Abase-Efesu 5:8 - iBhayibhili Elingcwele 1978

⁸ Ngoba lalingumnyama, kodwa khathesi liyikukhanya eNkosini. Hambani njengabantwana bokukhanya,

IBhayibhili Elingcwele LesiNdebele

⁸ Ngoba lake laba yibumnyama kodwa khathesi seliyikukhanya eNkosini. Philani njengabantwana bokukhanya

Abase-Efesu 5:8 ပူးပေါင်းရင်းမြစ်များ

UJohane 8:12

UJesu wakhuluma labo futhi wathi: Mina ngiyikukhanya komhlaba; ongilandelayo kasoze ahamba emnyameni, kodwa uzakuba lokukhanya kokuphila.

1 UJohane 1:7

kodwa uba sihamba ekukhanyeni njengalokhu yena esekukhanyeni, silokuhlanganyela omunye lomunye, legazi likaJesu iNdodana yakhe liyasihlambulula ezonweni zonke.

Imisebenzi 26:18

ukuvula amehlo abo ukuze basuke emnyameni, baphendukele ekukhanyeni, basuke emandleni kaSathane, baphendukele kuNkulunkulu, ukuze bamukeliswe ukuthethelelwa kwezono lendawo phakathi kwalabo abahlukanisiweyo ngokukholwa kimi.

AbaseKholose 1:13

Wasikhulula emandleni omnyama, wasisa embusweni weNdodana yakhe ethandekayo,

UJohane 12:46

Ngizile ngiyikukhanya emhlabeni ukuba okholwa kimi angahlali emnyameni.

Abase-Efesu 4:18

Kumnyama engqondweni yabo, behlukene lokuphila kukaNkulunkulu ngenxa yokungazi kwabo, langenxa yobulukhuni benhliziyo yabo.

UJohane 12:36

Liselokukhanya kholwani ukukhanya, ukuze libe ngabantwana bokukhanya. UJesu watsho lokhu, wasuka, wabacatshela.

U-Isaya 9:2

Abantu ababehamba emnyameni bakubonile ukukhanya okukhulu; ababehlala elizweni elilomnyama omkhulu ukukhanya kubakhanyisele.

Abase-Efesu 2:2

elalikade lihamba kuzo ngendlela yalumhlaba, lilandela umbusi wamandla asemkhathini, ongumoya osasebenzayo lakhathesi phakathi kwabangalaleliyo.

2 AbaseKhorinte 4:6

Ngoba uNkulunkulu owathi: Kakuvele ukukhanya emnyameni, kukhanye; wenzile ukuba lokhukukhanya kukhanye phakathi kwethu, kusinike ukukhanya kokwambulwa, ukwambulwa kwenkazimulo kaNkulunkulu kuJesu Kristu.

UJeremiya 13:16

Inikeni iNkosi udumo, uNkulunkulu wenu, ingakalethi umnyama, lenyawo zenu zingakakhubeki ezintabeni ngoba sekuhlwile, kuthi lisadinga ukukhanya, ikuphendule kube ngumnyama, ikwenze kube ngumnyama omkhulu.

UThithu 3:3

Ngoba lathi kade sasiyiziphukuphuku, singalaleli, sikhohliswa, sifuywe yizinkanuko lokuzithokozisa okunenginengi, sihlezi ebubini langomhawu, sizondeka ebantwini bonke, sizondana.

ULukha 16:8

Inkosi yambabaza umphathi ongalunganga ngokuthi wenze ukuhlakanipha; ngoba abantwana balesisikhathi bahlakaniphile esizukulwaneni sabo kulabantwana bokukhanya.

U-Isaya 2:5

Wena ndlu kaJakobe, wozani sihambe ekukhanyeni kweNkosi.

Abase-Efesu 6:12

Ngoba kasilwi lenyama legazi, kodwa silwa lemibuso, lamandla, lababusi balumhlaba womnyama, lempi yemimoya emibi yaphezulu.

