AmaHebheru 3:16 - iBhayibhili Elingcwele 1978

¹⁶ Phoke, ngobani abezwayo bathukuthelisa na? Kakusibo bonke labo abaphuma eGibithe loMose na?

IBhayibhili Elingcwele LesiNdebele

¹⁶ Babengobani labo abezwayo basebehlamuka na? Akusibo yini bonke labo uMosi abakhupha eGibhithe na?

AmaHebheru 3:16 ပူးပေါင်းရင်းမြစ်များ

AmaHubo 78:17

Kodwa baqhubeka ekoneni kwabo, bamvukela oPhezukonke enkangala.

AmaHubo 78:40

Kwaba kanengi kangakanani bephambana laye enkangala, bemdabukisa enkangala.

UJeremiya 32:29

AmaKaladiya ahlasela lumuzi azafika, awuthungele ngomlilo, awutshise kanye lezindlu obekunikelelwa phezu kwazo impepha kuBali, lobekuthululelwa phezu kwazo iminikelo yokuthululwa kwabanye onkulunkulu ukungicunula.

UJeremiya 44:3

ngenxa yobubi babo ababenzayo, bangivusa ulaka ngoba batshisa impepha, bakhonza abanye onkulunkulu abangabaziyo bona kanye lani labokhokho benu.

UJeremiya 44:8

Kungani lingithukuthelisa ngezithombe zenu, litshisela abanye onkulunkulu impepha eGibithe lapho selihlala khona, ukuze libhujiswe, liphenduke into yokuthukwa leyokuhlekwa phakathi kwazo zonke izizwe zasemhlabeni na?

AmaNani 14:11

INkosi yathi kuMose: Koze kube nini lababantu bengidelela na? Koze kube nini bengangithembi, lanxa ngenze izibonakaliso ezinengi phakathi kwabo na?

AmaNani 14:2

Bonke abakoIsrayeli babasola oMose loAroni; lonke ibandla lathi kubo: Kungathi ngabe safela elizweni laseGibithe, ingabe enkangala!

AmaNani 14:24

Kodwa inceku yami uKalebi ulomoya owahlukileyo, wangilandela ngokupheleleyo; ngakho ngizamngenisa elizweni aya kilo; lizakuba ngelenzalo yakhe.

AmaNani 14:30

Kakuyikungena loyedwa nje elizweni engafunga ukulihlalisa kulo, ngaphandle kukaKalebi indodana kaJefune loJoshuwa indodana kaNuni.

AmaNani 14:38

Kodwa uJoshuwa indodana kaNuni loKalebi indodana kaJefune, ababehamba lalawomadoda ukuyahlola ilizwe, basala.

AmaNani 14:4

Bakhulumisana besithi: Asikhethe omunye abe yinduna, sibuyele eGibithe.

AmaNani 26:65

ngoba iNkosi yathi: Bazakufela enkangala. Kakusalanga muntu kubo ngaphandle kukaKalebi indodana kaJefune, loJoshuwa indodana kaNuni.

UDutheronomi 1:38

uJoshuwa indodana kaNuni oma phambi kwakho uzakungena; mqinise, ngoba uzakwenza uIsrayeli ukuba alithumbe.

UJuda 1:5

Ngithanda ukulikhumbuza, loba belikwazi konke, ukuthi iNkosi eyasilisa isizwe ngokusikhupha elizweni laseGibithe yabuya yababhubhisa labo abangakholwanga.