AmaHubo 106:5 - iBhayibhili Elingcwele 1978

⁵ ukuze ngibone impumelelo yabakhethiweyo bakho, ngithokoze ekuthokozeni kwesizwe sakho, ngiziqhenye kanye labantu bakho.

IBhayibhili Elingcwele LesiNdebele

⁵ ukuze lami ngikholise ukuphumelela kwalabo obakhethileyo, ukuze ngabelwe entokozweni yesizwe sakho ngihlanganyele lelifa lakho ekudumiseni.

AmaHubo 106:5 ပူးပေါင်းရင်းမြစ်များ

2 USamuyeli 20:19

Umuzi wakithi ulokuthula uthembekile ukwedlula eminye; futhi unjengonina koIsrayeli. Ufunelani ukuwuchitha na? Uzadilizelani okweNkosi uNkulunkulu na?

AmaHubo 1:3

Unjengesihlahla esihlanyelwe ngasemifuleni yamanzi, esithela isithelo saso ngesikhathi saso, esimahlamvu aso kawabuni. Kukho konke akwenzayo uyaphumelela.

AmaHubo 105:43

Yaphumisa abantu bayo ngokuthokoza, labakhethiweyo bayo behlabela.

AmaHubo 105:6

lina nzalo kaAbrahama inceku yayo, lina bantwana bakaJakobe abakhethiweyo bayo.

AmaHubo 118:15

Lalelani ingoma zokuthokoza lezokunqoba emathenteni abalungileyo besithi: Esokunene seNkosi siyanqoba,

AmaHubo 14:7

Kungathi ukukhululwa kukaIsrayeli kungavela eZiyone! Lapho iNkosi ibuyisa inhlanhla kubantu bayo, uJakobe uzakuthaba, loIsrayeli athokoze.

AmaHubo 48:11

Kayithokoze intaba yaseZiyone, lemizi yakoJuda ithabe ngenxa yezahlulelo zakho.

U-Isaya 12:6

Memezani, lihlabele ngokuthokoza, lina baseZiyone, ngoba mkhulu phakathi kwenu oNgcwele kaIsrayeli.

U-Isaya 35:10

abahlengiweyo beNkosi bazakubuyela ekhaya; bazafika eZiyone behlabela begcwele ukuthokoza okungapheliyo; bazazuza ukuthokoza lokujabula, usizi lokububula kuzakuphela.

U-Isaya 45:25

Kanti inzalo kaIsrayeli izakunqoba, ithokoze ngeNkosi.

U-Isaya 66:10

Thokozani kanye leJerusalema, lilithabele, lina lonke elilithandayo; jabulani kanye lalo khathesi, lina lonke elilililelayo;

UJoweli 2:23

Thabani, lina beZiyone, lithokoze ngeNkosi, uNkulunkulu wenu; ngoba ilinikile izulu lensewula ukuba ilibusise, yalinisela izulu elinengi, lensewula lelamuva njengakuqala.

UZefaniya 3:14

Hlabela kakhulu, wena Ziyone, umemeze, Israyeli. Thokoza, uthabe ngenhliziyo yakho yonke, wena Jerusalema.

UZakhariya 9:9

Thokoza kakhulu, wena Ziyone! Memeza kakhulu, Jerusalema! Khangela, inkosi yakho iyeza kuwe, inqobile yehlula, imnene, ikhwele ubabhemi, ithole, inkonyane kababhemi.

UJohane 15:16

Kalingikhethanga lina, kodwa yimi engilikhethileyo, ngilimisele ukuba lihambe, lithele izithelo, lezithelo zenu zihlale njalo, ukuba loba yini eliyicela kuBaba ngebizo lami alinike yona.

UJohane 16:22

Lanike lilosizi khathesi, kodwa ngizakubuya ngilibone, inhliziyo zenu zithokoze; kakho ongalamuka intokozo yenu.

Imisebenzi 9:15

Kodwa iNkosi yathi kuye: Hamba, ngoba lowo uyisitsha sami esikhethiweyo sokuphatha ibizo lami phambi kwezizwe, lamakhosi, labakoIsrayeli;

Abase-Efesu 1:18

Kungathi kungavulwa amehlo enhliziyo zenu, ukuze lazi ithemba elibizelwa kulo, lenotho enkulu yelifa alinika lona kubo abangcwele,

Abase-Efesu 1:4

Wasikhetha ngoKristu ngaphambi kokudatshulwa komhlaba ukuba sibe ngcwele, singasoleki phambi kwakhe.

UDutheronomi 32:9

kodwa isabelo seNkosi saba ngabantu bayo, uJakobe waba yisabelo sayo esikhethiweyo.

UDutheronomi 7:6

Ngoba lingabantu abangcwele eNkosini uNkulunkulu wenu; ilikhethile ukuba libe ligugu kuyo phakathi kwazo zonke izizwe ezisemhlabeni.

AbaseFiliphi 3:3

Ngoba singabokusoka thina esikhonza uNkulunkulu ngoMoya, siziqhenya kuKristu Jesu, singathembeli kokomzimba.

2 AbaseThesalonika 2:13

Kodwa thina simele ukubonga uNkulunkulu njalo ngani, bazalwane abathandekayo beNkosi, ngoba uNkulunkulu walikhetha kusukela ekuqaleni, walikhethela ukuba lisiliswe ngobungcwele obuvela kuMoya langokukholwa iqiniso;

UJakhobe 2:5

Zwanini, bazalwane bami abathandekayo; uNkulunkulu kabakhethanga yini abayanga emhlabeni ukuba babe ngabanothileyo ngokukholwa lezindlalifa zombuso awuthembisayo kulabo abamthandayo na?

1 UPhethro 2:9

Kodwa lina liluhlanga olukhethiweyo, ubupristi bobukhosi, lesizwe esingcwele, abantu abamisiweyo babe ngabakaNkulunkulu, ukuze litshumayele izenzo ezimangalisayo zalowo owalikhupha emnyameni, walisa ekukhanyeni kwakhe okumangalisayo.

Isambulo 17:14

Azakuhlasela iWundlu, kodwa iWundlu lizakuwanqoba, ngoba liyiNkosi yamakhosi loMbusi wababusi, abakanye lalo ngababiziweyo, labakhethiweyo, labathembekileyo.