Abase-Efesu 2:8 - iBhayibhili Elingcwele 1978

⁸ Ngoba lisilisiwe ngomusa ngokukholwa; lalokhu kakuveli kini, kuyisiphiwo sikaNkulunkulu.

IBhayibhili Elingcwele LesiNdebele

⁸ Ngoba ngomusa lisindisiwe, kungokukholwa njalo lokhu akuveli kini, kuyisipho sikaNkulunkulu,

Abase-Efesu 2:8 ပူးပေါင်းရင်းမြစ်များ

UMatewu 16:17

UJesu wamphendula wathi kuye: Ubusisiwe wena Simoni kaJona, ngoba inyama legazi kakukwambulelanga lokhu kodwa uBaba osezulwini.

UMatewu 20:9

Kuthe befika abaqatshwa ngeawa yesihlanu ntambama, ilowo lalowo wamukela imadlana nje.

UMakho 16:16

Lowo okholwayo abhaphathizwe uzakusiliswa, kodwa ongakholwayo uzakulahlwa.

ULukha 7:50

Wathi kowesifazana: Ukukholwa kwakho kukusilisile. Hamba kuhle.

UJohane 3:36

Yena okholwa eNdodaneni ulokuphila okungapheliyo; kodwa yena ongakholwayo eNdodaneni kayikukubona ukuphila, kodwa ulaka lukaNkulunkulu luhlezi phezu kwakhe.

UJohane 4:10

UJesu wathi kuye: Uba ubusazile isiphiwo sikaNkulunkulu lokuthi ungubani othi kuwe: Nginathisa; ubuzakucela kuye, yena ubezakukunika amanzi aphilisayo.

UJohane 5:24

Ngiqinisile, ngiqinisile ngithi kini: Olizwayo ilizwi lami, akholwe kuye ongithumileyo, ulokuphila okungapheliyo; kangeni ekwahlulelweni, kodwa usephumile ekufeni, wangena ekuphileni.

UJohane 6:35

UJesu wathi kibo: Isinkwa sokuphila yimi; lowo oza kimi kasezukulamba, lalowo okholwa kimi kasezukoma.

UJohane 6:37

Bonke uBaba anginika bona bazakuza kimi; lozayo kimi angisoze ngimxotshe isibili.

UJohane 6:40

Ngoba lokhu kuyintando kaBaba ukuthi ilowo lalowo obona iNdodana, akholwe kiyo, abe lokuphila okungapheliyo; ngizakumvusa ngosuku lokucina.

UJohane 6:44

Kakho ongeza kimi, uba uBaba ongithumileyo engamdonsi; mina ngizakumvusa ngosuku lokucina.

UJohane 6:65

Wasesithi: Kungenxa yalokhu ngithe kini: Kakho ongeza kimi engakunikwanga nguBaba.

Imisebenzi 13:39

ngaye ilowo lalowo okholwayo uzalungisiswa kukho konke abengelungisiswe kukho ngomlayo kaMose.

Imisebenzi 14:27

Kwathi sebefikile, balihlanganisa ibandla, balandisa konke uNkulunkulu abekwenzile ngabo lokuthi uvulele abezizwe umnyango wokukholwa.

Imisebenzi 15:11

Kodwa sikholwa ukuthi sisiliswa ngomusa weNkosi uJesu ngandlelanye labo.

Imisebenzi 16:14

Owesifazana othile othiwa nguLidiya, ongumthengisi wamalembu ayibubende, owemzini othiwa yiTiyathira, okhonza uNkulunkulu, wasizwa, iNkosi yavula inhliziyo yakhe ukuba alalele okwakhulunywa nguPawuli.

Imisebenzi 16:31

Bona bathi kuye: Kholwa eNkosini uJesu, uzakusiliswa wena lendlu yakho.

AbaseRoma 10:14

Kodwa bazakukhuleka kuyo kanjani abangakholwanga kuyo na? Futhi, bazakukholwa kuyo kanjani abangezwanga ngayo na? Futhi, bazakuzwa kanjani bengelamtshumayeli na?

AbaseRoma 10:17

Ngakhoke ukukholwa kuvela ngokuzwa, lokuzwa kuvela ngelizwi likaKristu.

AbaseRoma 4:16

Kungakhoke kusiya ngokukholwa ukuze isithembiso sibe ngesomusa, siqiniseke enzalweni yakhe yonke, kungesiyo engeyomlayo kuphela, kodwa lakuyo engeyokukholwa kukaAbrahama ongubaba wethu sonke,

AbaseRoma 4:5

Kodwa nxa engasebenzi, kodwa ethemba kuye olungisisa abeyisa uNkulunkulu, ukukholwa kwakhe kubalelwa ukuba kuyikulunga.

AbaseRoma 9:16

Ngakho kakuyi ngentando ingabe ngomzamo womuntu, kodwa kuya ngokuhawukela kukaNkulunkulu.

AbaseGalathiya 3:14

Wakwenza lokhu ukuba ngoKristu Jesu isibusiso sikaAbrahama sifike phezu kwabezizwe, ukuba samukele isithembiso sikaMoya ngokukholwa.

AbaseGalathiya 3:22

Kodwake umbhalo uvalele konke ngaphansi kwesono, ukuze isithembiso esingokukholwa kuJesu Kristu siphiwe abakholwayo.

Abase-Efesu 1:19

lobukhulu obumangalisayo bamandla akhe kithi esikholwayo. Lokhu kuyikusebenza kwamandla akhe amakhulu

Abase-Efesu 2:10

Ngoba singumsebenzi wakhe, kuKristu Jesu sadalelwa imisebenzi emihle uNkulunkulu ayilungiselela ngaphambili ukuba sihambe ngayo.

Abase-Efesu 2:5

lanxa sasifile ngeziphambeko zethu, wasivusa kanye loKristu; ngomusa lisilisiwe.

AbaseFiliphi 1:29

Ngoba ngenxa kaKristu lina labelwa, kangitsho ukukholwa kuphela, kodwa lokuhlupheka ngenxa yakhe,

AbaseKholose 2:12

Lambelwa kanye laye ngobhaphathizo, ngalo futhi lavuswa kanye laye ngokukholwa ngamandla kaNkulunkulu amvusa kwabafileyo.

2 AbaseThesalonika 1:9

Bazakulahlwa ngokubhujiswa okungapheliyo, basuswe phambi kwakhe laphambi kwenkazimulo yamandla akhe,

AmaHebheru 6:4

Ngoba labo asebake bakhanyiswa, bezwa isipho sasezulwini, bahlanganyela loMoya oNgcwele,

1 UPhethro 1:5

lina elilondolozwe ngamandla kaNkulunkulu ngokukholwa ukuba libe lokusiliswa okulungiselwe ukwambulwa ngesikhathi sokucina.