AmaHebheru 12:2 - iBhayibhili Elingcwele 1978

² sikhangele kuJesu, umqalisi lomphelelisi wokukholwa kwethu, owathi endaweni yentokozo ayimiselweyo wathwala isiphambano engalinanzi ihlazo, wahlala ngakwesokunene sesihlalo sobukhosi sikaNkulunkulu.

IBhayibhili Elingcwele LesiNdebele

² Kasikhangeleni kuJesu, uMqalisi loMphelelisi wokukholwa kwethu, okwathi ngentokozo eyayibekwe phambi kwakhe wabekezelela isiphambano, engananzi ihlazo laso, wahlala phansi esandleni sokunene sobukhosi sikaNkulunkulu.

AmaHebheru 12:2 ပူးပေါင်းရင်းမြစ်များ

AmaHubo 110:1

INkosi yathi enkosini yami: Hlala ngakwesokunene sami, ngize ngenze izitha zakho zibe yisigcabha senyawo zakho.

AmaHubo 138:8

INkosi izakuphelelisa icebo layo ngami; uthando lwakho olungapheliyo, Nkosi, lumi kuze kube nininini. Ungawutshiyi umsebenzi wezandla zakho.

U-Isaya 31:1

Maye kulabo abehlela eGibithe ukudinga ukusizwa, abathemba amabhiza, bethemba inqola zokulwa ngoba zinengi, bethemba abakhweli bamabhiza ngoba belamandla, kodwa bengathembeli koNgcwele kaIsrayeli, bengaceli usizo eNkosini!

U-Isaya 45:22

Phendukelani kimi likhululwe, lina lonke bantu basemhlabeni wonke. Ngoba nginguNkulunkulu, kakho omunye.

U-Isaya 53:3

Yadelelwa, yaliwa ngabantu, yaba ngumuntu wezinhlupheko, ijwayele usizi; yaba njengomuntu owenza abantu ukuba bangamkhangeli, yeyiswa, kasiyinanzanga.

U-Isaya 8:17

Ngizalindela iNkosi efihlela indlu kaJakobe ubuso bayo, ngithembe kiyo.

UMikha 7:7

Kodwa mina ngizalindela iNkosi, ngilindele uNkulunkulu wokusiliswa kwami; uNkulunkulu wami uzakungizwa.

UZakhariya 12:10

Ngizathela phezu kwendlu kaDavida laphezu kwabakhileyo eJerusalema umoya wesihawu lowobubele, ukuze kuthi nxa bembona abamgwazileyo, bamlilele, njengokulilelwa komntwana ozelwe yedwa, bamkhalele kakhulu njengokukhalelwa kolizibulo.

AmaNani 21:9

UMose wenza inyoka yethusi, wayiphanyeka esigodweni. Kwathi lapho inyoka imluma umuntu, uba ekhangele inyoka yethusi, asile.

UMatewu 16:21

Kusukela kulesosikhathi uJesu waqala ukubatshengisa abafundi bakhe ukuba umele ukuya eJerusalema, ahlutshwe kakhulu ngabadala labapristi abakhulu lababhali, abulawe, avuswe ngosuku lwesithathu.

UMatewu 20:28

njengalokhu iNdodana yomuntu kayizanga ukukhonzwa, kodwa ukukhonza lokunika ukuphila kwayo, kube lihlawulo labanengi.

UMakho 14:36

Wathi: “Aba,” Baba, zonke izinto ziyenzeka kuwe; susa linkezo kimi; kodwa kungabi njengokuba ngithanda mina, kodwa njengokuba uthanda wena.

UMakho 15:28

Kwagcwaliseka umbhalo othi: Wabalwa kanye lezoni.]

UMakho 16:19

Kwathi iNkosi uJesu isikhulumile labo yakhutshulelwa ezulwini, yahlala ngakwesokunene sikaNkulunkulu.

UMakho 9:12

Wabaphendula wathi: UElija uzafika kuqala ukubuyisela zonke izinto; kodwa kulotshwe njani ngeNdodana yomuntu ukuthi imele ihlupheke kakhulu, idelelwe na?

