Abase-Efesu 5:3 - iBhayibhili Elingcwele 1978

³ Kodwa ubufebe, lakho konke ukungcola, lomhawu, kakungaphathwa lakanye phakathi kwenu, njengokuba kufanele abangcwele.

IBhayibhili Elingcwele LesiNdebele

³ Kodwa phakathi kwenu Akungabikhona umthonselanyana wokuhlobonga loba uhlobo luphi lokungcola kumbe ubuhwaba ngoba lezizinto kazifanelanga ebantwini abangcwele bakaNkulunkulu.

Abase-Efesu 5:3 ပူးပေါင်းရင်းမြစ်များ

AmaHubo 10:3

Ngoba omubi uyazikhukhumeza ngezifiso zenhliziyo yakhe, loyisihwaba uyayithuka ayeyise iNkosi.

AmaHubo 119:36

Qondisa inhliziyo yami emilayweni yakho, kungabi semhawini.

U-Eksodasi 18:21

Futhike ukhethe phakathi kwabo bonke abantu amadoda alamandla, amesabayo uNkulunkulu, aqotho, azonda inzuzo engalunganga, uwabeke phezu kwabantu ukuba abe yizinduna zezinkulungwane lezinduna zamakhulu lezinduna zamatshumi amahlanu lezinduna zamatshumi;

U-Eksodasi 20:17

Ungabi lamhawu ngendlu kamakhelwana wakho, lomkakhe, lenceku yakhe, lencekukazi yakhe, lenkabi yakhe, lobabhemi wakhe, langolunye ulutho lwakhe.

U-Eksodasi 23:13

Qaphelani konke lokhu esengikutshilo kini, lingawaphathi amabizo abanye onkulunkulu, angezwakali emilonyeni yenu.

Izaga 28:16

Umbusi ongelakuqedisisa ungumcindezeli olesihluku, kodwa lowo ozonda inzuzo embi uzaphila isikhathi eside.

UJeremiya 22:17

Kodwa wena, amehlo akho lenhliziyo yakho kusekuphangeni kuphela, lasekuchitheni igazi elingelacala, lasekucindezeleni lekwenzeni okubi.

UJeremiya 6:13

Ngoba kusukela kwabancinyane babo kuze kufike kwabakhulu bonke bayizihwaba zenzuzo embi, labaprofethi labapristi bonke bayakhohlisa.

UJeremiya 8:10

Ngalokhuke omkabo ngizabanika abanye, lamasimu abo ngiwanike abanqobi, ngoba kusukela kwabancinyane kuze kufike kwabakhulu bonke bayizihwaba zenzuzo embi, labaprofethi labapristi bonke bayakhohlisa.

UHezekhiyeli 33:31

Ngakho abantu bami bayeza kuwe, bahlale phambi kwakho, bezwe okutshoyo, kodwa kabayikukwenza. Ngoba bathanda ngomlomo wabo, kodwa inhliziyo zabo zisenzuzweni yabo.

ULevi 15:18

Futhi indoda elala lowesifazana, bobabili kabageze ngamanzi, bahlale bengcolile kuze kuhlwe.

UMikha 2:2

Bahawukela amasimu, bawathathe ngodlakela, lezindlu bayazithatha; bathathela umuntu umuzi wakhe, bamthathele lelifa lakhe.

AmaNani 25:1

UIsrayeli wahlala eShithimi. Abantu baqala ukuphinga lamadodakazi aseMowabi.

UMatewu 15:19

Ngoba enhliziyweni kuvela imicabango emibi, lokubulala, lobufebe, lokuphinga, lokweba, lokufakaza amanga, lokunyeya.

ULukha 12:15

Wasesithi kibo: Xwayani, liqaphele ubuhwaba bonke, ngoba ukusila komuntu kakuyi ngobunengi bempahla yakhe.

ULukha 16:14

AbaFarisi ababethanda imali bakuzwa konke lokhu, bamklolodela.

