AmaHebheru 1:2 - iBhayibhili Elingcwele 1978

² Kodwa kulezinsuku zokucina ukhulume kithi ngeNdodana ayimise ibe yindlalifa yezinto zonke, yona adala ngayo futhi umhlaba.

IBhayibhili Elingcwele LesiNdebele

² kodwa ngalezizinsuku zokucina ukhulume kithi ngeNdodana yakhe, ayibeka ukuba yindlalifa yezinto zonke, yona adala ngayo izulu lomhlaba.

AmaHebheru 1:2 ပူးပေါင်းရင်းမြစ်များ

UGenesisi 49:1

UJakobe wasebiza amadodana akhe wathi: Buthanani ukuba ngilitshele lokho okuzakulehlela ensukwini ezizayo.

U-Isaya 2:2

Kuzakuthi ensukwini ezizayo intaba yendlu yeNkosi iphakanyiswe phezu kwazo zonke intaba, yengame wonke amaqaqa; zonke izizwe zizabekelela ziye kuyo,

U-Isaya 44:24

INkosi, uMhlengi wakho, eyakubumba esiswini, ithi: NgiyiNkosi eyenza zonke izinto, ngendlala iphezulu ngedwa ngenza lomhlaba ngedwa.

U-Isaya 45:12

Yimi owenza umhlaba, ngabumba umuntu ukuhlala kuwo; yizandla zami ezendlala iphezulu, ngakulawula konke okukulo ukuba kukhanye.

U-Isaya 45:18

Ngoba iNkosi eyadala iphezulu, yona enguNkulunkulu, eyabumba umhlaba, yawenza, yawumisa, ingawudaleli ize, yawubumba ukuba kuhlalwe kuwo, ithi: NgiyiNkosi, kakho omunye.

UJeremiya 30:24

Ulaka oluvuthayo lweNkosi kaluyikudeda, ize iphelelise izifiso zenhliziyo yayo. Ensukwini zokuphela lizakukuqedisisa lokhu.

UJeremiya 48:47

Kodwa ngizabuyisa abantu baseMowabi ensukwini ezizayo, kutsho iNkosi. Kuphela lapha ukwahlulelwa kweMowabi.

UHezekhiyeli 38:16

Uzahlasela abantu bami bakoIsrayeli njengeyezi lisibekela umhlaba. Ensukwini zokucina ngizakukuqhubeza lelizwe lami ukuze izizwe zingazi, nxa ngibonakalisa ngawe ubungcwele bami phambi kwazo, wena Gogi.

UDanyeli 10:14

ngizile ukuba ngikwenze uqedisise okuzakwehlela abantu bakini ensukwini zokucina. Lo ngumbono ngensuku ezizayo.

UDanyeli 2:28

kodwa ukhona uNkulunkulu ophezulu owambula izimfihlakalo, uyitshengisile inkosi uNebukadineza okuzakwenzeka ensukwini zokucina. Iphupho lakho lemibono eyafika engqondweni yakho ulele embhedeni yile;

UHosiya 3:5

Emva kwalokho abakoIsrayeli bazabuya bayidinge iNkosi uNkulunkulu wabo, loDavida inkosi yabo. Bazabuya eNkosini besesaba, beze lasekulungeni kwayo ensukwini ezizayo.

UMikha 4:1

Kuzakuthi ensukwini ezizayo intaba yendlu yeNkosi iphakanyiswe phezu kwazo zonke intaba, yengame wonke amaqaqa; abantu bazakubekelela baye kuyo,

AmaNani 24:14

Khangela, ngiyabuyela kwabakithi; woza ngikutshele ukuthi lababantu bazakwenzani ebantwini bakini ensukwini ezizayo.

UMatewu 13:39

lesitha esawuhlanyelayo nguSathane; ukuvuna kuyikuphela kwesikhathi; labavunayo bayizithunywa.

UMatewu 17:5

Kwathi esakhuluma, iyezi elikhanyayo labasibekela; kwezwakala ilizwi eyezini, lathi: Lo uyiNdodana yami ethandekayo engithokoza ngayo; zwanini yona.

UMatewu 21:38

Kodwa abalimi sebeyibonile indodana, bakhulumisana bathi: Le yindlalifa; wozani siyibulale, ilifa libe ngelethu.

UMatewu 26:63

Kodwa uJesu wathula. Umpristi omkhulu wathi kuye: Ngikufungisa uNkulunkulu ophilayo ukuba usitshele uba unguKristu, iNdodana kaNkulunkulu.

