Abase-Efesu 5:2 - iBhayibhili Elingcwele 1978

² lihambe ngothando, njengalokhu uKristu wasithanda, wazinikela ngenxa yethu, abe ngumnikelo lomhlatshelo olephunga elimnandi kuNkulunkulu.

IBhayibhili Elingcwele LesiNdebele

² liphile impilo yothando, njengalokhu uKhristu wasithanda wazinikela ngenxa yethu njengomnikelo olephunga elimnandi lomhlatshelo kaNkulunkulu.

Abase-Efesu 5:2 ပူးပေါင်းရင်းမြစ်များ

UGenesisi 8:21

INkosi yezwa iphunga elimnandi, yathi enhliziyweni yayo: Kangisayikuphinda ngiqalekise umhlaba ngenxa yabantu, ngoba imicabango yomuntu mibi kusukela ebutsheni bakhe; futhi kangisayikuphinda ngibhubhise okuphilayo njengalokhu ngenzile.

U-Eksodasi 29:18

utshise yonke inqama ealtareni, kube ngumnikelo wokutshiswa eNkosini, iphunga elimnandi, lomnikelo owenzelwe iNkosi ngomlilo.

U-Eksodasi 29:25

Ukuthathe ezandleni zabo, ukutshise ealtareni phezu komnikelo wokutshiswa, ukuba kube liphunga elimnandi phambi kweNkosi; ngoba kungumnikelo owenzelwe iNkosi ngomlilo.

ULevi 1:13

Imibilini lemilenze kayigeziswe ngamanzi; umpristi anikele konke, akutshise ealtareni; kungumnikelo wokutshiswa, umnikelo owenziwe ngomlilo, olephunga elimnandi eNkosini.

ULevi 1:17

ayidonse ngamaphiko, kodwa angayidabuli; umpristi ayitshise ealtareni, phezu kwenkuni ezisemlilweni, kube ngumnikelo wokutshiswa, umnikelo owenziwe ngomlilo, olephunga elimnandi eNkosini.

ULevi 1:9

Imibilini yayo lemilenze yayo kayigeziswe ngamanzi; umpristi akutshise konke ealtareni kube ngumnikelo wokutshiswa, umnikelo owenziwe ngomlilo, olephunga elimnandi eNkosini.

ULevi 3:16

Umpristi uzakukutshisa ealtareni kube yikudla, kube ngumnikelo owenziwe ngomlilo olephunga elimnandi. Wonke amahwahwa ngaweNkosi.

uAmosi 5:21

Ngiyayizonda, ngiyayidelela imikhosi yenu, kangithokozi ngezinkonzo zenu.

AmaNani 7:21

inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;

UMatewu 20:28

njengalokhu iNdodana yomuntu kayizanga ukukhonzwa, kodwa ukukhonza lokunika ukuphila kwayo, kube lihlawulo labanengi.

UJohane 13:34

Ngilinika umlayo omutsha wokuba lithandane; njengalokhu ngilithandile mina, lani lithandane.

UJohane 6:51

Mina ngiyisinkwa esiphilayo esehla sivela ezulwini. Uba umuntu esidla lesisinkwa, uzakuphila kokuphela; isinkwa engizakusinika siyinyama yami engizakuyinikela ngenxa yokuphila komhlaba.

AbaseRoma 15:16

wokuba ngibe yisikhonzi sikaKristu Jesu kwabezizwe, ngikhonze ngevangeli likaNkulunkulu njengompristi, ukuze ukunikela kwami abezizwe kwamukeleke, kwenziwe kube ngcwele nguMoya oNgcwele.

AbaseRoma 4:25

owanikelwa ngenxa yeziphambeko zethu, wavuswa ngenxa yokulungisiswa kwethu.

AbaseRoma 8:3

UNkulunkulu ukwenzile lokho okwahlula umlayo, ngoba umlayo waba buthakathaka ngenxa yesimo somuntu; ngokuthuma iNdodana yakhe ilesimo esifana lesomuntu esibi, ibe ngumhlatshelo wesono, walahla isono kulesosimo,

AbaseRoma 8:37

Kodwa kulokhu konke silokunqoba okukhulu ngaye owasithandayo.

1 AbaseKhorinte 16:14

Konke elikwenzayo kakwenziwe ngothando.

1 AbaseKhorinte 5:7

Khuphani imvubelo endala ukuze libe yinhlama entsha; ngoba lempela lingabangelamvubelo. Ngoba elethu iwundlu lePhasika elinguKristu selihlatshiwe.

2 AbaseKhorinte 2:14

Kabongwe uNkulunkulu osiholayo njalo odwendweni lokunqoba ngoKristu, ebonakalisa ngathi iphunga elihle lokwazi kwakhe endaweni zonke.

2 AbaseKhorinte 2:15

Ngoba siliphunga elimnandi likaKristu kuNkulunkulu phakathi kwalabo abasiliswayo laphakathi kwalabo ababhubhayo.

2 AbaseKhorinte 8:9

Ngoba liyawazi umusa weNkosi yethu uJesu Kristu ukuthi, lanxa wayenothile, waba ngumyanga ngenxa yenu, ukuze ngobuyanga bakhe linothe lina.

