AmaHebheru 7:14 - iBhayibhili Elingcwele 1978

¹⁴ Ngoba kusobala ukuthi iNkosi yethu yavela koJuda, isizwe uMose angakhulumanga lutho ngaso mayelana lobupristi.

IBhayibhili Elingcwele LesiNdebele

¹⁴ Ngoba kusobala ukuba iNkosi yethu yadabuka koJuda njalo mayelana lalesosizwana uMosi katshongo lutho ngabaphristi.

AmaHebheru 7:14 ပူးပေါင်းရင်းမြစ်များ

UGenesisi 46:12

Amadodana kaJuda ayengoEri loOnani loShela loPerezi loZera; kodwa uEri loOnani bafela elizweni laseKanani. Amadodana kaPerezi ayengoHezironi loHamuli.

UGenesisi 49:10

Intonga yobukhosi kayiyikusuka kuJuda, lodondolo lokubusa phakathi kwenyawo zakhe, aze afike lowo ofanele lona, labantu bonke bamlalele.

U-Isaya 11:1

Kuzakuvela ihlumela esidindini sikaJese, kuphume ugatsha empandeni zakhe.

UMikha 5:2

Kodwa wena, Betlehema Efratha, omncinyane ukuba ube phakathi kwezizwe zakoJuda, kuzavela kuwe othile ozakuba ngumbusi wakoIsrayeli, okudabuka kwakhe kusukela endulo.

AmaNani 24:17

Lona lithi: Ngiyambona, kodwa kungekhathesi, ngiyambona, kodwa kungeseduze; inkanyezi izakuvela kuJakobe, lentonga yobukhosi izakuvuka koIsrayeli, ichoboze ikhanda likaMowabi, lenkakhayi zawo wonke amadodana kaShethi.

UMatewu 2:6

Lawe Betlehema, lizwe lakoJuda, kawusuye omncinyane lakanye kubabusi bakoJuda, ngoba kuzakuvela kuwe umbusi ozakwalusa abantu bami uIsrayeli.

ULukha 1:43

Kwenzeke kanjani kimi ukuba ngihanjelwe ngunina weNkosi yami na?

ULukha 3:33

kaAminadaba kaAdamina kaArni kaHezironi kaPerezi kaJuda

UJohane 20:13

Zona zathi kuye: Mama, ukhalelani na? Wathi kuzo: Bayithethe iNkosi yami, kangazi lapho bayibeke khona.

UJohane 20:28

UTomasi wamphendula wathi: Nkosi yami, Nkulunkulu wami!

AbaseRoma 1:3

Lona limayelana leNdodana yakhe eyazalwa enzalweni kaDavida ngokwenyama,

AbaseRoma 2:3

Wena muntu othonisisa abenza okunjalo, ukwenza lawe, ucabanga ukuthi uzakuphepha ukuthonisisa kukaNkulunkulu na?

Abase-Efesu 1:3

Kabongwe uNkulunkulu, uYise weNkosi yethu uJesu Kristu osibusisileyo kuKristu ngesibusiso sonke sokomoya ezulwini.

AbaseFiliphi 3:8

Yebo impela, konke ngikutshaye ize ngenxa yobukhulu bokumazi uKristu Jesu iNkosi yami. Ngilahlekelwe yikho konke ngenxa yakhe, ngikutshaya imfucuza, ukuze ngizuze uKristu,

AmaHebheru 7:13

Kodwa lowo okukhulunywa ngaye ungowesinye isizwe, okungabanga khona kuso owake wakhonza ealtareni.

AmaHebheru 7:15

Ikakhulu kusobala kulokho, lapho sekumiswa omunye umpristi ofana loMelkizedeki,

Isambulo 22:16

Mina Jesu ngisithumile isithunywa sami ukufakaza ngalezizinto kini emabandleni; ngiyimpande lenzalo kaDavida, indonsakusa ekhanyayo.

Isambulo 5:5

Omunye wabadala wasesithi kimi: Ungakhali; ngoba sinqobile iSilwane sesizwe sakoJuda, iMpande kaDavida, ukuze siyivule lincwadi, siqhaqhe lezimpawu zayo eziyisikhombisa.