AmaHebheru 12:4 - iBhayibhili Elingcwele 1978

⁴ Ekulweni kwenu lesono kalikamelani laso kuze kuchitheke igazi.

IBhayibhili Elingcwele LesiNdebele

⁴ Ekulweni kwenu lesono, kalimelananga laso kwaze kwaba sebangeni lokuchitha igazi lenu.

AmaHebheru 12:4 ပူးပေါင်းရင်းမြစ်များ

UMatewu 24:9

Laphoke bazakulinikela ekuhluphekeni, balibulale; lizakuzondwa yizizwe zonke ngenxa yebizo lami.

1 AbaseKhorinte 10:13

Kalifikelwanga yikulingwa okungejwayelekanga ebantwini. UNkulunkulu uthembekile, kayikuvuma ukuba lilingwe ngokungaphezu kwamandla enu; kodwa nxa ukulingwa kufika, uzakulinika indlela yokuphepha, ukuze libe lamandla okukuthwala.

AbaseFiliphi 2:8

Wathi esebuntwini, wazithoba, walalela uNkulunkulu kwaze kwaba sekufeni, yebo, ekufeni esiphambanweni.

AmaHebheru 12:2

sikhangele kuJesu, umqalisi lomphelelisi wokukholwa kwethu, owathi endaweni yentokozo ayimiselweyo wathwala isiphambano engalinanzi ihlazo, wahlala ngakwesokunene sesihlalo sobukhosi sikaNkulunkulu.

AmaHebheru 13:13

Ngakhoke asiphumele kuye ngaphandle komuzi, sithwale ihlazo lakhe.

Isambulo 12:11

Bamnqobile ngegazi leWundlu langelizwi lobufakazi babo, ngoba badela ukuphila kwabo kwaze kwaba sekufeni.

Isambulo 17:6

Ngasengibona ukuba owesifazana edakwe ligazi labangcwele legazi labafela uJesu. Kuthe lapho ngimbona, ngamangala kakhulu.

Isambulo 18:24

Futhi kwafunyanwa phakathi kwakho igazi labaprofethi lelabangcwele lelabo bonke ababebulewe emhlabeni.

Isambulo 2:13

uthi: Ngiyazi lapho wakhe khona, lapho kukhona isihlalo sobukhosi sikaSathane; kanti ubambelele ebizweni lami, kawuphikanga ukukholwa kwakho lasensukwini zikaAntipasi, ufakazi wami othembekileyo, owabulawelwa phakathi kwenu lapho uSathane ahlala khona.