AmaHebheru 3:8 - iBhayibhili Elingcwele 1978

⁸ lingazenzi zibe lukhuni inhliziyo zenu njengasekuthukutheliseni ngosuku lokulingwa enkangala,

IBhayibhili Elingcwele LesiNdebele

⁸ lingazenzi zibe lukhuni inhliziyo zenu, njengelakwenza ekuhlamukeni, ngesikhathi sokulingwa enkangala,

AmaHebheru 3:8 ပူးပေါင်းရင်းမြစ်များ

2 AmaKhosi 17:14

Kodwa kabalalelanga, baba lenkani njengokhokho babo abangayithembanga iNkosi uNkulunkulu wabo.

2 ImiLando 30:8

Lingabi lenkani njengaboyihlo, kodwa zinikeleni eNkosini, lize endlini yayo engcwele esizahlukanisele yona kuze kube nininini, likhonze iNkosi uNkulunkulu wenu, ukuba ulaka lwayo ludede kini.

2 ImiLando 36:13

Wayivukela inkosi uNebukadineza eyayimfungise ngoNkulunkulu ukuba athembeke kuyo. Waba lenkani lenhliziyo elukhuni ngokuphendukela eNkosini, uNkulunkulu kaIsrayeli.

UNehemiya 9:16

Kodwa okhokho bazikhukhumeza, baba lenkani, kabayilalelanga imilayo yakho.

UJobe 9:4

Ulenhliziyo ehlakaniphileyo, ulamandla amakhulu. Ngubani ongamelana laye aphumelele na?

AmaHubo 106:14

Babelokukhanuka okubi enkangala, bamlinga uNkulunkulu enkangala.

AmaHubo 78:18

Bamlinga uNkulunkulu enhliziyweni zabo ngokucela ukudla abakufisayo.

AmaHubo 78:56

Kanti bamlinga, bamvukela oPhezukonke, kabazigcinanga izimiso zakhe,

AmaHubo 95:8

Lingazenzi zibe lukhuni inhliziyo zenu njengaseMeriba, njengasosukwini lwaseMasa enkangala,

U-Eksodasi 17:7

Wabiza indawo leyo ngokuthi yiMasa lokuthi yiMeriba ngenxa yokusola kwabakoIsrayeli langenxa yokuyilinga kwabo iNkosi besithi: INkosi ilathi yini loba atshi na?

U-Eksodasi 8:15

Kodwa uFaro esebonile ukuthi kukhona ukuthula, wayenza yaba lukhuni inhliziyo yakhe, kazabalalela, njengokutsho kweNkosi.

Izaga 28:14

Ubusisiwe lowomuntu owesaba ukwenza okubi, kodwa owenza inhliziyo yakhe ibe lukhuni uzahlupheka.

Izaga 29:1

Umuntu okhuzwa kanengi kodwa abe lenkani, uzakufohlozwa ngomzuzu nje, angabi lakusiliswa.

UJeremiya 7:26

Kodwa kabangizwanga, kabalalelanga, baba lenkani; benza okubi kulabokhokho babo.

UDanyeli 5:20

Kodwa lapho inhliziyo yakhe isizikhukhumeza, lomoya wakhe ususiba lukhuni waze wazigqaja, wakhutshwa esihlalweni sakhe sobukhosi, kwasuswa lodumo lwakhe.

AmaNani 14:11

INkosi yathi kuMose: Koze kube nini lababantu bengidelela na? Koze kube nini bengangithembi, lanxa ngenze izibonakaliso ezinengi phakathi kwabo na?

UMatewu 13:15

ngoba inhliziyo yalesisizwe seyaba lukhuni, lendlebe zabo zizwa kalukhuni, lamehlo abo bawacimezile, funa babone ngamehlo abo, bezwe ngendlebe zabo, baqedisise ngenhliziyo zabo, baphenduke, ngibasilise.

Imisebenzi 19:9

Kodwa kwathi uba abanye besiba lukhuni bengakholwa, bekhuluma kubi ngaleyoNdlela phambi kwabantu, wasuka kubo waqegula abafundi wafundisa insuku ngensuku esikolweni sikaTiranu.

Imisebenzi 7:36

Yena lowo wabakhupha esenze izimangaliso lezibonakaliso eGibithe, lasoLwandle oluBomvu, lasenkangala iminyaka engamatshumi amane.

1 AbaseKhorinte 10:9

Asingayilingi iNkosi njengabanye babo bayilinga, babhujiswa zinyoka.

UDutheronomi 6:16

Ungayilingi iNkosi uNkulunkulu wakho njengalokhu wayilinga eMasa.

1 USamuyeli 6:6

Lenzelani inhliziyo zenu zibe lukhuni njengabaseGibithe loFaro bazenza inhliziyo zabo zaba lukhuni na? Ngemva kokuba esedlale ngabo kabavumelanga yini abantu ukuba bahambe, lempela bahamba na?