AmaHebheru 3:10 - iBhayibhili Elingcwele 1978

¹⁰ Ngakhoke ngasithukuthelela lesosizukulwana, ngathi: Bayaduha njalonjalo enhliziyweni zabo, kabazazanga izindlela zami,

IBhayibhili Elingcwele LesiNdebele

¹⁰ Yikho-nje ngasithukuthelela isizukulwane leso, njalo ngathi, ‘Inhliziyo zabo zihlezi ziduka, njalo kabazazanga izindlela zami.’

AmaHebheru 3:10 ပူးပေါင်းရင်းမြစ်များ

UGenesisi 6:6

INkosi yazisola ngokuthi ibenzile abantu emhlabeni, yadabuka inhliziyo yayo.

AmaHubo 147:20

Kayenzanga njalo lakwesisodwa esinye isizwe; kazizazi izahlulelo zayo. Dumisani iNkosi!

AmaHubo 67:2

ukuze indlela yakho yaziwe emhlabeni, lokusiza kwakho ezizweni zonke.

AmaHubo 78:40

Kwaba kanengi kangakanani bephambana laye enkangala, bemdabukisa enkangala.

AmaHubo 78:8

bangabi njengokhokho babo, ababeyisizukulwana esimakhanda alukhuni lesilenkani, isizukulwana esinhliziyo engaqinanga, lesimoya waso wawungathembekanga kuNkulunkulu.

AmaHubo 95:10

Iminyaka engamatshumi amane nganengwa yilesosizukulwana ngaze ngathi: Bangabantu abalenhliziyo eziduhayo, abangananziyo indlela zami.

U-Isaya 28:7

Lalaba bayadakwa liwayini, badayizele ngenxa yotshwala; umpristi lomprofethi badakwa ngutshwala, baphambene ngenxa yewayini, badayizele ngenxa yotshwala; ngakho abaprofethi baphambanisa imibono, labapristi bakhubeke ekwahluleleni kwabo.

U-Isaya 63:10

Kodwa bayivukela, badabukisa umoya wayo ongcwele; yaphenduka yaba yisitha sabo, yalwa labo.

UJeremiya 4:22

Abantu bami bayizithutha, kabangazi; bangabantwana abayiziphukuphuku, kabalakuqedisisa. Bahlakaniphele ukwenza okubi, kodwa ukwenza okuhle kabakwazi.

UHosiya 4:12

bayacela izeluleko esigodweni, lentonga yabo iyabeluleka. Ngoba umoya wokuwula ubaduhisile, bawulile ngokutshiya uNkulunkulu wabo.

UMatewu 20:24

Kwathi sebekuzwile lokhu abalitshumi, bazithukuthelela izelamani ezimbili.

UMakho 3:5

Wabathalaza ngokuthukuthela, edabukile ngobulukhuni benhliziyo zabo; wathi kulowomuntu: Yelula isandla sakho. Waselula, isandla sakhe sasiliswa.

UJohane 8:45

Kodwa mina, ngoba ngikhuluma iqiniso, kalingikholwa.

AbaseRoma 1:28

Kuthi njengalokhu bengakunanzanga ukumazi uNkulunkulu, uNkulunkulu wabayekela baba lenhliziyo ebolileyo ukuba benze okungafanelanga,

AbaseRoma 3:7

Futhike, uba iqiniso likaNkulunkulu landisile udumo lwakhe ngamanga ami, ngisathonisiselwani njengesoni na?

Abase-Efesu 4:30

Lingamdabukisi uMoya oNgcwele kaNkulunkulu elabekwa uphawu ngaye kuze kube lusuku lokuhlengwa.

AmaHebheru 3:12

Xwayani, bazalwane, funa kube khona omunye wakini olenhliziyo embi, engakholwayo, emduhisa kuNkulunkulu ophilayo.

Abahluleli 10:16

Basebekhupha onkulunkulu bezizweni phakathi kwabo, bakhonza iNkosi eyayingebe isakumela ukuhlupheka kukaIsrayeli.