UMatewu 28:18

UJesu wasondela, wakhuluma labo esithi: Aphiwe mina amandla wonke ezulwini lasemhlabeni;

UMatewu 3:17

Khangela, kwezwakala ilizwi livela ezulwini, lisithi: Lo uyiNdodana yami ethandekayo, ngithokozile ngayo.

UMakho 1:1

Nanku ukuqala kwevangeli likaJesu Kristu, iNdodana kaNkulunkulu.

UMakho 12:6

Wayesasele lomuntu munye, indodana yakhe ethandekayo; ekucineni wathumela yona kubo, esithi: Bazakuyihlonipha indodana yami.

UMakho 12:7

Kodwa labobalimi bakhulumisana, besithi: Le yindlalifa; wozani siyibulale, ilifa libe ngelethu.

UJohane 1:10

Wayekhona emhlabeni, umhlaba wenziwa ngaye; kodwa umhlaba kawumazanga.

UJohane 1:14

ULizwi waba yinyama, wahlala phakathi kwethu, sabona inkazimulo yakhe injengeyozelwe yedwa kaYise, egcwele umusa leqiniso.

UJohane 1:3

Zonke izinto zenziwa ngaye; langaphandle kwakhe kakwenziwanga lutho kukho konke okwenziweyo.

UJohane 13:3

uJesu wayekwazi ukuthi uYise unikele inzinto zonke ezandleni zakhe lokuthi wavela kuNkulunkulu, uyabuyela kuNkulunkulu;

UJohane 13:32

Uba uNkulunkulu enikwe udumo kiyo, loNkulunkulu uzakuyinika udumo, njalo uzakuyinika udumo masinyane.

UJohane 15:15

Kangisalibizi ngokuthi liyizinceku, ngoba inceku kayikwazi ukuthi inkosi yayo yenzani; kodwa sengilibiza ngokuthi lingabangane, ngoba konke engikuzwileyo kuBaba ngilazise khona.

UJohane 16:15

Konke uBaba alakho kungokwami; yikhoke ngisithi uzakuthatha okungokwami, alibikele khona.

UJohane 17:2

Ngoba uyinikile amandla phezu kwabantu bonke ukuze ibanike ukuphila okungapheliyo bonke oyinike bona.

UJohane 3:16

Ngoba uNkulunkulu wawuthanda umhlaba kangaka, waze wanikela ngeNdodana yakhe ezelwe yodwa ukuba ilowo lalowo okholwa kiyo angabhubhi, kodwa abe lokuphila okungapheliyo.

UJohane 3:25

Kwaba khona ukuphikisana phakathi kwabafundi bakaJohane lomJuda ngokuhlambulula.

UJohane 5:26

Njengoba uYise elokuphila ngokwakhe, kunjaloke uyinikile iNdodana ukuba ibe lokuphila ngokwayo.

UJohane 5:27

Uyiphile amandla okwahlulela, ngoba iyiNdodana yomuntu.

UJohane 9:29

Siyazi ukuthi uNkulunkulu wakhuluma kuMose, kodwa lumuntu kasimazi lapho avela khona.

Imisebenzi 10:36

Yilo ilizwi alithumela kuIsrayeli, etshumayela ivangeli lokuthula ngoJesu Kristu; yena uyiNkosi yabo bonke.

Imisebenzi 2:17

Kuzakuthi ensukwini zokuphela, utsho uNkulunkulu, ngizakuthela uMoya wami phezu kwabantu bonke; amadodana enu lamadodakazi enu azakwazisela, lensizwa zenu zibone imibono, labadala benu baphuphe amaphupho;

AbaseRoma 1:4

kodwa ngokukaMoya wobungcwele yabonakaliswa ngamandla ukuthi iyiNdodana kaNkulunkulu ngokuvuka kwabafileyo, uJesu Kristu iNkosi yethu.

AbaseRoma 8:17

uba singabantwana, siyizindlalifa futhi, izindlalifa zikaNkulunkulu lezindlalifa kanye loKristu, uba phela sihlupheka kanye laye ukuze sidunyiswe kanye laye.

1 AbaseKhorinte 2:7

Kodwa sikhuluma ukuhlakanipha kukaNkulunkulu okufihlakeleyo, icebo lakhe eliyimfihlakalo, alimisela thina ngaphambi kokudatshulwa komhlaba libe yinkazimulo yethu.

