AmaHebheru 4:12 - iBhayibhili Elingcwele 1978

¹² Ngoba ilizwi likaNkulunkulu liphilile, lilamandla, libukhali kulomhedla osika inxa zombili, lihlaba kuze kwahlukane umphefumulo lomoya, amalunga lomnkantsho, lihlola imicabango lamacebo enhliziyo.

IBhayibhili Elingcwele LesiNdebele

¹² Ilizwi likaNkulunkulu liyaphila njalo liyasebenza. Libukhali kulenkemba esika inxa zombili, ingena ize yehlukanise umphefumulo lomoya, amalunga lomnkantsho; lahlulela imicabango lomumo wenhliziyo.

AmaHebheru 4:12 ပူးပေါင်းရင်းမြစ်များ

AmaHubo 110:2

Intonga yobukhosi bakho iNkosi izakuyelula iseZiyone. Ithi: Busa wena phakathi kwezitha zakho.

AmaHubo 119:130

Ukwambulwa kwamazwi akho kuyakhanyisa, kuyahlakaniphisa abayizithutha.

AmaHubo 139:2

Uyakwazi ukuhlala kwami lokusuka kwami; uyayazi imicabango yami ukhatshana.

AmaHubo 149:6

Izibongo zikaNkulunkulu kazibe semilonyeni yabo, lemikhonto ecijileyo ibe sezandleni zabo,

AmaHubo 45:3

Hloma ngomkhonto wakho wena qhawe, ulobukhosi lobukhulu.

Izaga 5:4

kodwa ekucineni siyababa njengomhlonyane, sibukhali njengensingo.

UmTshumayeli 12:11

Amazwi abahlakaniphileyo anjengencijo lanjengezipikili ezibethelwe zatshona; ayalikhokhela ibandla ngoba avela kumalusi munye.

U-Isaya 11:4

kodwa uzakwahlulela abayanga ngokulunga, aqumele abathobileyo bomhlaba ngobuqotho; ilizwi lakhe lizakuba yintonga yokutshaya abangalunganga, lezigwebo zakhe zizakubabulala ababi.

U-Isaya 49:2

Yenza umlomo wami waba njengomkhonto obukhali, yangifihla emthunzini wesandla sayo; yangenza ngaba njengomtshoko ololiweyo, yangifihla esambeni sayo semitshoko.

U-Isaya 55:11

lizakuba njaloke lelizwi eliphuma emlonyeni wami; kaliyikubuya kimi lize, kodwa lizakwenza lokho engikufunayo, liphumelelise lokho engilithumele khona.

UJeremiya 17:10

Mina Nkosi ngiyahlola ingqondo, ngiyilinge inhliziyo, ukuba nginike wonke umuntu okufanele indlela zakhe, lokufanele izenzo zakhe.

UJeremiya 23:29

Ilizwi lami kalinjengomlilo yini lanjengesando esiqhekeza ilitshe na? kutsho iNkosi.

ULukha 8:11

Umfanekiso utsho lokhu: Inhlanyelo iyilizwi likaNkulunkulu.

UJohane 12:48

Yena ongalayo engawamukeli amazwi ami, ulaye omlahlayo; ilizwi esengilikhulumile lizakumlahla ngosuku lokucina.

UJohane 6:51

Mina ngiyisinkwa esiphilayo esehla sivela ezulwini. Uba umuntu esidla lesisinkwa, uzakuphila kokuphela; isinkwa engizakusinika siyinyama yami engizakuyinikela ngenxa yokuphila komhlaba.

Imisebenzi 2:37

Bathi ukuzwa lokhu bahlabeka enhliziyweni, bathi kuPetro lakwabanye abaphostoli: Bazalwane, senze njani na?

Imisebenzi 4:31

Kwathi sebekhulekile, kwazanyazanyiswa indawo ababebuthene kuyo, bagcwaliswa ngoMoya oNgcwele bonke, bakhuluma ilizwi likaNkulunkulu ngesibindi.

Imisebenzi 5:33

Kwathi bona sebezwile lokhu bathukuthela, bafuna ukubabulala.

Imisebenzi 7:38

Nguye lowo owayesebandleni enkangala kanye lesithunywa ekhuluma laso entabeni iSinayi kanye labokhokho, wamukela amazwi okuphila, ukuze asinike thina.

AbaseRoma 1:16

Ngoba kangilanhloni ngevangeli; lingamandla asilisayo kaNkulunkulu kulowo okholwayo, kumJuda kuqala lakumGriki.