2 AbaseKhorinte 3:18

Thina sonke esilobuso obambuliweyo, sibona inkazimulo yeNkosi ngokungathi kusesibukweni. Siyaphendulwa sifane layo; siyakhula enkazimulweni, ngoba le ivela eNkosini enguye uMoya.

ULukha 1:79

ukubakhanyisela abahlezi emnyameni lasethunzini lokufa, lokuqondisa inyawo zethu endleleni yokuthula.

2 AbaseKhorinte 6:14

Lingazihlanganisi labangakholwayo, ngoba kulokuhlanganyela ngaphi ukulunga lokungalungi na? Kulokuhlanganyela ngaphi ukukhanya lomnyana na?

1 AbaseKhorinte 1:30

NgoNkulunkulu lina likuKristu Jesu, ngoba uNkulunkulu wamenzela thina ukuhlakanipha lokulunga lokwahlukaniselwa lokukhululwa.

AbaseRoma 2:19

uba uzithembile wena ukuthi ungumdonsi weziphofu, uyikukhanya kwabasemnyameni,

UJohane 1:9

Ukukhanya okuqinisileyo okukhanyisa wonke umuntu, kwasekusiza emhlabeni.

UMatewu 4:16

abantu ababehlezi emnyameni babonile ukukhanya okukhulu, lababehlezi elizweni lasethunzini lokufa ukukhanya kuphumele kibo.

U-Isaya 49:9

Ngizakuthi kwababotshiweyo: Phumani; lakwabasemnyameni: Phumelani obala. Bazakuba njengezimvu ezidla ngasezindleleni, lamadlelo abo abe semadundulwini wonke;

AbaseGalathiya 5:25

Uba siphila ngoMoya, asihambe ngoMoya.

AbaseRoma 1:21

ngoba kuthe bemazi uNkulunkulu, kabamdumisanga njengoNkulunkulu, kabambonganga; ngakho ukucabanga kwabo konke kwaba yize, ingqondo zabo ezingaqondiyo zaba mnyama.

U-Isaya 49:6

Ithi: Kuyinto elula kakhulu ukuba ube yinceku yami yokuvusa izizwe zikaJakobe, lokubuyisa abaseleyo koIsrayeli; ngizakukubeka ube yikukhanya kwezizwe, ukuze wenze ukukhulula kwami kufinyelele emhlabeni wonke.

U-Isaya 42:16

Ngizakhokhela iziphofu ezindleleni ezingayaziyo, ngiziqondise ezindleleni ezingazaziyo, ngiphendule umnyama phambi kwazo ube yikukhanya, ngihlelembe lezindawo ezingamaxhakaxhaka. Yizo lezizinto engizakuzenza, ngingaziyekeli.

Abase-Efesu 5:2

lihambe ngothando, njengalokhu uKristu wasithanda, wazinikela ngenxa yethu, abe ngumnikelo lomhlatshelo olephunga elimnandi kuNkulunkulu.

Imisebenzi 17:30

Ngoba izikhathi zokungamazi uNkulunkulu wazibekezelela, kodwa khathesi uyalaya bonke abantu endaweni zonke ukuba baphenduke,

AmaHubo 74:20

Khumbula isivumelwano sakho; ngoba zonke indawo ezimnyama zomhlaba zigcwele ububi.

U-Isaya 50:10

Lowo ophakathi kwenu oyesabayo iNkosi kalalele ilizwi lenceku yayo: ohamba emnyameni ongelakukhanya, kathembele ebizweni leNkosi, abambelele kuNkulunkulu wakhe.

UMatewu 3:8

Thelani izithelo ezifanele ukuphenduka.

UJohane 12:35

UJesu wasesithi kibo: Kuseyisikhatshana ukukhanya lilakho. Hambani liselokukhanya, ukuze umnyama ungalahluli. Ohambayo emnyameni kazi ukuthi uya ngaphi.

AbaseRoma 13:12

Ubusuku sebudlulile, sekuzakusa. Ngakhoke asilahle imisebenzi yomnyama, sihlome izikhali zokukhanya.

AbaseKholose 1:12

libonge uYise owalenza lafanela ukuhlanganyela ilifa labangcwele ekukhanyeni.