AmaHubo 1:3 - iBhayibhili Elingcwele 1978

³ Unjengesihlahla esihlanyelwe ngasemifuleni yamanzi, esithela isithelo saso ngesikhathi saso, esimahlamvu aso kawabuni. Kukho konke akwenzayo uyaphumelela.

IBhayibhili Elingcwele LesiNdebele

³ Unjengesihlahla esihlanyelwe emifuleni yamanzi, esithela izithelo zaso ngesikhathi saso, ohlamvu laso kalibuni. Konke akwenzayo kuyaphumelela.

AmaHubo 1:3 ပူးပေါင်းရင်းမြစ်များ

UGenesisi 39:23

Umlindintolongo kasakhangelanga lutho olwaluphethwe nguJosefa, ngoba iNkosi yayilaye; lalokho akwenzayo iNkosi yakuphumelelisa.

UGenesisi 39:3

Inkosi yakhe yabona ukuthi iNkosi ilaye, lokuthi konke akwenzayo iNkosi yakuphumelelisa.

2 AmaKhosi 18:7

INkosi yaba laye, waphumelela kukho konke akwenzayo. Wayivukela inkosi yaseAsiriya, kazabe esaba ngaphansi kwayo.

1 ImiLando 22:11

Wena mntanami, iNkosi ibe lawe ukuze uphumelele ukwakha indlu yeNkosi uNkulunkulu wakho, njengokutsho kwayo ngawe.

1 ImiLando 22:13

Uzakuphumelelake uba unanzelela ukugcina izimiso lemithetho iNkosi uNkulunkulu eyayinika uIsrayeli ngoMose. Qina, ube lesibindi, ungesabi utshaywe luvalo.

2 ImiLando 31:21

Wonke umsebenzi awenzayo enkonzweni yendlu kaNkulunkulu ngokomlayo langemithetho, edinga uNkulunkulu wakhe, wawenza ngenhliziyo yakhe yonke, waphumelela.

2 ImiLando 32:23

Abanengi baletha iziphiwo eNkosini uNkulunkulu eJerusalema lezinto eziligugu kuHezekiya inkosi yakoJuda okwamenza wahlonitshwa yizo zonke izizwe kusukela kulesosikhathi.

UJobe 14:9

kanti lapho sisizwa amanzi, siyahluma, sikhuphe izingatsha njengesihlahla esitsha.

UJobe 22:28

Uzaquma indaba, uyenzelwe, lokukhanya kukhanye endleleni zakho.

AmaHubo 128:2

Ngoba uzakudla izithelo zomsebenzi wezandla zakho; uzakuba lenhlanhla uphumelele.

AmaHubo 129:8

Abadlulayo kabatsho ukuthi: Isibusiso seNkosi kasibe phezu kwenu. Siyalibusisa ebizweni leNkosi.

AmaHubo 92:14

Basathela izithelo lasebudaleni babo, bayahluma babe luhlaza,

AmaHubo 92:15

ukuze batshengise ukuthi iNkosi iqondile; yona ilidwala lami, kakukho ukungalungi kiyo.

U-Isaya 27:11

Lapho ingatsha zawo sezomile ziyephulwa; abesifazana beze bazibuse. Ngoba laba ngabantu abangelakuqonda; ngakhoke lowo owabenzayo kayikubahawukela, lowababumbayo kayikubenzela umusa.

U-Isaya 3:10

Tshelani abalungileyo ukuthi kuzakuba kuhle kubo, ngoba bazakudla umvuzo wezenzo zabo.

U-Isaya 44:4

Bazakuhluma njengotshani obuphakathi kwamanzi, lanjengenhlokotshiyane engasemifuleni yamanzi.

U-Isaya 58:11

INkosi izakukuhola njalonjalo, ikusuthise ezindaweni ezingamagwadule, iqinise amathambo akho, ube njengensimu ethelelwayo, lanjengomthombo olamanzi angacitshiyo.

UJeremiya 17:8

Unjengesihlahla esihlanyelwe ngasemanzini, esinabisela impande zaso ngasemfuleni, esingesabi lapho kufika ukutshisa, lemahlamvu aso ahlala eluhlaza; kasethuki lasemnyakeni wokubalela kwelanga, ngoba kasiyekeli ukuthela izithelo.

UHezekhiyeli 17:8

lwalisa emhlabathini omuhle ngasemanzini amanengi ukuba likhuphe ingatsha, lithele isithelo, libe livini elihle.

UHezekhiyeli 19:10

Unyoko wayenjengesihlahla sevini esivinini esigxunyekwe ngasemanzini, esilezithelo lamahlamvu amanengi ngenxa yamanzi amanengi.

UHezekhiyeli 31:5

Waphakamake, wazedlula zonke izihlahla zegusu, ingatsha zawo zaba zinkulu zaba nde, ngenxa yobunengi bamanzi empandeni zawo.

UHezekhiyeli 47:12

Enkunjini zombili zomfula kuzakhula zonke inhlobo zezihlahla ezidliwayo. Amahlamvu azo kawayikubuna, lezithelo zazo kaziyikuphutha, zizathela izithelo ezintsha inyanga zonke, ngoba amanzi azo avela endlini engcwele. Izithelo zazo zizakuba ngezokudliwa, lamahlamvu azo abe ngawokwelapha.

AmaNani 24:6

Anjengemizila yamalala, lamasimu ngasemfuleni, anjengezinhlaba ezihlanyelweyo yiNkosi, lezihlahla zomkusu ngasemanzini!

UMatewu 13:6

Kwathi ekuphumeni kwelanga, yahanguka; yabuna ngoba yayingelampande.

UMatewu 21:19

Ebona umkhiwa ngasendleleni wasondela kuwo; kafumananga lutho kuwo kodwa amahlamvu wodwa. Wathi kuwo: Kakungabe kusavela isithelo kuwe lanini. Umkhiwa wabuna khona lapho.

UMatewu 21:34

Kwathi sekusondele isikhathi sezithelo, wathuma inceku zakhe kubalimi ukuze zamukele izithelo zakhe.

UMatewu 21:41

Bathi kuye: Uzakubabulala kubi labo ababi, lesivini sakhe sinikwe abanye abalimi abazakumnika izithelo ngezikhathi zazo.

UJohane 15:6

Uba umuntu engahlali kimi, ulahlwa njengogatsha olubunileyo; bazibuthe, baziphose emlilweni, zitshe.

UDutheronomi 28:8

INkosi izakuthuma isibusiso sayo phezu kwenu, eziphaleni zenu lakukho konke elizakukwenza, ilibusise elizweni iNkosi uNkulunkulu wenu elinika lona.

UJuda 1:12

Laba balihlazo emadilini enu othando nxa besidla lani bengesabi, bezinanzelela bona bodwa. Bangamayezi angelamanzi, aphetshulwa ngumoya; bayizihlahla ezingatheliyo zebusika, ezife kabili, sezisitshulwe;

Isambulo 22:2

egeleza phakathi kwendlela yomuzi. Kwakumi inxa zombili zomfula isihlahla sokuphila esithela izithelo ezilitshumi lambili, sithela izithelo zaso inyanga ngenyanga, lamahlamvu aso angawokwelapha izizwe.