AmaHubo 110:6 - iBhayibhili Elingcwele 1978

⁶ Izakwahlulela phakathi kwezizwe, kugcwale izidumbu; izakuchitha izinduna endaweni ezinengi.

IBhayibhili Elingcwele LesiNdebele

⁶ Izazahlulela izizwe, yenze inqwaba yabafileyo njalo ibachoboze ababusi bomhlaba wonke.

AmaHubo 110:6 ပူးပေါင်းရင်းမြစ်များ

UGenesisi 3:15

Ngizavusa inzondano phakathi kwakho lowesifazana, laphakathi kwenzalo yakho lenzalo yakhe. Yona izachoboza ikhanda lakho, wena uzalimaza isithende sayo.

AmaHubo 68:21

Kodwa uNkulunkulu uzakuphohloza amakhanda ezitha zakhe, ukhakhayi olulenwele lwalowo ohamba ezonweni zakhe.

AmaHubo 68:22

INkosi yathi: Ngizakubabuyisa eBashani, ngibabuyise enzikini yolwandle,

U-Isaya 11:3

Intokozo yakhe izakuba sekuyesabeni iNkosi. Kayikwahlulela ngokubona kwamehlo akhe, kayikuquma ngokuzwa kwezindlebe zakhe;

U-Isaya 2:4

Izakwahlulela phakathi kwezizwe, iqumele abantu abanengi; bazakukhanda imihedla yabo ibe yimilomo yamakhuba, lemikhonto yabo ibe zingqamu zokuthena izihlahla; isizwe kasiyikuphakamisela isizwe umkhonto, kasisayikufunda ukulwa futhi.

U-Isaya 42:1

INkosi ithi: Khangela inceku yami engiyisekelayo, okhethiweyo wami, othokoza ngaye umphefumulo wami; ngibekile umoya wami phezu kwakhe, ukuze alethele izizwe ukulunga.

U-Isaya 42:4

Kayikudinwa aphele amandla, aze amise ukulunga emhlabeni; lamazwe angasolwandle azakulindela umlayo wakhe.

U-Isaya 51:5

Ukukhulula kwami kuyasondela masinyane, lokusiza kwami kuyeza, ngizakubusa izizwe; amazwe angasolwandle angilindele, athembe amandla ami.

U-Isaya 66:24

Bazakuphuma, babone izidumbu zabantu abangivukelayo; impethu edla izidumbu kayiyikufa, lomlilo ozitshisayo kawuyikucima; bazakuba yisinengiso kubo bonke abantu.

UHezekhiyeli 39:4

Uzawela phezu kwezintaba zakoIsrayeli, wena lamaxuku akho wonke labantu abalawe. Ngizakukunikela emanqeni lezilweni zeganga ukuba kukudle.

UMikha 4:3

Izakwahlulela phakathi kwezizwe ezinengi, equmele izizwe ezilamandla ezikhatshana; zizakukhanda imihedla yazo ibe yimilomo yamakhuba, lemikhonto yazo ibe zingqamu zokuthena izihlahla; izizwe kazisayikuphuma impi, kazisayikufunda ukulwa futhi;

UHabhakhukhi 3:13

Waphumela ukukhulula abantu bakho, ukukhulula ogcotshiweyo wakho. Ubhidlizele phansi indlu yomubi, waquphula lezisekelo zayo.

UJohane 5:22

Ngoba uYise kahluleli muntu; kodwa unikele iNdodana konke ukwahlulela,

Isambulo 14:20

Isikhamelo sanyathelwa ngaphandle komuzi; kwaphuma igazi esikhamelweni, lakhula laze lafika ematomini amabhiza, lahamba amakhilomitha angamakhulu amathathu.

Isambulo 19:11

Ngasengibona izulu livulekile; ngabona ibhiza elimhlophe, oligadileyo ubizwa ngokuthi ngoThembekileyo loQotho; ngoba uthonisisa, alwe ngokulunga.

1 USamuyeli 2:10

Izitha zeNkosi zizabhujiswa; oPhezukonke uzaduma esezulwini, ahlulele emhlabeni wonke, anike amandla inkosi yakhe, aphakamise amandla ogcotshiweyo wakhe.