Abase-Efesu 4:9 - iBhayibhili Elingcwele 1978

⁹ Lokhuke ukuthi wenyukela phezulu, kakutsho yini ukuthi wake wehlela endaweni ezingaphansi zomhlaba na?

IBhayibhili Elingcwele LesiNdebele

⁹ (Ukuthi “wenyuka” kutshoni ngaphandle kokuthi njalo wehlela lezigabeni zangaphansi komhlaba na?

Abase-Efesu 4:9 ပူးပေါင်းရင်းမြစ်များ

UGenesisi 11:5

INkosi yehla ukubona umuzi lomphotshonga okwakhiwa ngabantu.

AmaHubo 139:15

amathambo ami ayengafihlekanga kuwe, lapho ngangisenziwa ekusithekeni, ngibunjwa ezindaweni ezizikileyo zomhlaba.

AmaHubo 63:9

Kodwa abafuna ukungibulala bazakwehliselwa enzikini yomhlaba.

AmaHubo 8:5

Kanti wamenza waba ngaphansi kukaNkulunkulu kancinyane, wamethwesa umqhele wobukhosi lodumo.

U-Eksodasi 19:20

INkosi yehlela entabeni yaseSinayi, yafika engqongeni yentaba; yambiza uMose ukuba eze engqongeni yentaba; uMose wakhwela.

Izaga 30:4

Ngubani owake wenyukela ezulwini, wabuye wehla na? Ngubani oqoqe umoya ngezandla zakhe na? Ngubani ogoqele amanzi engutsheni na? Ngubani omise yonke imikhawulo yomhlaba na? Ngubani ibizo lakhe, ngubani ibizo lendodana yakhe, uba ulazi na?

U-Isaya 44:23

Thokozani, lina mazulu, iNkosi ikwenzile; lijabule, lina zindawo ezizikileyo zomhlaba; lihlabele, lina zintaba, lawe gusu lazo zonke izihlahla ezikuwe. Ngoba iNkosi isimhlengile uJakobe, izakudunyiswa koIsrayeli.

UHezekhiyeli 31:14

Lokhu kwenzelwa ukuba kungabi lasihlahla ngasemanzini esikhula sibe side kakhulu, lezihloko zaso zithinte amayezi, kungabi lasihlahla esinatha amanzi esifinyelela emayezini; ngoba zonke zimiselwe ukufa, ziye elizweni elingaphansi komhlaba, njengabantu abafileyo abehlela phansi egodini.

UMatewu 12:40

Ngoba njengalokhu uJona waba sesiswini sensikabayitshiye insuku ezintathu lobusuku obuthathu, ngokunjaloke iNdodana yomuntu izakuba semathunjini omhlaba insuku ezintathu lobusuku obuthathu.

UJohane 20:17

UJesu wathi kuye: Ungangibambi, ngoba angikenyukeli kuBaba. Kodwa yana kubafowethu, uthi kibo ngiyenyukela kuBaba lakuYihlo, kuNkulunkulu wami loNkulunkulu wenu.

UJohane 3:13

Kakho owenyukela ezulwini, kuphela yena owehla ezulwini, iNdodana yomuntu ehlala ezulwini.

UJohane 6:33

Ngoba isinkwa sikaNkulunkulu siyiso esehla sivela ezulwini, esinika ukuphila emhlabeni.

UJohane 6:38

Ngoba ngehlile ezulwini kungasukuba ngenze intando yami, kodwa ngenze intando yalowo ongithumileyo.

UJohane 6:41

AbaJuda basebemsola, ngoba wathi: Ngiyisinkwa esehla ezulwini.

UJohane 6:51

Mina ngiyisinkwa esiphilayo esehla sivela ezulwini. Uba umuntu esidla lesisinkwa, uzakuphila kokuphela; isinkwa engizakusinika siyinyama yami engizakuyinikela ngenxa yokuphila komhlaba.

UJohane 6:58

Lesi yisinkwa esehla sivela ezulwini kungenjengesinkwa okhokho benu abasidlayo, bafa; yena odla lesisinkwa uzakuphila kokuphela.

UJohane 6:62

Pho, lizakuthini uba libona iNdodana yomuntu isenyukela lapho yayikhona kuqala na?

UJohane 8:14

UJesu wabaphendula wathi: Uba ngizifakazela mina, ubufakazi bami buqinisile, ngoba ngiyazi ukuthi ngivela ngaphi lokuthi ngiya ngaphi; kodwa lina kalazi ukuthi ngivela ngaphi lokuthi ngiya ngaphi.

AmaHebheru 2:7

Wamenza waba mncinyane kulezithunywa okwesikhatshana; wamethwesa umqhele wobukhosi lodumo;

AmaHebheru 2:9

Kodwa siyambona uJesu owenziwa waba mncinyane okwesikhatshana kulezithunywa ethwesiwe umqhele wobukhosi, lowodumo ngenxa yenhlupheko yokufa, ukuze ngomusa kaNkulunkulu ezwe ukufa ngenxa yabo bonke.