AmaHebheru 11:4 - iBhayibhili Elingcwele 1978

⁴ Ngokukholwa uAbela wanikela kuNkulunkulu umhlatshelo owamukelekayo kulokaKayini, wazuza ngakho ubufakazi bokuthi ulungile, uNkulunkulu uqobo emfakazela ngokwamukela iziphiwo zakhe; langokukholwa usakhuluma, loba esefile.

IBhayibhili Elingcwele LesiNdebele

⁴ Ngokukholwa u-Abheli wanikela kuNkulunkulu umnikelo omuhle kulokaKhayini. Ngokukholwa wanconywa njengomuntu olungileyo, ngesikhathi uNkulunkulu ekhuluma kuhle ngeminikelo yakhe. Njalo ngokukholwa ulokhu ekhuluma, lanxa sewafa.

AmaHebheru 11:4 ပူးပေါင်းရင်းမြစ်များ

UGenesisi 4:10

Yathi: Wenzeni na? Ilizwi legazi lomfowenu liyakhala kimi livela emhlabathini.

UGenesisi 4:15

INkosi yathi kuye: Impela lowo obulala uKayini uzakuphindiselwa kasikhombisa. INkosi yabeka uphawu kuKayini funa omfumanayo ambulale.

UGenesisi 4:25

UAdamu waphinda wangena lomkakhe engutsheni; wazala indodana wayitha ibizo wathi nguSeti; ngoba wathi: UNkulunkulu usenginikile enye inzalo esikhundleni sikaAbela, ngoba uKayini wambulala.

UGenesisi 4:8

UKayini wathi kumfowabo uAbela: Asiye egangeni. Kwathi besegangeni, uKayini wasukela umfowabo uAbela, wambulala.

1 AmaKhosi 18:38

Wasusehla umlilo kaNkulunkulu, watshisa umnikelo wokutshiswa lenkunzi lamatshe lenhlabathi, waqeda lamanzi asemgelweni.

UJobe 8:10

Bona kabayikukufundisa, bakutshele, bakhulume amazwi okwazi kwabo na?

Izaga 15:8

Umhlatshelo wababi uyisinengiso eNkosini, kodwa umkhuleko wabaqotho uyayithokozisa.

Izaga 21:27

Umhlatshelo wababi uyisinengiso eNkosini, ikakhulu nxa bewuletha ngenhliziyo ezimbi.

ULevi 9:24

Kwavela umlilo eNkosini, watshisa umnikelo wokutshiswa lamahwahwa ealtareni. Abantu bathi ukukubona lokhu bamemeza, bawa ngobuso.

UMatewu 23:35

ukuba kwehlele phezu kwenu igazi lonke elingelacala elachithwa emhlabeni, kusukela egazini likaAbela olungileyo kuze kufike egazini likaZekariya indodana kaBarakiya, elambulala phakathi kwethempeli lealtare.

ULukha 11:51

kusukela egazini likaAbela kuze kufike egazini likaZekariya owabulawa phakathi kwealtare lethempeli. Yebo, ngithi kini: Lizakubizwa kulesisizukulwana.

UThithu 1:16

Bathi bayamazi uNkulunkulu, kodwa bemphika ngezenzo zabo; bangabenyanyekayo, labangalaleliyo, lasemisebenzini yonke emihle kabasizi lutho.

AmaHebheru 11:2

Abendulo bafakazelwa ngakho emibhalweni.

AmaHebheru 12:1

Ngakhoke lathi, lokhu sihanqwe lixuku elingaka labofakazi, asilahle konke okusindayo lesono esithandele kangaka kithi, sigijime ngokubekezela lokhukuncintanisana esikumiselweyo,

AmaHebheru 12:24

lakuJesu umlamuli wesivumelwano esitsha, ogazi lakhe elifafaziweyo likhuluma okuhle kakhulu kulelikaAbela.

AmaHebheru 5:1

Ngoba ilowo lalowo umpristi omkhulu okhethwa ebantwini umiselwa abantu ezintweni zikaNkulunkulu, ukuze anikele izipho lemihlatshelo ngenxa yezono;

AmaHebheru 9:22

Impela kuphose zonke izinto zihlanjululwa ngegazi ngokomthetho, ngaphandle kokuchitheka kwegazi kakukho ukuthethelelwa kwezono.

2 UPhethro 2:8

ngoba lowomuntu olungileyo, ngokuhlala kwakhe phakathi kwabo, wezwa ubuhlungu emphefumulweni wakhe ngokubona lokuzwa insuku zonke izinto ezimbi ezenziwayo yibo.

UJuda 1:11

Maye kibo! Ngoba bahamba endleleni kaKayini; baziwisele ekuduheni kukaBalami ngenxa yenzuzo; baphika njengoKora, ngakho babhubha.