UMakho 9:24

Wahle wamemeza uyise womfana, wathi: Ngiyakholwa, siza ukungakholwa kwami.

ULukha 17:5

Abaphostoli basebesithi eNkosini: Yandisa ukukholwa kwethu.

ULukha 23:11

UHerodi lamabutho akhe bamyangisa, bamenza inhlekisa, basebemambathisa ingubo enhle, bambuyisela kuPilatu.

ULukha 24:26

UKristu ubengamele yini ukuba ahlupheke ngalezizinto, anduba angene ebukhosini bakhe na?

UJohane 1:29

Ngakusasa wabona uJesu esiza kuye, wathi: Khangelani, iWundlu likaNkulunkulu elisusayo isono somhlaba.

UJohane 12:24

Ngiqinisile, ngiqinisile ngithi kini: Uba uhlamvu lwebele luwela emhlabathini lungafi, luhlala lodwa; kodwa aluba lusifa, luyathela izithelo ezinengi.

UJohane 12:32

Minake, nxa ngiphakanyiswa emhlabeni, ngizakudonsela bonke abantu kimi.

UJohane 13:3

uJesu wayekwazi ukuthi uYise unikele inzinto zonke ezandleni zakhe lokuthi wavela kuNkulunkulu, uyabuyela kuNkulunkulu;

UJohane 6:40

Ngoba lokhu kuyintando kaBaba ukuthi ilowo lalowo obona iNdodana, akholwe kiyo, abe lokuphila okungapheliyo; ngizakumvusa ngosuku lokucina.

UJohane 8:56

Uyihlo uAbrahama wajabulela ukubona usuku lwami; walubona, wathokoza.

Imisebenzi 2:36

Ngakho indlu kaIsrayeli yonke kayazi impela ukuthi uNkulunkulu umenzile iNkosi loKristu uJesu lo elambethelayo.

Imisebenzi 3:15

labulala iNkosi yokuphila ayivusayo uNkulunkulu kwabafileyo, esingofakazi bakho thina.

Imisebenzi 5:31

yena uNkulunkulu wamphakamisela ngakwesokunene sakhe abe yiNkosi loMsilisi ukuba anike uIsrayeli ukuphenduka lokuthethelelwa kwezono.

Imisebenzi 5:41

Ngakho basuka phambi komphakathi bethokoza, ngoba babefanele ukudunyazwa ngenxa yalelobizo.

1 AbaseKhorinte 1:18

Indaba yesiphambano iyibuthutha kulabo ababhubhayo, kodwa kithi abasiliswayo ingamandla kaNkulunkulu.

1 AbaseKhorinte 1:23

kodwa thina sitshumayela uKristu obethelweyo, okuyisikhubekiso kubaJuda, lobuthutha kwabezizwe,

Abase-Efesu 2:16

Wenza futhi ukuba bobabili babuyisane loNkulunkulu emzimbeni munye ngesiphambano; ngalokho wachitha ubutha.

Abase-Efesu 5:2

lihambe ngothando, njengalokhu uKristu wasithanda, wazinikela ngenxa yethu, abe ngumnikelo lomhlatshelo olephunga elimnandi kuNkulunkulu.

AbaseFiliphi 1:6

Ngilethemba lokuthi yena lowo owaqalisa umsebenzi omuhle kini uzakuwuphelelisa kuze kube sosukwini lukaJesu Kristu.

AbaseFiliphi 3:20

Kodwa thina ikithi lisezulwini, lapho futhi silindele ukuba kuvele khona uMsilisi, iNkosi uJesu Kristu,

2 uTimothi 4:8

Sengibekelwe umqhele wokulunga ezakunginika wona ngalolosuku iNkosi, umthonisisi olungileyo, kungesimi ngedwa ozakuwunikwa, kodwa bonke labo abathanda ukubonakala kwayo.

