AmaHebheru 13:4 - iBhayibhili Elingcwele 1978

⁴ Ukuthathana kakuhlonitshwe yibo bonke, kuhlonitshwe lesifungo somthimba, ngoba uNkulunkulu uzakuzithonisisa iziphingi lezifebe.

IBhayibhili Elingcwele LesiNdebele

⁴ Ukuthathana kumele kuhlonitshwe ngumuntu wonke, kuthi lomendlalo wokuthathana uhlale uhlambulukile ngoba uNkulunkulu uzakwahlulela isifebe labo bonke abahlobongayo.

AmaHebheru 13:4 ပူးပေါင်းရင်းမြစ်များ

UGenesisi 2:21

INkosi uNkulunkulu yamehlisela umuntu ubuthongo obukhulu, walala. Yasikhupha olunye lwezibambo zakhe, yavala indawo ngenyama.

UGenesisi 2:24

Ngenxa yalokhu umuntu uzakutshiya uyise lonina, anamathele kumkakhe; bazakuba nyamanye.

2 AmaKhosi 22:14

Ngakho uHilikiya umpristi loAhikamu loAkibori loShafani loAsaya baya kuHulida umprofethikazi umkaShaluma indodana kaTikiva kaHarihasi, umgcini wezigqoko. UHulida wayehlala eJerusalema esigabeni sesibili. Bakhuluma laye.

UJobe 31:12

kungaba ngumlilo otshisa uqothule amabele ami.

U-Isaya 8:3

Ngalala lomkami, wathatha isisu, wazala indodana. INkosi yasisithi kimi: Umuthe ibizo lokuthi uMaherishalaliHashibazi.

ULevi 15:18

Futhi indoda elala lowesifazana, bobabili kabageze ngamanzi, bahlale bengcolile kuze kuhlwe.

ULevi 18:20

Ungalali lomkamakhelwana ukuzingcolisa ngaye.

UMalaki 3:5

Besengifika kini ukulithonisisa; ngizakuba ngufakazi okhutheleyo mayelana lezangoma, lezifebe, lokufungela amanga, lokucindezela abaqatshiweyo ngamaholo abo, lokucindezela abafelwakazi, lezintandane, lalabo abasunduzela eceleni abezizweni, bengangesabi mina.

1 AbaseKhorinte 5:13

KunguNkulunkulu othonisisa abangaphandle. Lina lithonisisa abasebandleni. Mxotsheni omubi phakathi kwenu.

1 AbaseKhorinte 6:18

Balekelani ukuphinga. Zonke izono ezinye azenzayo umuntu zingaphandle komzimba; kodwa ophingayo wona umzimba wakhe.

1 AbaseKhorinte 6:9

Kalazi yini ukuba abangalunganga kabayikulidla ilifa lombuso kaNkulunkulu na? Lingakhohliswa; iziphingi, labakhonza izithombe, lezifebe, labesilisa abalalanayo,

1 AbaseKhorinte 7:38

Ngakho lowo oyithathayo intombi yakhe wenza kuhle, kodwa ongayithathiyo wenza kuhle kakhulu.

1 AbaseKhorinte 9:5

Kasilalo ilungelo yini lokuhamba lomzalwanekazi ongumkethu njengabanye abaphostoli, labafowabo beNkosi, loKefasi, na?

2 AbaseKhorinte 5:10

Thina sonke simele ukuma phambi kwesihlalo sokuthonisisa sikaKristu, ukuze ilowo lalowo amukele njengalokhu akwenzileyo esemzimbeni, okuhle ingabe okubi.

AbaseGalathiya 5:19

Imisebenzi yomzimba isobala; yiyo le, ukuphinga, lokungcola, lamanyala,

AbaseGalathiya 5:21

lomhawu, lokudakwa, lokuminza, lokunye okunjalo. Ngiyalitshela njengoba ngalitshela ngaphambili ukuthi abenza okunje kabayikulidla ilifa lombuso kaNkulunkulu.

Abase-Efesu 5:5

Yazini lokhu, likuqedisise ukuthi oyisifebe, longcolileyo lolomhawu, okutsho lowo okhonza izithombe, kalalifa embusweni kaKristu lokaNkulunkulu.

UDutheronomi 22:22

Uba indoda ifunyanwa ilele lomfazi wenye indoda, bobabili bazabulawa, indoda ebilele lomfazi kanye lomfazi. Ngalokhu lizaqeda ububi koIsrayeli.

1 AbaseThesalonika 4:6

kakungabi khona loyedwa owonayo, aphambe umfowabo ngolutho, ngoba iNkosi ingumphindiseli kukho konke lokho, njengoba salitshela, saqinisa ngaphambili.

1 uTimothi 3:12

Izikhonzi kazibe ngamadoda amfazi munye, aphatha kuhle abantwana bawo lemizi yawo.

1 uTimothi 3:2

Umalusi webandla umele ukuba abe ngumuntu ongasolekiyo, indoda elomfazi munye, ozithintayo, oqondileyo, oziphatha ngokufaneleyo, ophatha kuhle izihambi, olelisu lokufundisa,

1 uTimothi 3:4

Kabe ngophatha kuhle umuzi wakhe, abantwana bakhe bemlalela ngenhlonipho yonke.

1 uTimothi 4:3

besalela abantu ukuba bathathane, besithi kuzilwe ukudla uNkulunkulu akudalileyo ukuba kwamukelwe ngokubonga yibo abakholwayo labazi iqiniso.

1 uTimothi 5:14

Ngakhoke ngithanda ukuba abafelwakazi abatsha bende, bazale abantwana, baphathe kuhle imizi yabo, bangasiniki isitha ithuba lokuthuka.

UThithu 1:6

uba kukhona ongasolekiyo, indoda elomfazi munye, elabantwana abakholwayo abangasolwa ngokuganga loba ngokungalaleli.

AmaHebheru 12:16

kungabi khona oyisifebe longakhonzi uNkulunkulu njengoEsawu owathengisa ubuzibulo bakhe ngenxa yokudla okukodwa.

Isambulo 22:15

Ngaphandle kukhona izinja, labathakathi, leziphingi, lababulali, labakhonza izithombe, labo bonke abathanda inkohliso beyenza.