AmaHebheru 11:8 - iBhayibhili Elingcwele 1978

⁸ Ngokukholwa uAbrahama walalela ebizwa ukuba asuke aye endaweni ayezakuyinikwa ibe yilifa lakhe; waphuma engazi lapho aya khona.

IBhayibhili Elingcwele LesiNdebele

⁸ Ngokukholwa u-Abhrahama esebizelwe ukuba aye endaweni ayezayamukela muva njengelifa lakhe, walalela wahamba, lanxa wayengakwazi lapho ayesiya khona.

AmaHebheru 11:8 ပူးပေါင်းရင်းမြစ်များ

UGenesisi 11:31

UTera wathatha uAbrama indodana yakhe, loLoti indodana kaHarani, indodana yendodana yakhe, loSarayi umalokozana wakhe umkaAbrama indodana yakhe; basuka eUri lamaKaladiya ukuya elizweni laseKanani; bafika eHarani, bahlala khona.

UGenesisi 12:5

UAbrama wathatha uSarayi umkakhe, loLoti indodana yomfowabo lempahla yabo yonke ababelayo lezinceku ababelazo eHarani, basuka ukuya elizweni laseKanani; bafika elizweni laseKanani.

UGenesisi 12:7

INkosi yabonakala kuAbrama yathi: Ngizakuyinika inzalo yakho lelilizwe. Wayakhela lapho ialtare iNkosi eyabonakala kuye.

UGenesisi 15:5

Yamkhuphela phandle yathi: Khangela ngasezulwini ubale izinkanyezi uba ungazibala. Yathi kuye: Inzalo yakho izakuba ngako.

UGenesisi 17:8

Ngizakunika wena lenzalo yakho emva kwakho ilizwe ohlala kilo, lonke ilizwe laseKanani libe yilifa elingapheliyo; ngizakuba nguNkulunkulu wabo.

UGenesisi 20:13

Kwathi mhla uNkulunkulu engisusa endlini kababa ngathi kumkami: Akungenzele umusa ngokwenza lokhu ukuthi endaweni zonke esizakufika kuzo uthi ngami: Ungumnewethu.

UGenesisi 22:18

langenzalo yakho zonke izizwe zomhlaba zizabusiswa, ngoba ulalele ilizwi lami.

UGenesisi 26:3

hlala kulelilizwe, ngizakuba lawe ngikubusise; ngoba ngizakunika wena lenzalo yakho wonke lamazwe, ngiqinise isifungo engasifunga kuAbrahama uyihlo.

U-Isaya 41:2

Ngubani ovusa lowo ovela ngasempumalanga onqobayo kuzo zonke indawo ahamba kizo na? Ngubani onikela izizwe phambi kwakhe, amenze anyathezele phansi amakhosi, umkhonto wakhe uyawachitha njengothuli, lemitshoko yakhe iwatsahaze njengezibi phambi komoya na?

U-Isaya 51:2

Khangelani kuAbrahama ukhokho wenu lakuSara owalizalayo; ngoba uAbrahama eseyedwa ngambiza, ngambusisa, ngamandisa.

UHezekhiyeli 36:24

Ngoba ngizalithatha ezizweni, ngilibuthe emazweni wonke, ngililethe elizweni lenu.

AmaNani 10:30

Wathi kuye: Kangiyikuhamba lani, kodwa ngizahamba ngiye elizweni lakithi lasezihlotsheni zami.

UMatewu 2:21

Wavukake, wathatha umntwana lonina, wafika elizweni lakoIsrayeli.

AbaseRoma 1:5

Samukela ngaye umusa lobuphostoli ukuba kube khona ukulalela kokukholwa ezizweni zonke ngenxa yebizo lakhe,

AbaseRoma 10:16

Kodwa kabalilalelanga bonke ivangeli; ngoba uIsaya uthi: Nkosi, ngubani owakholwa ilizwi lethu na?

AbaseRoma 6:17

Kodwa kabongwe uNkulunkulu ngokuthi lina elake laba yizigqili zesono, selilalela ngenhliziyo indlela yesifundiso elanikelwa kuyo,

2 AbaseKhorinte 10:5

Sichitha inkani, lakho konke okuziphakamisela ukumelana lokumazi uNkulunkulu, lemicabango yonke siyithumbela ukumlalela uKristu;

UDutheronomi 9:5

Kakusikho ngenxa yokulunga kwakho lobuqotho benhliziyo yakho ukuthi ungene elizweni lazo ukulithumba; kodwa kungenxa yobubi balezizizwe iNkosi uNkulunkulu wakho ezixotsha phambi kwakho, futhi lokuba iqinise ilizwi eyalifunga kubokhokho bakho oAbrahama loIsaka loJakobe.

AmaHebheru 11:33

abathi ngokukholwa banqoba imibuso, basebenza ukulunga, bazuza izithembiso, bavimba imilomo yezilwane,

AmaHebheru 5:9

lapho esephelelisiwe waba ngumthombo wokusiliswa okungapheliyo kibo bonke abamlalelayo,

UJoshuwa 24:3

Ngasengithatha ukhokho wenu uAbrahama ngaphetsheya komfula iYufrathi, ngamhola kulo lonke ilizwe laseKanani, ngayandisa inzalo yakhe yaba nengi. Ngamnika uIsaka,

1 UPhethro 1:22

Ngokulalela iqiniso selihlambulule imiphefumulo yenu ukuthanda abazalwane ngobuqotho; ngakhoke thandanani ngokupheleleyo ngenhliziyo yonke.

1 UPhethro 3:1

Ngokunjalo lani bafazi, zehliseleni ngaphansi kwamadoda enu, ukuze kuthi, uba ekhona ongakholwayo ilizwi, azuzwe ngaphandle kokukhuluma ngenxa yokuhamba kwabafazi bawo,

1 UPhethro 4:17

Ngoba sekuyisikhathi sokuba ukuthonisiswa kuqale endlini kaNkulunkulu; uba kuqala ngathi, kuzakuba yini ukuphela kwalabo abangalalelanga ivangeli likaNkulunkulu na?