AmaHubo 106:3 - iBhayibhili Elingcwele 1978

³ Babusisiwe bona abenza okufaneleyo, abenza ukulunga ngazo zonke izikhathi.

IBhayibhili Elingcwele LesiNdebele

³ Babusisiwe labo abahlala besenza ngendlela enhle, abahlezi besenza okulungileyo.

AmaHubo 106:3 ပူးပေါင်းရင်းမြစ်များ

AmaHubo 119:106

Ngifungile, ngaqinisa, ukugcina izimiso zakho ezilungileyo.

AmaHubo 119:112

Ngizimisele ukugcina izimiso zakho kuze kube sekupheleni.

AmaHubo 119:20

Umphefumulo wami uyalangatha kakhulu izahlulelo zakho ngezikhathi zonke.

AmaHubo 119:44

Ngizakuwugcina umlayo wakho njalonjalo, kuze kube nininini;

AmaHubo 15:2

Yilowo ohamba ngobuqotho lowenza okulungileyo, okhuluma iqiniso enhliziyweni yakhe,

AmaHubo 25:7

Ungazikhumbuli izono zobutsha bami kanye leziphambeko zami; ngenxa yothando lwakho olungapheliyo ungikhumbule, ngenxa yokulunga kwakho, Nkosi.

U-Isaya 64:5

Ulomusa kulabo abenza ukulunga, abananzelela indlela zakho. Wasithukuthelela, kodwa saqhubeka ekoneni; phezu kwakho konke sonile kusukela endulo.

UMakho 3:35

Ngoba ilowo lalowo owenza intando kaNkulunkulu nguye ongumfowethu lodadewethu lomama.

ULukha 11:28

Kodwa yena wathi: Yebo, kodwa ikakhulu babusisiwe abalizwayo ilizwi likaNkulunkulu, balilondoloze.

ULukha 11:42

Kodwa maye kini baFarisi! ngoba lithela okwetshumi kwemfe, lamakhomane, lokwemibhida yonke, lingananzeleli ukulunga lokumthanda uNkulunkulu. Belifanele ukukwenza lokhu, lingakuyekeli lalokho.

UJohane 13:17

Uba likwazi lokhu libusisiwe uba likwenza.

UJohane 15:14

Lina lingabangane bami, uba lisenza lokhu engililaya khona.

Imisebenzi 24:16

Ngakho lami ngiyazama ukuba ngibe lesazela esingelacala phambi kukaNkulunkulu labantu.

AbaseRoma 2:7

Labo abathi ngesineke bafune inkazimulo lodumo lokungabhubhi ngokwenza imisebenzi emihle, uzakubanika ukuphila okungapheliyo;

AbaseGalathiya 6:9

Kasingadinwa yikwenza okuhle, ngoba ngesikhathi esifaneleyo sizakuvuna uba singadinwanga.

UDutheronomi 11:1

Ngakhoke kalibothanda iNkosi uNkulunkulu wenu, ligcine ilizwi layo lezimiso zayo lezahlulelo zayo lemithetho yayo insuku zonke.

UDutheronomi 5:19

Ungebi.

UJakhobe 1:25

Kodwa lowo okhangelisisa emlayweni opheleleyo, umlayo okhululayo, abambelele kuwo, engesuye ozwayo nje akhohlwe kodwa engowenzayo asebenze, uzakuba ngobusisiweyo ekwenzeni kwakhe.

Isambulo 22:14

Babusisiwe labo abagezisa ingubo zabo ukuba babe lelungelo esihlahleni sokuphila, bangene emzini ngamasango.

Isambulo 7:15

Ngakhoke baphambi kwesihlalo sobukhosi sikaNkulunkulu bemkhonza emini lebusuku ethempelini lakhe, lohleziyo esihlalweni sobukhosi uzakuhlala labo.