AmaHebheru 7:5 - iBhayibhili Elingcwele 1978

⁵ Lalabo abangamadodana kaLevi abamukeliswe ubupristi balamandla okwamukela okwetshumi ebantwini ngokomthetho, okuyikuthi kubafowabo, loba labo beyinzalo kaAbrahama.

IBhayibhili Elingcwele LesiNdebele

⁵ Khathesi umthetho ufuna abenzalo kaLevi ababa ngabaphristi ukuba baqoqe okwetshumi ebantwini, lokhu kutsho abafowabo lanxa abafowabo beyinzalo ka-Abhrahama.

AmaHebheru 7:5 ပူးပေါင်းရင်းမြစ်များ

UGenesisi 35:11

UNkulunkulu wathi kuye: NginguNkulunkulu uSomandla; zala wande; kuzakuvela kuwe isizwe, yebo ibandla lezizwe; amakhosi azazalwa nguwe.

UGenesisi 46:26

Bonke abantu abafika loJakobe eGibithe, abayinzalo yakhe, ngaphandle kwabafazi bamadodana kaJakobe, babengamatshumi ayisithupha lesithupha.

1 AmaKhosi 8:19

kodwake kawuyikuyakha indlu wena, indodana ozayizala yiyo ezakungakhela indlu.

UNehemiya 13:10

Ngafumanisa futhi ukuthi amaLevi ayengasazinikwa izabelo zawo, lokuthi amaLevi labahlabeleli ababefanele ukusebenza bonke basebezibuyelele emasimini abo.

U-Eksodasi 1:5

Bonke abazalwa nguJakobe babengamatshumi ayisikhombisa. UJosefa wayeseseGibithe.

U-Eksodasi 28:1

Sondeza kuwe uAroni lamadodana akhe abaphakathi kwabakoIsrayeli, ukuba babe ngabapristi bokuphatha umsebenzi wami, ngitsho uAroni lamadodana akhe uNadabi loAbihu loEleyazare loIthamari.

AmaNani 18:7

Wena lamadodana akho lizakwenza imisebenzi yenu yobupristi kukho konke okuqondene lealtare lalokho okungaphakathi kweveli, likhonze. Ngiyalinika ubupristi bube yisipho; kodwa umuntu ongelasikhundla osondelayo uzakubulawa.

UDutheronomi 26:12

Lapho usuqedile ukunika okwetshumi kwezithelo zakho ngomnyaka wesithathu, ongumnyaka wokunika okwetshumi, usukunike umLevi lowemzini lentandane lomfelwakazi ukuba badle basuthe emizini yakho,

AmaHebheru 5:4

Kakulamuntu ozithathela lesisikhundla, kodwa ubizelwa kuso nguNkulunkulu njengoAroni.

AmaHebheru 7:10

ngoba wayesesokhalweni lukakhokho wakhe mhla uMelkizedeki emhlangabeza.