakhe.

1 UJohane 3:7

Bantwana, lingakhohliswa muntu; owenza ukulunga ulungile, njengoba uNkulunkulu elungile;