AmaHubo 11:1 - iBhayibhili Elingcwele 1978

¹ Ngiyaphephela eNkosini. Ngakho lingatsho kanjani kimi ukuthi: Balekela ezintabeni njengenyoni,

IBhayibhili Elingcwele LesiNdebele

¹ Mina ngiphephela kuThixo. Pho ungatsho kanjani kimi ukuthi: “Balekela entabeni yakho njengenyoni.

AmaHubo 11:1 ပူးပေါင်းရင်းမြစ်များ

2 ImiLando 14:11

UAsa wakhuleka eNkosini uNkulunkulu wakhe wathi: Nkosi, kakho onjengawe ukuvikela ababuthakathaka kwabalamandla; akusisize, Nkosi Nkulunkulu wethu, ngoba thina sithembele kuwe; ngebizo lakho siphumile ukulwa lalimpi engaka; Nkosi, wena unguNkulunkulu wethu; umuntu angephikisane lawe.

2 ImiLando 16:8

AmaEtiyopiya lamaLibiya ayengesiyo impi enkulu, elezinqola zokulwa ezinengi labagadi bamabhiza abanengi na? Kanti ngoba uthembele eNkosini, yawanikela esandleni sakho.

UNehemiya 6:11

Kodwa mina ngathi: Kambe umuntu onjengami angabaleka na? Nguwuphi umuntu onjengami ongangena ethempelini abuye aphile na? Kangiyikuyangena.

AmaHubo 16:1

Ngilondoloza, Nkulunkulu, ngoba ngiyaphephela kuwe.

AmaHubo 25:2

Nkulunkulu wami, ngithemba kuwe; ungavumeli ukuba ngiyangeke; izitha zami kazingathokozi ngami.

AmaHubo 31:14

Kodwa mina ngithemba kuwe, Nkosi, ngithi: Wena unguNkulunkulu wami.

AmaHubo 56:11

KuNkulunkulu ngiyathemba ngingesabi. Umuntu angenzani kimi na?

AmaHubo 7:1

Nkosi, Nkulunkulu wami, ngiyaphephela kuwe; ngisiza kubo bonke abangizingelayo, ungikhulule,

AmaHubo 7:2

funa bangidabule njengesilwane, bangiklebhule, kungekho osizayo.

AmaHubo 9:10

Abalaziyo ibizo lakho bazakuthemba kuwe, ngoba wena Nkosi, kawubatshiyanga abakudingayo.

Izaga 6:5

uzophule njengomziki emjibileni, njengenyoni esandleni somthiyi.

UJeremiya 48:14

Lingatsho kanjani ukuthi: Singamaqhawe lamadoda empi alamandla?

ULukha 13:31

Ngalesosikhathi kwafika abaFarisi abathile, bathi kuye: Suka lapha, ngoba uHerodi ufuna ukukubulala.

1 USamuyeli 19:11

Ngalobobusuku uSawuli wathuma izithunywa endlini kaDavida ukuba zimqaphele, ukuze ambulale ekuseni. Kodwa uMikhali umkaDavida wamxwayisa wathi: Uba ungabaleki ngalobubusuku, uzabulawa kusasa.

1 USamuyeli 20:38

Phangisa, ukhawuleze, ungaphuzi. Ngakho umfana kaJonathani wayiqoqa imitshoko, labuyela enkosini yakhe.

1 USamuyeli 22:3

UDavida wasuka lapho waya eMizipa kwelaseMowabi; wathi enkosini yaseMowabi: Ngiyacela ukuba ubaba lomama bake bazehlala kini, ngize ngazi ukuthi uNkulunkulu uzangenzelani.

1 USamuyeli 23:14

UDavida wahlala enkangala ezinqabeni, ezintabeni ezisenkangala yaseZifi. USawuli wayemdinga insuku zonke, kodwa uNkulunkulu kamnikelanga esandleni sakhe.

1 USamuyeli 27:1

UDavida wathi enhliziyweni yakhe: Ngizaze ngife ngolunye usuku ngibulawa nguSawuli. Okungcono kimi yikuba ngibalekele elizweni lamaFilistiya; uSawuli uzangiyekela angabe esangidinga kulo lonke ilizwe lakoIsrayeli, ngiphephe esandleni sakhe.