Imisebenzi 15:20

kodwa asibalobele ukuba bazile amanyala ezithombe, lokufeba, lokukhanyiweyo, legazi.

Imisebenzi 20:33

Kangihawukelanga isiliva legolide lezambatho zamuntu;

AbaseRoma 1:29

begcwele konke ukungalungi, lobubi, lomhawu, lenzondo; begcwele umona, lokubulala, lenkani, lenkohliso, lolunya; bengabahlebayo

AbaseRoma 16:2

ukuze limamukele eNkosini njengokufanele abangcwele, limsize ngakho konke akucela kini; ngoba yena usizile abanengi, lami uqobo.

AbaseRoma 6:13

Linganikeli izitho zenu esonweni, zibe yizikhali zokungalungi; kodwa zinikeleni lina kuNkulunkulu njengabavusiweyo kwabafileyo abaphilayo, linikele izitho zenu kuNkulunkulu zibe yizikhali zokulunga;

1 AbaseKhorinte 10:8

Asingenzi ukuphinga njengabanye babo abenza ukuphinga, bafa ngasuku lunye baba zinkulungwane ezingamatshumi amabili lantathu.

1 AbaseKhorinte 5:1

Impela kuyatshiwo ukuthi kukhona ukuphinga phakathi kwenu, futhi ukuphinga kohlobo olungekho ngitsho laphakathi kwabangakholwayo, okokuthi omunye wakini uthethe umkayise.

1 AbaseKhorinte 6:13

Ukudla ngokwesisu, lesisu ngesokudla; kodwa uNkulunkulu uzakukuchitha kokubili. Umzimba kayisiwo wokuphinga, ungoweNkosi, leNkosi ingeyomzimba.

1 AbaseKhorinte 6:18

Balekelani ukuphinga. Zonke izono ezinye azenzayo umuntu zingaphandle komzimba; kodwa ophingayo wona umzimba wakhe.

2 AbaseKhorinte 12:21

Ngilovalo lokuthi ekufikeni kwami futhi uNkulunkulu wami angithobise phambi kwenu, ngililele abanengi abonileyo ngaphambili, abangaphendukanga kukho ukungcola lobufebe lamanyala abakwenzileyo.

Abase-Efesu 5:12

Ngoba kuthelela inhloni ukukhuluma ngezinto ezenziwa yibo ekusithekeni.

Abase-Efesu 5:5

Yazini lokhu, likuqedisise ukuthi oyisifebe, longcolileyo lolomhawu, okutsho lowo okhonza izithombe, kalalifa embusweni kaKristu lokaNkulunkulu.

AbaseFiliphi 1:27

Kuphela hambani ngokufanele ivangeli likaKristu, kuze kuthi, loba ngifika kini loba ngingekho, ngizwe indaba zenu zokuthi liqinile emoyeni munye, lasengqondweninye lilwela ukukholwa kwevangeli,

AbaseKholose 3:5

Ngakhoke bulalani inkanuko zenu zasemhlabeni, ukuphinga lokungcola, inkanuko ezimbi, ukufisa okubi, lomhawu oyikukhonza izithombe.

1 AbaseThesalonika 4:3

Intando kaNkulunkulu yikuba libe ngcwele, lizithinte ekuphingeni;

1 AbaseThesalonika 4:7

Ngoba uNkulunkulu kasibizelanga emanyaleni, kodwa wasibizela ebungcweleni.

1 uTimothi 2:10

kodwa kabacece ngemisebenzi emihle, okufanele abesifazana abathi bakhonza uNkulunkulu.

1 uTimothi 3:3

angabi yisidakwa, angabi ngothanda ukulwa kodwa abe mnene, angabi ngothanda ukuxabana, angabi ngothanda imali.

1 uTimothi 6:10

Ukuthanda imali kuyimpande yakho konke okubi; abanye ngokuyifisa baduhile ekukholweni, bazibangela insizi ezinengi.

