AmaHebheru 3:12 - iBhayibhili Elingcwele 1978

¹² Xwayani, bazalwane, funa kube khona omunye wakini olenhliziyo embi, engakholwayo, emduhisa kuNkulunkulu ophilayo.

IBhayibhili Elingcwele LesiNdebele

¹² Bonani bazalwane ukuthi kakho omunye wenu olenhliziyo yokona lokungakholwa, ephambukayo kuNkulunkulu ophilayo.

AmaHebheru 3:12 ပူးပေါင်းရင်းမြစ်များ

UGenesisi 8:21

INkosi yezwa iphunga elimnandi, yathi enhliziyweni yayo: Kangisayikuphinda ngiqalekise umhlaba ngenxa yabantu, ngoba imicabango yomuntu mibi kusukela ebutsheni bakhe; futhi kangisayikuphinda ngibhubhise okuphilayo njengalokhu ngenzile.

UJobe 21:14

Bathi kuNkulunkulu: Suka kithi; kasifuni ukwazi indlela zakho.

UJobe 22:17

Bathi kuNkulunkulu: Suka kithi; uSomandla angasenzani na?

AmaHubo 18:21

Ngoba ngizilondolozile indlela zeNkosi, kangimukanga eNkosini yami ngokubi.

Izaga 1:32

Ngoba abayizithutha bayabulawa yikungaqapheli kwabo, labayiziphukuphuku bayabhujiswa yikungananzi kwabo.

U-Isaya 59:13

siyaphambeka, siyiphike iNkosi, simhlamuke uNkulunkulu wethu, sikhulume ngokucindezela langokuhlamuka, sicabange ngamanga enhliziyweni zethu siwakhulume.

UJeremiya 11:8

Kodwa kabezwanga, kabalalelanga; kodwa benza kwaba yilowo lalowo ngokwenkani yenhliziyo yakhe. Ngasengisehlisela phezu kwabo wonke lamazwi alesisivumelwano engabalaya ukuwagcina, kodwa kabawagcinanga.

UJeremiya 16:12

langoba lina lenze okubi ukwedlula okhokho benu; ngoba lonke lilandela inkani yenhliziyo zenu ezimbi, liyala ukungilalela.

UJeremiya 17:5

INkosi ithi: Uqalekisiwe umuntu othemba abantu, othemba emandleni abantu, olenhliziyo edela iNkosi.

UJeremiya 17:9

Inhliziyo iyakhohlisa ukwedlula izinto zonke, futhi imbi kakhulu. Ngubani ongayazi na?

UJeremiya 18:12

Kodwa bona bathi: Lokho kakusizi lutho. Sizalandela awethu amacebo, sonke senze ngenkani yenhliziyo zethu ezimbi.

UJeremiya 2:13

Ngoba abantu bami benzile izinto ezimbi ezimbili; bangihlamukele, mina mthombo wamanzi okuphila, bazigebhela imithombo etshayo, engabambi manzi.

UJeremiya 3:17

Ngalesosikhathi iJerusalema lizakuthiwa yisihlalo sobukhosi seNkosi; zonke izizwe zizabuthana khona, phambi kweNkosi eJerusalema; kazisayikulandela inhliziyo zazo ezilenkani.

UJeremiya 7:24

Kodwa kabezwanga, kabalalelanga: bahamba ngamacebo abo langenkani yenhliziyo zabo ezimbi, bahlehlela emuva, kabayanga phambili.

UHezekhiyeli 14:5

ukuze ngibambe inhliziyo zabakoIsrayeli abehlukene lami ngenxa yezithombe zabo.

UHosiya 1:2

Lapho iNkosi iqalisa ukukhuluma ngoHoseya yathi kuye: Hamba uyethatha umfazi oliwule, uzale abantwana bokuwulwa; ngoba ilizwe leli liyawula kakhulu ngokudela iNkosi.

UMatewu 16:16

USimoni Petro waphendula wathi: UnguKristu, iNdodana kaNkulunkulu ophilayo.

UMatewu 24:4

UJesu wabaphendula wathi: Qaphelani lingaduhiswa muntu.

UMakho 13:23

Kodwa qaphelani lina; sengilitshelile konke ngaphambili.

UMakho 13:33

Qaphelani, lilinde, ngoba kalisazi isikhathi ukuthi sizakuba nini.

UMakho 13:9

Kodwa qaphelani lina. Bazakulinikela emiphakathini; lizakutshaywa emasinagogeni; lizakumiswa phambi kwababusi ngenxa yami, kube yibufakazi kubo.

ULukha 21:8

Wathi: Qaphelani ukuba lingaduhiswa, ngoba abanengi bazakuza ebizweni lami besithi: Nginguye; bathi futhi: Isikhathi sesisondele. Lingabalandeli.

AbaseRoma 11:21

ngoba uba uNkulunkulu engayekelanga ingatsha zemvelo, lawe kayikukuyekela.

1 AbaseKhorinte 10:12

Ngakhoke lowo osuka athi umi, kaqaphele ukuba angawi.

AbaseKholose 2:8

Xwayani funa kube khona olithumbayo ngokuhlakanipha langokukhohlisa okuyize, okungokwemvelo yabantu langokwempi yemimoya yalumhlaba, kungesikho ngokukaKristu.

1 AbaseThesalonika 1:9

Ngoba bona uqobo lwabo balandisa ngathi ukuthi kwaba njani ukufika kwethu kini, lokuthi laphendukela kuNkulunkulu litshiya izithombe, ukuba likhonze uNkulunkulu ophilayo weqiniso,

AmaHebheru 10:31

Kuyesabeka ukuwela ezandleni zikaNkulunkulu ophilayo.

AmaHebheru 10:38

olungileyo wami uzakuphila ngokukholwa; kodwa uba ehlehlela emuva, umphefumulo wami kawulakuthokoza ngaye.

AmaHebheru 12:15

Qaphelisani kungabi khona osilelayo emuseni kaNkulunkulu, kungabi khona lampande ebabayo ehlumayo ukubangcolisa abanengi,

AmaHebheru 12:22

Kodwa lina lize entabeni yaseZiyone lasemzini kaNkulunkulu ophilayo, iJerusalema elasezulwini, lakuzithunywa eziyizigidi ezingelakubalwa ezihlangene ngokuthokoza,

AmaHebheru 12:25

Qaphelani ukuba lingali ukulalela ilizwi lakhe okhulumayo; ngoba uba bengaphephanga labo abala ukumlalela lowo owabaxwayisa emhlabeni, kakhulu kasiyikuphepha thina esimalayo lowo oxwayisa esezulwini.

AmaHebheru 3:1

Ngakhoke, bazalwane abangcwele, abahlanganyela ekubizweni kwasezulwini, qaphelani uJesu umphostoli lompristi omkhulu wesivumo sethu,

AmaHebheru 3:10

Ngakhoke ngasithukuthelela lesosizukulwana, ngathi: Bayaduha njalonjalo enhliziyweni zabo, kabazazanga izindlela zami,

AmaHebheru 3:19

Ngakhoke siyabonake ukuthi babengelakungena ngenxa yokungalaleli kwabo.

AmaHebheru 9:14

kakhulu kangakanani igazi likaKristu, owazinikela kuNkulunkulu engelasici ngoMoya ongelakuphela, lizakuhlambulula izazela zethu emisebenzini efileyo, ukuze sikhonze uNkulunkulu ophilayo.