AmaHebheru 1:13

Kukusiphi isithunywa ake atsho kuso na ukuthi: Hlala ngakwesokunene sami, ngize ngenze izitha zakho zibe yisigcabha senyawo zakho?

AmaHebheru 1:3

Yona iyikubenyezela kwenkazimulo kaNkulunkulu, ifuze yena uqobo, iphethe izinto zonke ngelizwi layo lamandla. Lapho isiyenzile ukuhlanjululwa kwezono, yahlala phansi ngakwesokunene soMkhulu phezulu,

AmaHebheru 10:14

Ngoba ngomnikelo munye uphelelisile okwesikhathi sonke labo abenziwe baba ngcwele.

AmaHebheru 10:33

Kokunye lisenziwa umbukiso ngenhlamba langezinhlupheko, kokunye lihlanganyela labanye ababephathwa ngokunjalo.

AmaHebheru 11:36

Abanye benziwa inhlekisa batshaywa, babotshwa ngamaketane, bafakwa entolongweni;

AmaHebheru 12:3

Mqapheliseni yena owakhuthazela ephikwa kangaka yizoni, ukuze lingadinwa, liphelelwe ngamandla enhliziyweni.

AmaHebheru 13:13

Ngakhoke asiphumele kuye ngaphandle komuzi, sithwale ihlazo lakhe.

AmaHebheru 5:9

lapho esephelelisiwe waba ngumthombo wokusiliswa okungapheliyo kibo bonke abamlalelayo,

AmaHebheru 7:19

ngoba umlayo kawuzanga wenze ulutho luphelele; sekungeniswa ithemba elingcono, esisondela ngalo kuNkulunkulu.

AmaHebheru 8:1

Isiqokoqela salokho esikutshoyo yilesi; silaye umpristi omkhulu onjalo osewahlala ngakwesokunene sesihlalo sobukhosi soMkhulu ezulwini,

AmaHebheru 9:28

ngokunjalo loKristu, esenikelwe kanye ukuba athwale izono zabanengi uzakubonakala ngokwesibili, engasaqondani lesono, kodwa ukuba asilise labo abamlindeleyo.

UJakhobe 2:1

Bazalwane bami, njengabakholwayo iNkosi yethu uJesu Kristu, iNkosi yenkazimulo, kalingabandlululi abantu.

1 UPhethro 1:11

Babuza ukuthi yisiphi lokuba sinjani isikhathi esikhonjwa nguMoya kaKristu owayekibo, etshengisa ngaphambili izinhlupheko eziqondene loKristu lobukhosi obuzakuzilandela.

1 UPhethro 3:18

Ngoba uKristu laye wafela izono kwaba kanye, olungileyo ngenxa yabangalunganga, ukuze asise kuNkulunkulu. Wabulawa emzimbeni kodwa wavuswa emoyeni,

1 UPhethro 3:22

osenyukele ezulwini lokhona ngakwesokunene sikaNkulunkulu, osekwehliselwe ngaphansi kwakhe izithunywa leziphathamandla zezulu.

UJuda 1:21

lihlale othandweni lukaNkulunkulu, lilindele isihawu seNkosi yethu uJesu Kristu, ukuze libe lokuphila okungapheliyo.

Isambulo 1:11

Lokho okubonayo kulobe encwadini, uyithumele emabandleni ayisikhombisa, kwelaseEfesu lelaseSemerna lelasePergamo lelaseTiyathira lelaseSardisi lelaseFiladelfiya lelaseLawodikeya.

Isambulo 1:17

Ngathi ukumbona ngawela ngasezinyaweni zakhe ngaba njengofileyo; kodwa wasebeka isandla sakhe sokunene phezu kwami esithi: Ungesabi; mina ngingowokuqala lowokucina,

Isambulo 1:8

Mina nginguAlfa loOmega, kutsho iNkosi uNkulunkulu okhona lowayekhona lozakuba khona, uSomandla.

Isambulo 2:8

Lakuso isithunywa sebandla eliseSemerna loba uthi: Nanku akutshoyo owokuqala lowokucina, owake wafa, kodwa osephila, uthi: