Abase-Efesu 4:5 - iBhayibhili Elingcwele 1978

⁵ yinye iNkosi, kunye ukukholwa, lunye ubhaphathizo;

IBhayibhili Elingcwele LesiNdebele

⁵ iNkosi yinye, lokholo lunye, ubhaphathizo lunye;

Abase-Efesu 4:5 ပူးပေါင်းရင်းမြစ်များ

UZakhariya 14:9

INkosi izakuba yinkosi yomhlaba wonke; ngalolosuku iNkosi izakubanye lebizo layo libe linye.

UMatewu 28:19

ngakho hambani lenze izizwe zonke zibe ngabafundi, libabhaphathize ebizweni likaYise, leleNdodana, lelikaMoya oNgcwele,

Imisebenzi 10:36

Yilo ilizwi alithumela kuIsrayeli, etshumayela ivangeli lokuthula ngoJesu Kristu; yena uyiNkosi yabo bonke.

Imisebenzi 2:36

Ngakho indlu kaIsrayeli yonke kayazi impela ukuthi uNkulunkulu umenzile iNkosi loKristu uJesu lo elambethelayo.

AbaseRoma 3:30

lokhu uNkulunkulu emunye. Uzakulungisisa abasokileyo ngokukholwa kwabo labangasokanga ngokukholwa.

1 AbaseKhorinte 1:13

UKristu wahlukanisiwe yini? UPawuli wabethelwa ngenxa yenu na? Labhaphathizwa ebizweni likaPawuli na?

1 AbaseKhorinte 1:2

sithi kulo ibandla likaNkulunkulu eliseKorinte, kubo abahlukaniselwe kuKristu Jesu, ababizelwe ukuba ngabangcwele, kanye labo bonke abakhuleka ebizweni leNkosi yethu uJesu Kristu endaweni zonke, iNkosi yabo leyethu:

1 AbaseKhorinte 12:13

Ngoba ngoMoya munye thina sonke sabhaphathizwa sibe mzimba munye, loba singabaJuda loba singamaGriki, loba siyizigqili loba singabakhululekileyo. Thina sonke sanathiswa Moya munye.

1 AbaseKhorinte 12:5

Kukhona izinkonzo ezehlukeneyo, kodwa iNkosi yinye.

1 AbaseKhorinte 8:6

kanti kithi kukhona uNkulunkulu munye, uYise, okuvela kuye izinto zonke, lathi siphilela yena; leNkosi yinye, uJesu Kristu, okwavela ngaye konke, lathi sikhona ngaye.

2 AbaseKhorinte 11:4

Ngoba uba kufika umuntu etshumayela omunye uJesu esingamtshumayelanga thina, loba lisamukela omunye umoya elingamamukelanga, loba elinye ivangeli elingalamukelanga, lilokubekezela okukhulu.

AbaseGalathiya 5:6

Ngoba kuKristu kakusizi lutho ukusoka lokungasoki, kodwa kuphela ukukholwa okusebenza ngothando.

Abase-Efesu 4:13

size sifinyelele sonke ebunyeni bokukholwa lasekwazini iNdodana kaNkulunkulu, lasebuntwini obupheleleyo obulinganiswe ngesimo esigcweleyo sikaKristu.

AbaseFiliphi 2:11

lezindimi zonke zivume ukuthi uJesu Kristu uyiNkosi, kube ludumo lukaNkulunkulu uYise.

AbaseFiliphi 3:8

Yebo impela, konke ngikutshaye ize ngenxa yobukhulu bokumazi uKristu Jesu iNkosi yami. Ngilahlekelwe yikho konke ngenxa yakhe, ngikutshaya imfucuza, ukuze ngizuze uKristu,

UThithu 1:1

Mina Pawuli, inceku kaNkulunkulu lomphostoli kaJesu Kristu wokwakha ukukholwa kwabakhethiweyo bakaNkulunkulu lowokwandisa ukwazi iqiniso elimayelana lokukhonza uNkulunkulu,

UThithu 1:4

Ngithi kuTitosi umntanami impela ngokukholwa esikuhlanganyele sonke: Kakube kuwe umusa lokuthula okuvela kuNkulunkulu uBaba lakuKristu Jesu uMsilisi wethu.

AmaHebheru 13:7

Khumbulani abakhokheli benu labo abalitshumayeza ilizwi likaNkulunkulu, liqaphelise ukuphela kokuhamba kwabo, lilingisele ukukholwa kwabo.

AmaHebheru 6:6

kodwa emva kwalokho babuya bahlamuka, kakulakwenzeka ukuba babuye bavuswe baphenduke, lokhu besazibethelela iNdodana kaNkulunkulu beyithela ngehlazo obala.

UJakhobe 2:18

Kodwa omunye uzakuthi: Wena ulokukholwa, mina ngilemisebenzi. Ngitshengisa ukukholwa kwakho ngaphandle kwemisebenzi yakho, lami ngemisebenzi yami ngizakukutshengisa ukukholwa kwami.

1 UPhethro 3:21

Lawomanzi angumfanekiso wobhaphathizo elisiliswa ngalo lina khathesi. Ukubhaphathizwa kakusikho ukugezisa ingcekeza yomzimba, kodwa kuyikucela kuNkulunkulu isazela esihle ngokuvuka kukaJesu Kristu,

2 UPhethro 1:1

Mina Simoni Petro, inceku lomphostoli kaJesu Kristu, ngithi kubo abazuzileyo ukukholwa okufana lokwethu ngokulunga kukaNkulunkulu wethu loMsilisi uJesu Kristu:

UJuda 1:20

Kodwa lina, bathandekayo, zakheni ekukholweni kwenu okungcwele kakhulu, likhuleke ngoMoya oNgcwele;

UJuda 1:3

Bathandekayo, lapho ngisatshisakela ukulilobela ngokusiliswa esikuhlanganyelayo, ngabona ukuthi kuswelekile ukuba ngililobele, ngilikhuthaze, ukuba lilwele ukukholwa abakunikwayo abangcwele kwaba kanye.