AbaseGalathiya 1:4

owazinikela ngenxa yezono zethu, ukuba asophule kulesisikhathi esibi sakhathesi ngokwentando kaNkulunkulu uBaba;

AbaseGalathiya 2:20

Ngibethelwe kanye loKristu; kakuseyimi ophilayo, kodwa uKristu uphila kimi; ukuphila engikuphila khathesi ngikuphila ngokukholwa iNdodana kaNkulunkulu eyangithandayo, yazinikela ngenxa yami.

Abase-Efesu 1:4

Wasikhetha ngoKristu ngaphambi kokudatshulwa komhlaba ukuba sibe ngcwele, singasoleki phambi kwakhe.

Abase-Efesu 3:17

uKristu ahlale enhliziyweni zenu ngokukholwa. Lokhu selilempande, lesisekelo othandweni,

Abase-Efesu 3:19

kothando lukaKristu, lokulwazi lanxa lusedlula ukwazi konke, ukuze ligcwaliswe ngakho konke ukugcwala kukaNkulunkulu.

Abase-Efesu 4:15

Kodwa asikhulume iqiniso ngothando, ukuze sikhule ngakho konke kuKristu.

Abase-Efesu 4:2

ngokuthobeka konke lobumnene. Bekezelelanani ngothando,

Abase-Efesu 5:15

Ngakhoke qaphelisisani ukuthi lihamba kanjani, kungabi njengezithutha kodwa njengabahlakaniphileyo,

Abase-Efesu 5:25

Madoda, thandani omkenu, njengoKristu walithanda ibandla, wazinikela ngenxa yalo,

UDutheronomi 27:6

Lakhele iNkosi uNkulunkulu wenu ialtare ngamatshe angabazwanga, linikele phezu kwalo iminikelo yokutshiswa eNkosini uNkulunkulu wenu,

AbaseFiliphi 4:18

Kodwa ngilakho konke ngokupheleleyo; nganelisiwe nginikwe nguEpafrodithu iziphiwo elazithumelayo, eziliphunga elihle, umnikelo omuhle lowamukelekayo kuNkulunkulu.

AbaseKholose 3:14

Phezu kwakho konke lokhu yambathani uthando oluyisibopho sokuzwana okupheleleyo.

1 AbaseThesalonika 4:9

Mayelana lothando lobuzalwane kalidingi ukuba ngililobele, ngoba lina uqobo lifundisiwe nguNkulunkulu ukuba lithandane.

1 uTimothi 2:6

owazinikela yena abe yinhlawulo yabo bonke; lokhu kwafakazelwa ngesikhathi esifaneleyo.

1 uTimothi 4:12

Kungabi lamuntu odelela ubutsha bakho, kodwa woba yisibonelo kwabakholwayo ngokukhuluma, langokuhamba, langothando, langokukholwa, langokuhlambuluka.

UThithu 2:14

Yena wazinikela ngenxa yethu ukuze asihlenge ebubini bonke, lokuzihlambululela abantu abangabakhe abatshisekela izenzo ezinhle.

AmaHebheru 8:3

Yilowo lalowo umpristi omkhulu umiselwe ukunikela ngeminikelo lemihlatshelo; ngakhoke kuyadingeka ukuba laye lumpristi abe lakho okuthile kokunikela.

AmaHebheru 9:14

kakhulu kangakanani igazi likaKristu, owazinikela kuNkulunkulu engelasici ngoMoya ongelakuphela, lizakuhlambulula izazela zethu emisebenzini efileyo, ukuze sikhonze uNkulunkulu ophilayo.

AmaHebheru 9:23

Ngokunjalo kwakudingeka ukuba imifanekiso yezinto zasezulwini ihlanjululwe ngalokho, kodwa izinto zasezulwini uqobo zidinga ukuhlanjululwa ngeminikelo emihle kulale.

AmaHebheru 9:26

uba kwakunjalo wayemele ukuhlupheka kanengi selokhu kwadatshulwa umhlaba. Kodwa ubonakaliswe kanye ekupheleni kwesikhathi ukuba asuse izono ngokuzinikela kwakhe.

1 UPhethro 4:8

Kulakho konke thandanani ngokungapheliyo, lokhu uthando luyasibekela izono ezinengi.

1 UJohane 3:16

Uthando silwazi ngalokhu ukuthi uKristu wadela ukuphila kwakhe ngenxa yethu; lathi sifanele ukudela ukuphila kwethu ngenxa yabazalwane.

1 UJohane 3:23

Yilo umlayo wakhe, ukuba sikholwe ebizweni leNdodana yakhe uJesu Kristu, lokuba sithandane, njengalokhu esilayile.

Isambulo 1:5

lakuJesu Kristu ufakazi othembekileyo, olizibulo kwabafileyo lombusi wamakhosi omhlaba. Kuye osithandayo lowasikhulula ezonweni zethu ngegazi lakhe,

Isambulo 5:9

Bahlabelela ingoma entsha ethi: Ukufanele wena ukuyithatha incwadi lokuvula impawu zayo, ngoba wahlatshwa, wabahlengela uNkulunkulu ngegazi lakho abantu abavela emihlotsheni yonke, lasendimini zonke, lasezizweni zonke;