AmaHebheru 2:11 - iBhayibhili Elingcwele 1978

¹¹ Ngoba lowo owenza ukuba babe ngcwele lalabo abenziwa baba ngcwele ngabohlanga lunye; ngakhoke kalanhloni ukubabiza ngokuthi ngabafowethu,

IBhayibhili Elingcwele LesiNdebele

¹¹ Ngoba lowo owenza abantu babengcwele kanye lalabo abenziwe baba ngcwele ngabendlunye. Ngakho uJesu kakumyangisi ukuba athi bangabafowabo.

AmaHebheru 2:11 ပူးပေါင်းရင်းမြစ်များ

UMatewu 25:40

INkosi izakuphendula ithi kibo: Ngiqinisile ngithi kini: Njengokuba likwenzile komunye walaba abafowethu abancinyane, likwenzile lakimi.

UMatewu 28:10

UJesu wasesithi kibo: Lingesabi; hambani, libikele abafowethu ukuba basuke baye eGalili; bazakungibona khona.

UMakho 3:34

Wathalaza labo ababehlezi bemphahlile, wathi: Khangelani, nangu umama labafowethu.

UMakho 8:38

Ngoba ilowo lalowo olenhloni ngami langamazwi ami kulesisizukulwana esifebayo lesonakeleyo, leNdodana yomuntu izakuba lenhloni ngaye, nxa isiza enkazimulweni kaYise kanye lezithunywa ezingcwele.

ULukha 9:26

Ngoba ilowo lalowo olenhloni ngami langamazwi ami, iNdodana yomuntu izakuba lenhloni ngaye, lapho isiza enkazimulweni yayo lenkazimulweni kaYise leyezithunywa ezingcwele.

UJohane 17:19

Ngenxa yabo ngiyazahlukanisela ukuze labo bahlukaniselwe ngeqiniso.

UJohane 17:21

ukuba bonke babe munye, njengalokhu wena Baba ukimi, lami ngikuwe, ukuba labo babe kithi, ukuze umhlaba ukholwe ukuthi ungithumile wena.

UJohane 20:17

UJesu wathi kuye: Ungangibambi, ngoba angikenyukeli kuBaba. Kodwa yana kubafowethu, uthi kibo ngiyenyukela kuBaba lakuYihlo, kuNkulunkulu wami loNkulunkulu wenu.

Imisebenzi 17:26

wazenza izizwe zonke ngazinye ukuba zihlale ebusweni bonke bomhlaba, wazimisela izikhathi eziqunyiweyo lemikhawulo yokuhlala kwazo,

Imisebenzi 17:28

Ngoba sisila, sihambe, sihlale ngaye, njengokuba imbongi ezithile zakini zitshilo zathi: Ngoba futhi siyinzalo yakhe.

AbaseRoma 8:29

Ngoba labo uNkulunkulu abazi ngaphambili, wabamisa ngaphambili ukuba bafane lesimo seNdodana yakhe, ukuze yona ibe lizibulo phakathi kwabazalwane abanengi;

AbaseGalathiya 4:4

Kodwa kwathi isikhathi sesiphelele, uNkulunkulu wathumela iNdodana yakhe, yazalwa ngowesifazana, yazalelwa ngaphansi komlayo,

AmaHebheru 10:10

Ngaleyontando senziwe saba ngcwele ngokunikelwa komzimba kaJesu Kristu kanye kuphela.

AmaHebheru 10:14

Ngoba ngomnikelo munye uphelelisile okwesikhathi sonke labo abenziwe baba ngcwele.

AmaHebheru 11:16

kodwake bafisa ilizwe elihle kulalelo okutsho elasezulwini. Ngakhoke uNkulunkulu kalanhloni ngokuthiwa nguNkulunkulu wabo, ngoba ubalungisele umuzi.

AmaHebheru 13:12

Ngakho laye uJesu, ukuze enze abantu babe ngcwele ngegazi lakhe, wahlupheka ngaphandle kwesango.

AmaHebheru 2:14

Ngakhoke njengoba abantwana behlanganyela inyama legazi, laye uqobo wahlanganyela khona lokho, ukuze ngokufa amchithe yena obelamandla okufa onguSathane,

AmaHebheru 3:1

Ngakhoke, bazalwane abangcwele, abahlanganyela ekubizweni kwasezulwini, qaphelani uJesu umphostoli lompristi omkhulu wesivumo sethu,