AmaHebheru 1:8 - iBhayibhili Elingcwele 1978

⁸ Kodwa ngeNdodana uthi: Isihlalo sakho sobukhosi, Nkulunkulu, simi kuze kube nininini, intonga yokulunga iyintonga yombuso wakho.

IBhayibhili Elingcwele LesiNdebele

⁸ Kodwa ngeNdodana uthi, “Isihlalo sakho sobukhosi, Oh Nkulunkulu, sizakuma nini lanini, intonga yokwahlulela okulungileyo izakuba yintonga yombuso wakho.

AmaHebheru 1:8 ပူးပေါင်းရင်းမြစ်များ

2 USamuyeli 23:3

UNkulunkulu kaIsrayeli usekhulumile, iDwala likaIsrayeli likhulumile kimi lathi: Obusa abantu ngokulunga, abuse ngokumesaba uNkulunkulu,

AmaHubo 145:13

Umbuso wakho ungumbuso ongapheliyo, lobukhosi bakho bumi kuzo zonke izizukulwana. INkosi ithembekile emazwini ayo wonke, igcwele umusa ezenzweni zayo zonke.

AmaHubo 72:7

Ensukwini zayo ukulunga kakuphumelele, lokuthula kwande, ize iphele inyanga.

AmaHubo 99:4

Nkosi elamandla, ethanda ukwahlulela, umisile ubuqotho, wahlulela ngokulunga, wenza ukulunga kuJakobe.

U-Isaya 45:25

Kanti inzalo kaIsrayeli izakunqoba, ithokoze ngeNkosi.

U-Isaya 7:14

Ngakhoke iNkosi uqobo izakukunika isibonakaliso. Khangela, intombi izakuthatha isisu, ibelethe indodana ezakubizwa ngokuthi nguEmanuweli.

UJeremiya 38:15

UJeremiya wathi enkosini: Uba ngikutshela, kawuyikungibulala na? Loba ngikweluleka, kawuyikungilalela.

UHosiya 1:7

Kodwa ngizahawukela abakoJuda, ngibakhulule mina Nkosi uNkulunkulu wabo; kangiyikubakhulula ngomtshoko, loba ngomkhonto, loba ngempi, loba ngamabhiza, langabagadi bamabhiza.

UZakhariya 13:9

Ngizakuyifaka emlilweni lingxenye yesithathu, ngibancibilikise njengomuntu encibilikisa isiliva, ngibahlole njengokuhlolwa kwegolide. Bazabiza ibizo lami, ngibaphendule; ngithi: Bangabantu bami; labo bathi: INkosi inguNkulunkulu wethu.

UZakhariya 9:9

Thokoza kakhulu, wena Ziyone! Memeza kakhulu, Jerusalema! Khangela, inkosi yakho iyeza kuwe, inqobile yehlula, imnene, ikhwele ubabhemi, ithole, inkonyane kababhemi.

UMalaki 3:1

INkosi yamabandla ithi: Khangelani, ngiyasithuma isithunywa sami ukulungisa indlela phambi kwami. INkosi eliyidingayo izafika masinyane ethempelini layo; isithunywa sesivumelwano elithokoza ngaso siyeza.

UMatewu 1:23

Khangela, intombi izakuthatha isisu ibelethe indodana, ezakubizwa ngokuthi nguEmanuweli, okuyikuthi ngokuphendulelwa, uNkulunkulu ulathi.

ULukha 1:75

ngobungcwele langokulunga phambi kwayo zonke insuku zethu.

UJohane 10:30

Mina loBaba simunye.

UJohane 10:33

AbaJuda bamphendula bathi: Kasikukhandi ngenxa yomsebenzi omuhle kodwa ngenxa yenhlamba, ngoba wena ungumuntu, uzenza uNkulunkulu.

UJohane 20:28

UTomasi wamphendula wathi: Nkosi yami, Nkulunkulu wami!

AbaseRoma 9:5

bangababo okhokho avela kubo uKristu ngokwenyama. UNkulunkulu ophezu kwakho konke kabongwe kuze kube nininini. Ameni.

1 AbaseKhorinte 15:25

Ngoba umele ukubusa, aze abeke izitha zakhe ngaphansi kwenyawo zakhe.

UDutheronomi 2:37

Kodwa kasisondelanga elizweni labantwana bakaAmoni, lasezinkunjini zomfula iJaboki, lasemizini yasezintabeni, lalapho iNkosi uNkulunkulu wethu eyasinqabela khona.

UDutheronomi 7:14

Lizakubusiswa kakhulu kulazo zonke izizwe; kakuyikuba khona phakathi kwenu owesilisa lowesifazana oyinyumba, loba inyumbakazi phakathi kwenkomo zenu.

1 uTimothi 3:16

Kuyavunywa ukuthi yinkulu impela imfihlakalo yokukholwa kwethu, yokuthi: Yena owabonakaliswa emzimbeni, walungisiswa emoyeni, wabonwa yizithunywa watshunyayelwa ezizweni, wakholwa ngumhlaba wonke, waphakanyiselwa ezulwini.

2 UPhethro 1:11

Ngokwenza njalo lizakuba lokungena ngokupheleleyo embusweni ongapheliyo weNkosi yethu loMsilisi uJesu Kristu.

1 UJohane 5:20

Siyazi ukuthi iNdodana kaNkulunkulu isifikile, yasinika ukuqedisisa ukuze simazi oweqiniso; sikuye oweqiniso lokhu sikiyo iNdodana yakhe uJesu Kristu. Yena unguNkulunkulu weqiniso lokuphila okungapheliyo.