1 AbaseKhorinte 8:6

kanti kithi kukhona uNkulunkulu munye, uYise, okuvela kuye izinto zonke, lathi siphilela yena; leNkosi yinye, uJesu Kristu, okwavela ngaye konke, lathi sikhona ngaye.

AbaseGalathiya 4:4

Kodwa kwathi isikhathi sesiphelele, uNkulunkulu wathumela iNdodana yakhe, yazalwa ngowesifazana, yazalelwa ngaphansi komlayo,

Abase-Efesu 1:10

ukuze aphumelelise nxa isikhathi sesiphelele ukuhlanganisela ndawonye izinto zonke ezisezulwini lezisemhlabeni kuKristu.

Abase-Efesu 3:9

lokubakhanyisela bonke abantu ukuthi liyini icebo lemfihlakalo ebifihliwe kuNkulunkulu owadala izinto zonke kusukela ekudatshulweni kwesikhathi,

UDutheronomi 18:15

INkosi uNkulunkulu wenu izakulivusela phakathi kwabakini umprofethi onjengami; limlalele yena.

UDutheronomi 31:29

Ngoba ngiyazi ukuthi emva kokufa kwami lizakona, liphambuke endleleni engililaye yona; lizakwehlelwa ngokubi ngensuku ezizayo, ngoba lizakwenza okubi emehlweni eNkosi, liyithukuthelise ngomsebenzi wezandla zenu.

UDutheronomi 4:30

Lapho lisekuhluphekeni lisehlelwa yilezizinto zonke, ensukwini ezizayo lizakuphendukela eNkosini uNkulunkulu wenu, lilalele ilizwi layo;

AmaHebheru 1:5

Ngoba yisiphi isithunywa uNkulunkulu ake atsho kuso na ukuthi: Wena uyiNdodana yami, lamuhla ngikuzele? Lokuthi: Ngizakuba nguyise kiyo, yona ibe yindodana kimi?

AmaHebheru 1:8

Kodwa ngeNdodana uthi: Isihlalo sakho sobukhosi, Nkulunkulu, simi kuze kube nininini, intonga yokulunga iyintonga yombuso wakho.

AmaHebheru 11:3

Ngokukholwa sibona ukuthi umhlaba wenziwa ngelizwi likaNkulunkulu, kuze kuthi okubonwayo kwavela kokungabonwayo.

AmaHebheru 2:3

thina sizakuphepha kanjani, uba sidelela ukusiliswa okungaka na? Kwakhulunywa kuqala yiNkosi, kwafakazwa kithi yilabo abayizwayo,

AmaHebheru 3:6

kodwa uKristu uthembekile phezu kwendlu kaNkulunkulu njengendodana. Thina siyindlu yakhe, uba sihlala silesibindi siziqhenya ngethemba lethu.

AmaHebheru 4:14

Ngakhoke lokhu silompristi omkhulu kakhulu odlule emazulwini, uJesu iNdodana kaNkulunkulu, asibambelele kuso isivumo sethu.

AmaHebheru 5:8

Loba eyiNdodana, wafunda ukulalela ngalokho ahlupheka ngakho;

AmaHebheru 7:28

Umlayo uyamisa abantu ababuthakathaka babe ngabapristi abakhulu, kodwa ilizwi lesifungo elalandela umlayo lamisa iNdodana ephelelisiweyo kuze kube nininini.

AmaHebheru 7:3

Yena kalayise lonina, kalasendo, kalakuqala kwensuku lokuphela kokuphila, kodwa ufana leNdodana kaNkulunkulu, uhlala engumpristi njalonjalo.

AmaHebheru 9:26

uba kwakunjalo wayemele ukuhlupheka kanengi selokhu kwadatshulwa umhlaba. Kodwa ubonakaliswe kanye ekupheleni kwesikhathi ukuba asuse izono ngokuzinikela kwakhe.

1 UPhethro 1:20

Wamiswa ngaphambili umhlaba ungakabi khona, kodwa wabonakaliswa esikhathini sokucina ngenxa yenu;

2 UPhethro 3:3

Kuqala yazini lokhu ukuthi ngezinsuku zokucina kuzakufika abahleka ulunya, behamba ngezinkanuko zabo,

UJuda 1:18

bathi kini: Ngesikhathi sokucina kuzakuba khona abahleka ulunywa, behamba ngenkanuko zabo ezimbi.