AmaHebheru 11:1 - iBhayibhili Elingcwele 1978

¹ Ukukholwake kuyikuqiniseka ngezinto ezithenjiweyo, kuliqiniso ngezinto ezingabonwayo.

IBhayibhili Elingcwele LesiNdebele

¹ Ukukholwa yikuba leqiniso lalokhu esikulindeleyo njalo kuqinisekile ngalokho esingakuboniyo.

AmaHebheru 11:1 ပူးပေါင်းရင်းမြစ်များ

AmaHubo 27:13

Ngithemba ukuthi ngizakubona okuhle kweNkosi ngiseselizweni labaphilayo.

AmaHubo 42:11

Udaneleni mphefumulo wami na? Ukhathazekelani phakathi kwami na? Themba kuNkulunkulu, ngoba ngisezakumdumisa futhi, umsizi wami loNkulunkulu wami.

Imisebenzi 20:21

ngifakaza kubaJuda lakumaGriki ukuphendukela kuNkulunkulu lokukholwa iNkosi yethu uJesu Kristu.

1 AbaseKhorinte 13:13

Kumike ukukholwa, lokuthemba, lothando, lokhu kokuthathu; kodwa okukhulu kulokhu luthando.

2 AbaseKhorinte 11:17

Lokho engikutshoyo kangikutsho ngokulaywa yiNkosi, kodwa ngikutsho njengesithutha, ngilesibindi sokuzincoma.

2 AbaseKhorinte 4:18

ngoba kasikhangeli okubonwayo kodwa sikhangela okungabonwayo. Ngoba okubonwayo kungokwesikhatshana nje, kodwa okungabonwayo kakulakuphela.

2 AbaseKhorinte 5:17

Uba umuntu ekuKristu, usedalwa kutsha; okudala sekudlule; khangela, sekuvele okutsha.

2 AbaseKhorinte 5:7

ngoba sihamba ngokukholwa, kasihambi ngokubona.

2 AbaseKhorinte 9:4

funa uba kufika kanye lami abaseMakedoniya, balifumane lingalungiselanga, siyangeke thina ngokulithemba kwethu, singasatsho lina phela.

AbaseGalathiya 5:6

Ngoba kuKristu kakusizi lutho ukusoka lokungasoki, kodwa kuphela ukukholwa okusebenza ngothando.

UThithu 1:1

Mina Pawuli, inceku kaNkulunkulu lomphostoli kaJesu Kristu wokwakha ukukholwa kwabakhethiweyo bakaNkulunkulu lowokwandisa ukwazi iqiniso elimayelana lokukhonza uNkulunkulu,

AmaHebheru 10:22

ngakhoke asisondele ngenhliziyo eqinisileyo langokuthemba okupheleleyo kokukholwa, zifafaziwe inhliziyo zethu, lungasekho uvalo lokubi, lemizimba yethu igezisiwe ngamanzi acwebileyo.

AmaHebheru 10:39

Kodwa thina kasisibo abahlehlela emuva babhujiswe; singabokukholwa, ukuze kusiliswe imiphefumulo yethu.

AmaHebheru 11:13

Bonke laba bafela ekukholweni, bengamukeliswanga okwathenjiswayo, kodwa bakubonela khatshana, bakuthakazelela, bavuma ukuthi bangabezizwe lezihambi emhlabeni.

AmaHebheru 11:27

Ngokukholwa wasuka eGibithe, engalwesabi ulaka lwenkosi; ngoba waqinisela kungathi uyambona uNkulunkulu ongabonwayo.

AmaHebheru 11:7

Ngokukholwa uNowa exwayisiwe nguNkulunkulu ngezinto ebezingakabonwa wakha umkolo wokusilisa indlu yakhe; wawulahla umhlaba ngokukholwa, waba yindlalifa yokulunga okuvela ngokukholwa.

AmaHebheru 2:3

thina sizakuphepha kanjani, uba sidelela ukusiliswa okungaka na? Kwakhulunywa kuqala yiNkosi, kwafakazwa kithi yilabo abayizwayo,

AmaHebheru 3:14

Ngoba siyahlanganyela kuKristu, uba sibambisisa ithemba lethu lokuqala kuze kube sekupheleni.

AmaHebheru 3:6

kodwa uKristu uthembekile phezu kwendlu kaNkulunkulu njengendodana. Thina siyindlu yakhe, uba sihlala silesibindi siziqhenya ngethemba lethu.

AmaHebheru 6:12

ukuze lingabi ngabavilaphayo, kodwa libalingise labo abathi ngokukholwa langokubekezela badla ilifa lesithembiso.

2 UPhethro 1:1

Mina Simoni Petro, inceku lomphostoli kaJesu Kristu, ngithi kubo abazuzileyo ukukholwa okufana lokwethu ngokulunga kukaNkulunkulu wethu loMsilisi uJesu Kristu: