AmaHebheru 10:5 - iBhayibhili Elingcwele 1978

⁵ Ngakhoke esefikile uKristu emhlabeni wathi: Imihlatshelo leminikelo kawuyithandanga, kodwa ungilungisele umzimba.

IBhayibhili Elingcwele LesiNdebele

⁵ Ngakho-ke, uKhristu esefikile emhlabeni wathi: “Umhlatshelo lomnikelo kawukufunanga, kodwa wena wangilungisela umzimba;

AmaHebheru 10:5 ပူးပေါင်းရင်းမြစ်များ

UGenesisi 3:15

Ngizavusa inzondano phakathi kwakho lowesifazana, laphakathi kwenzalo yakho lenzalo yakhe. Yona izachoboza ikhanda lakho, wena uzalimaza isithende sayo.

U-Isaya 1:11

INkosi ithi: Iyini kimi imihlatshelo yenu eminengi na? Nganelisiwe yiminikelo yezinqama langamahwahwa okunonisiweyo; legazi lezinkunzi lelamawundlu lelezimpongo kalingithokozisi.

U-Isaya 40:16

ILebanoni lonke kalilazo inkuni ezinganela ukubasa, lenyamazana ezinganela umnikelo wokutshiswa.

U-Isaya 7:14

Ngakhoke iNkosi uqobo izakukunika isibonakaliso. Khangela, intombi izakuthatha isisu, ibelethe indodana ezakubizwa ngokuthi nguEmanuweli.

UJeremiya 31:22

Koze kube nini uzilazila, wena ndodakazi engathembekanga na? INkosi idale into entsha emhlabeni, owesifazana uvukela indoda.

UJeremiya 6:20

Ngilendaba yini lenhlaka evela eSheba, lemfe evela elizweni elikhatshana na? Iminikelo yenu yokutshiswa kayamukeleki, lemihlatshelo yenu kayingithokozisi.

UMatewu 11:3

wathi kuye: Wena unguye ozayo, ingabe silindele omunye na?

ULukha 1:35

Isithunywa sathi kuye: UMoya oNgcwele uzakuba phezu kwakho, lamandla oPhezukonke azakukwambesa; ngakho umntwana ozakuzalwa uzakuthiwa ungcwele, uyiNdodana kaNkulunkulu.

ULukha 7:19

UJohane wasebiza ababili kubafundi bakhe, wabathuma eNkosini, esithi: Wena, unguye ozayo, ingabe silindele omunye na?

UJohane 1:14

ULizwi waba yinyama, wahlala phakathi kwethu, sabona inkazimulo yakhe injengeyozelwe yedwa kaYise, egcwele umusa leqiniso.

AbaseGalathiya 4:4

Kodwa kwathi isikhathi sesiphelele, uNkulunkulu wathumela iNdodana yakhe, yazalwa ngowesifazana, yazalelwa ngaphansi komlayo,

1 uTimothi 3:16

Kuyavunywa ukuthi yinkulu impela imfihlakalo yokukholwa kwethu, yokuthi: Yena owabonakaliswa emzimbeni, walungisiswa emoyeni, wabonwa yizithunywa watshunyayelwa ezizweni, wakholwa ngumhlaba wonke, waphakanyiselwa ezulwini.

AmaHebheru 1:6

Futhi mhla eletha olizibulo emhlabeni uthi: Lezithunywa zonke zikaNkulunkulu kazimkhonze.

AmaHebheru 10:10

Ngaleyontando senziwe saba ngcwele ngokunikelwa komzimba kaJesu Kristu kanye kuphela.

AmaHebheru 10:7

Ngasengisithi: Khangela, ngizile ukwenza intando kaNkulunkulu njengokulotshiweyo ngami ogwalweni.

AmaHebheru 10:8

Kuqala wathi: Imihlatshelo, leminikelo, leminikelo yokutshiswa, leyezono, kawuyithandanga kawuyithokozelanga — yona inikelwa ngokomlayo —

AmaHebheru 2:14

Ngakhoke njengoba abantwana behlanganyela inyama legazi, laye uqobo wahlanganyela khona lokho, ukuze ngokufa amchithe yena obelamandla okufa onguSathane,

AmaHebheru 5:7

Ensukwini zokuphila kwakhe uJesu wakhuleka, enxusa ngokukhala okukhulu langezinyembezi kuye olamandla okumkhulula ekufeni; wezwiwa ngenxa yokwesaba kwakhe uNkulunkulu.

AmaHebheru 8:3

Yilowo lalowo umpristi omkhulu umiselwe ukunikela ngeminikelo lemihlatshelo; ngakhoke kuyadingeka ukuba laye lumpristi abe lakho okuthile kokunikela.

1 UPhethro 2:24

Yena wathwala izono zethu emzimbeni wakhe esiphambanweni, ukuze kuthi sesifile esonweni siphile ekulungeni. Lisilisiwe ngamanxeba akhe.

2 UJohane 1:7

Ngoba abakhohlisi abanengi baphumele emhlabeni, abantu abangavumiyo ukuthi uJesu Kristu weza waba ngumuntu. Lababantu bangabakhohlisi labaphikukristu.