AmaHubo 103:18 - iBhayibhili Elingcwele 1978

¹⁸ kubo abagcina isivumelwano sayo, bekhumbula imithetho yayo ukuba bayilalele.

IBhayibhili Elingcwele LesiNdebele

¹⁸ kulabo abagcina isivumelwano Sakhe njalo bakhumbule ukulalela izimiso zakhe.

AmaHubo 103:18 ပူးပေါင်းရင်းမြစ်များ

2 ImiLando 34:31

Inkosi yema endaweni yayo, yenza isivumelwano phambi kweNkosi ukuba izayilalela, igcine imilayo yayo lemithetho yayo ngenhliziyo yayo yonke langomoya wayo wonke, yenze okutshiwo ngamazwi esivumelwano ayelotshiwe kulolugwalo.

AmaHubo 132:12

Uba abantwana bakho begcina isivumelwano sami lemilayo yami engizakubafundisa yona, labantwana babo bazakuhlala esihlalweni sakho sobukhosi kuze kube nininini.

AmaHubo 25:10

Zonke indlela zeNkosi ziluthando, leqiniso kulabo abalondoloza isivumelwano sayo lemithetho yayo.

U-Eksodasi 19:5

Ngakhoke uba lililalela ilizwi lami, ligcine isivumelwano sami, lizakuba ligugu kimi phakathi kwezizwe zonke; ngoba wonke umhlaba ungowami;

U-Eksodasi 24:8

UMose wasethatha igazi, walikhaphazela ebantwini, wathi: Khangelani igazi lesivumelwano iNkosi esenze lani ngawo wonke lamazwi.

Izaga 3:1

Mntanami, ungakhohlwa ukufundisa kwami, kodwa uyigcine imilayo yami enhliziyweni yakho;

U-Isaya 64:4

Kusukela endulo abantu kabezwanga, futhi kababonanga uNkulunkulu onjengawe, osebenzela labo abamthembayo.

AmaNani 15:40

Khumbulani yonke imilayo yami, liyigcine, libe ngcwele eNkosini yenu.

UMatewu 28:20

libafundise ukugcina konke engililaye ngakho; khangelani, mina ngilani insuku zonke kuze kube sekupheleni kwesikhathi.

ULukha 1:6

Babelungile bobabili emehlweni kaNkulunkulu behamba ngayo yonke imilayo lezimiso zeNkosi, bengasoleki.

Imisebenzi 24:16

Ngakho lami ngiyazama ukuba ngibe lesazela esingelacala phambi kukaNkulunkulu labantu.

UDutheronomi 4:23

Qaphelisani funa likhohlwe isivumelwano seNkosi uNkulunkulu wenu eyasenza lani, lenze isithombe esibaziweyo salokho iNkosi uNkulunkulu wenu elinqabele khona.

UDutheronomi 7:12

Kuzakuthi uba lilalela lezizimiso, lizigcine, lizenze, iNkosi uNkulunkulu izagcina isivumelwano eyasifunga kubokhokho benu, ibe lothando olungapheliyo kini.

UDutheronomi 7:9

Ngakhoke yazini ukuthi iNkosi uNkulunkulu wenu inguNkulunkulu, uNkulunkulu othembekileyo, ogcina isivumelwano sakhe, olothando olungapheliyo kubo abamthandayo abagcina isivumelwano sakhe, kuze kube sezizukulwaneni eziyinkulungwane,

1 AbaseThesalonika 4:1

Elokucinake, bazalwane, siyalincenga, sililaya ngeNkosi uJesu ukuba njengalokhu lakufunda kithi ukuthi lifanele ukuhamba lokumthokozisa kanjani uNkulunkulu, njengalokho lihamba ngokunjalo, kwenzenike lokhu kakhulu.