1 AbaseKhorinte 1:24

kodwa kulabo ababiziweyo, abaJuda lamaGriki, uKristu ungamandla kaNkulunkulu lokuhlakanipha kukaNkulunkulu.

2 AbaseKhorinte 2:17

Thina kasinjengabanengi abathengisa ilizwi likaNkulunkulu; kodwa njengabaqotho, njengabamiswe nguNkulunkulu sikhuluma phambi kukaNkulunkulu sikuKristu.

2 AbaseKhorinte 4:2

Sizilahlile izindlela zonke ezifihliweyo leziletha ihlazo; kasihambi ngobuqili, kasiliphambanisi ilizwi likaNkulunkulu, kodwa ngokukhuluma obala iqiniso senza abantu bonke basibuke ngezazela zabo phambi kukaNkulunkulu.

Abase-Efesu 5:13

Kodwa konke okuvezwa yikukhanya kuyabonakala; konke okubonakaliswayo kuyikukhanya.

Abase-Efesu 5:26

ukuze azahlukanisele lona, eselihlambulule ngokuligezisa ngamanzi langelizwi,

Abase-Efesu 6:17

lithathe ingowane yokusiliswa, lomhedla kaMoya oyilizwi likaNkulunkulu.

1 AbaseThesalonika 2:13

Ngalokho kasiyekeli ukumbonga uNkulunkulu, ukuthi kuthe lapho lilamukela ilizwi likaNkulunkulu elalizwa ngathi, kalilamukelanga njengelizwi labantu kuphela kodwa njengelizwi likaNkulunkulu, njengoba liyilo isibili lona elisebenzayo phakathi kwenu lina elikholwayo.

1 AbaseThesalonika 5:23

UNkulunkulu wokuthula uqobo, kalenze libe ngcwele ngokupheleleyo, kulondolozwe umoya wenu wonke lomphefumulo lomzimba, ukuze lingasoleki ekufikeni kweNkosi yethu uJesu Kristu.

AmaHebheru 13:7

Khumbulani abakhokheli benu labo abalitshumayeza ilizwi likaNkulunkulu, liqaphelise ukuphela kokuhamba kwabo, lilingisele ukukholwa kwabo.

AmaHebheru 6:5

bezwa ilizwi elihle likaNkulunkulu kanye lamandla esikhathi esizayo,

UJakhobe 1:18

Ngokuthanda kwakhe wasizala ngelizwi leqiniso, ukuba sibe ngamazibulo ezidalwa zakhe.

1 UPhethro 1:23

Selizelwe ngokutsha, kungesikho ngenhlanyelo ebolayo, kodwa ngengaboliyo, ngelizwi likaNkulunkulu eliphilayo lelimiyo.

Isambulo 1:16

Wayephethe izinkanyezi eziyisikhombisa esandleni sakhe sokunene, lasemlonyeni wakhe kwaphuma umhedla obukhali inxa zombili, lobuso bakhe bunjengelanga elikhanya ngamandla.

Isambulo 19:15

Emlonyeni wakhe kwaphuma umhedla obukhali azakutshaya izizwe ngawo; yena uzakuzibusa ngentonga yensimbi; uzakunyathela isikhamelo sewayini lentukuthelo yolaka lukaNkulunkulu uSomandla.

Isambulo 19:21

Labaseleyo babulawa ngomhedla walowo ogade ibhiza, umhedla ophuma emlonyeni wakhe; inyoni zonke zazitika ngenyama yabo.

Isambulo 2:16

Ngakhoke phenduka; uba kungenjalo, ngizakuza kuwe masinyane, ngilwe labo ngomhedla ophuma emlonyeni wami.

Isambulo 2:23

ngizakubulala abantwana bakhe. Wonke amabandla azakwazi ukuthi nginguye ohlola ingqondo lenhliziyo, futhi ngizakumnika ilowo lalowo wenu ngokwemisebenzi yakhe.

Isambulo 20:4

Ngasengibona izihlalo zobukhosi; bahlala kuzo abanikwa ukuthonisisa. Ngabona futhi imiphefumulo yalabo ababequnywe amakhanda ngenxa yokufakazela uJesu langenxa yelizwi likaNkulunkulu, ababengasikhonzanga isilo loba umfanekiso waso, bengabekwanga uphawu lwaso emabunzini abo loba ezandleni zabo; bavuka, babusa kanye loKristu iminyaka eyinkulungwane.

Abahluleli 3:16

UEhudi wazenzela umhedla obukhali inxa zombili, ubude bawo buyingalonye, wawuhloma ngaphansi kwezigqoko zakhe ngasethangazini langasokunene.