2 uTimothi 3:2

Ngoba abantu bazakuba ngabazithandayo, labathanda imali, labazigqajayo, labaziqakisayo, labathukayo, labangalaleli abazali babo, labangabongiyo, lababi,

UThithu 1:11

okumele ukuba bathuliswe, lokhu bechitha imizi ngokufundisa okungafanelanga befuna inzuzo.

UThithu 1:7

Ngoba umalusi webandla uyinceku kaNkulunkulu, kumele abe ngongasolekiyo longaziqakisiyo, longathukutheli masinyane, longesiso isidakwa, longathandi ukulwa, longafisi inzuzo.

UThithu 2:3

Ngokunjalo weluleke labesifazana abadala ukuba baziphathe ngokufaneleyo, bangabi ngabahlebayo, bangafuywa yikunatha; kababe ngabafundisi bokuhle,

AmaHebheru 12:16

kungabi khona oyisifebe longakhonzi uNkulunkulu njengoEsawu owathengisa ubuzibulo bakhe ngenxa yokudla okukodwa.

UJoshuwa 7:21

kwathi ngibona phakathi kwempango ingubo yaseBabiloni enhle, lamashekeli esiliva angamakhulu amabili, lomgqala wegolide ubunzima bawo bungamashekeli angamatshumi amahlanu, ngakuhawukela, ngakuthatha; ngikuthukuzile phansi ethenteni lami, lesiliva singaphansi.

1 UPhethro 5:2

Yalusani umhlambi kaNkulunkulu eliwunikiweyo, kungabi ngokubanjwa ngamandla, kodwa ngokuthanda langokwentando kaNkulunkulu, kungabi ngenxa yenzuzo elihlazo, kodwa ngokuvuma kwenhliziyo,

2 UPhethro 2:10

ikakhulu bona abazithokozisa ngenkanuko ezingcolisayo, bedelela amandla eNkosi. Abalenkani abaziqakisayo kabesabi ukuhlambaza labo abalenkazimulo;

2 UPhethro 2:14

Balamehlo akhangele ubufebe langayekeli ukukhangela isono; bayenga ababuthakathaka; balenhliziyo ezejwayele ubuhwaba; bangabantwana abaqalekisiweyo;

2 UPhethro 2:3

Ekufiseni kwabo imali bazakuthengiselana ngani ngamazwi obuqili; ukulahlwa kwabo sekukade kusebenza phakathi kwabo, lokuchitheka kwabo kakuwozeli.

Isambulo 2:14

Kodwa kukhona okuyingcosana engilakho ngawe; ulabo lapho ababambelela ekufundiseni kukaBalami, owafundisa uBalaki ukubeka isikhubekiso phambi kwabakoIsrayeli sokuba badle okuhlatshelwe izithombe lokuba baphinge.

Isambulo 2:21

Ngamnika ithuba lokuba aphenduke, kodwa kavumi ukuphenduka ekuphingeni kwakhe.

Isambulo 21:8

Kodwa amagwala, labangakholwayo, labangcolileyo, lababulali, leziphingi, labathakathi, labakhonza izithombe, labo bonke abaqambi bamanga, isabelo sabo sizakuba echibini elivutha umlilo lesolufa, okuyikufa kwesibili.

Isambulo 22:15

Ngaphandle kukhona izinja, labathakathi, leziphingi, lababulali, labakhonza izithombe, labo bonke abathanda inkohliso beyenza.

Isambulo 9:21

Futhi kabaphendukanga ekubulaleni kwabo, lasekuthakatheni kwabo, lasekuphingeni kwabo, lasekwebeni kwabo.

1 USamuyeli 8:3

Amadodana akhe ayengahambi ngendlela zakhe, kodwa athanda inzuzo, amukela umvuzo wokuthengwa, ahlanekela izahlulelo.