AmaHebheru 10:4 - iBhayibhili Elingcwele 1978

⁴ ngoba kakulakwenzeka ukuba igazi lezinkunzi lelezimbuzi lisuse izono.

IBhayibhili Elingcwele LesiNdebele

⁴ ngoba akwenzakali ukuba igazi lenkunzi lelembuzi lisuse izono.

AmaHebheru 10:4 ပူးပေါင်းရင်းမြစ်များ

AmaHubo 51:16

Ngoba kawuthandi umhlatshelo; loba bengizakunika umnikelo wokutshiswa, ubungayikuthokoza ngawo.

U-Isaya 66:3

Ohlaba inkabi unjengobulala umuntu; onikela umhlatshelo ngewundlu unjengowephula intamo yenja; onikela umnikelo wempuphu unjengonikela umnikelo ngegazi lengulube; otshisa impepha kube ngumnikelo wesikhumbuzo unjengodumisa isithombe. Konke lokhu kuyizenzo abantu abazikhethela zona, labo abazithokozisa ngezinengiso zabo.

UJeremiya 6:20

Ngilendaba yini lenhlaka evela eSheba, lemfe evela elizweni elikhatshana na? Iminikelo yenu yokutshiswa kayamukeleki, lemihlatshelo yenu kayingithokozisi.

UHosiya 14:2

Lungisani amazwi enu, libuye eNkosini; lithi kiyo: Susa konke okubi kithi ukuba wamukele okuhle, sikudumise ngemilomo yethu.

UHosiya 6:6

Ngoba ngifuna uthando olungapheliyo kulomhlatshelo, lokwazi uNkulunkulu kuleminikelo yokutshiswa.

UMakho 12:33

ukuyithanda ngenhliziyo yonke, langokuqedisisa konke, langamandla wonke, lokuthanda umakhelwane wakho njengalokhu umuntu ezithanda yena kuyedlula yonke iminikelo yokutshiswa lemihlatshelo.

UJohane 1:29

Ngakusasa wabona uJesu esiza kuye, wathi: Khangelani, iWundlu likaNkulunkulu elisusayo isono somhlaba.

AbaseRoma 11:27

yilesi isivumelwano engizakubanika sona, lapho ngisusa izono zabo.

AmaHebheru 10:1

Ngoba lokhu umlayo ulesithunzi sezinto ezinhle ezizayo, ungesiwo umfanekiso oqotho wazo uqobo, ungeze waba lamandla ngaleyomihlatshelo enikelwa njalonjalo iminyaka ngeminyaka ukubenza baphelele labo abasondelayo.

AmaHebheru 10:11

Umpristi yilowo lalowo kambe uyema insuku ngensuku enkonzweni, enikela kanengi ngaleyomihlatshelo engasoze yaba lamandla okususa izono.

AmaHebheru 10:8

Kuqala wathi: Imihlatshelo, leminikelo, leminikelo yokutshiswa, leyezono, kawuyithandanga kawuyithokozelanga — yona inikelwa ngokomlayo —

AmaHebheru 9:9

Konke lokhu kungumfanekiso walesisikhathi. Iminikelo lemihlatshelo emiswe lapho kayilamandla okwenza okhonzayo aphelele maqondana lesazela sakhe.

1 UJohane 3:5

Liyazi ukuthi uKristu wabonakaliswa ukuba asuse izono, kakukho isono kuye.