Abase-Efesu 2:4 - iBhayibhili Elingcwele 1978

⁴ Kodwa uNkulunkulu onothileyo ngesihawu, ngenxa yothando lwakhe olukhulu asithanda ngalo,

IBhayibhili Elingcwele LesiNdebele

⁴ Kodwa ngenxa yothando lwakhe olukhulu kithi, uNkulunkulu olesihawu esikhulu,

Abase-Efesu 2:4 ပူးပေါင်းရင်းမြစ်များ

UNehemiya 9:17

Bala ukulalela, bakhohlwa izimangaliso owazenza phakathi kwabo; baba lenkani, bazikhethela umkhokheli ukuba babuyele ebugqilini babo eGibithe. Kodwa wena unguNkulunkulu othanda ukuthethelela, olumusa lesihawu, ophuza ukuthukuthela, lolothando olungapheliyo, kawubalahlanga.

AmaHubo 145:8

INkosi ilomusa lesihawu, iyaphuza ukuthukuthela, igcwele uthando olungapheliyo.

AmaHubo 51:1

Ngihawukela, Nkulunkulu, ngothando lwakho olungapheliyo, yesula iziphambeko zami ngobubele bakho obukhulu.

AmaHubo 86:15

Kodwa wena, Nkosi, unguNkulunkulu olesihawu, olomusa, ophuza ukuthukuthela, ogcwele uthando olungapheliyo lobuqotho.

AmaHubo 86:5

Ngoba wena, Nkosi, ulungile, uyathethelela; uthando lwakho olungapheliyo lukhulu kubo bonke abakhuleka kuwe.

U-Eksodasi 33:19

Yathi: Ngizadlulisa phambi kwakho bonke ubuhle bami, ngimemezele ibizo leNkosi phambi kwakho. Ngizamhawukela lowo engithanda ukumhawukela, ngibe lomusa kulowo engithanda ukuba lomusa kuye.

U-Isaya 63:7

Ngizalandisa ngothando olungapheliyo lweNkosi, ngiyidumise, ngakho konke iNkosi esenzele khona, lobuhle obukhulu ebenzele indlu kaIsrayeli, esenzele bona ngomusa wayo, langobukhulu bothando lwayo olungapheliyo.

UJeremiya 31:3

iNkosi yabonakala kuye ikhatshana. Ngikuthandile ngothando olungapheliyo, ngakhoke ngithembekile kuwe.

UDanyeli 9:9

Kuwe, Nkosi uNkulunkulu wethu, kukhona isihawu lokuthethelela; ngoba sikuhlamukile.

UJona 4:2

Wakhuleka eNkosini wathi: Ngiyakuncenga, Nkosi, kayisikho lokhu engakutshoyo ngiseselizweni lakithi na? Yikho lokhu ngaphangisa ukubalekela eTarshishi; ngoba ngangisazi ukuthi wena unguNkulunkulu olomusa lolesihawu, ophuza ukuthukuthela, ogcwele uthando olungapheliyo, ozisola ngokubi.

ULukha 1:78

ngoba ngobubele bukaNkulunkulu wethu sizakuhanjelwa yikusa kwaphezulu,

AbaseRoma 10:12

Ngakho kakukho ukwahlukana phakathi komJuda lomGriki, ngoba iNkosi yona yiNkosi yabo bonke, inothele bonke abakhuleka kuyo.

AbaseRoma 2:4

Kumbe uyabeyisa yini ubukhulu besihawu sakhe lobokubekezela lobesineke sakhe na? Kawazi yini ukuba isihawu sikaNkulunkulu sikudonsela ekuphendukeni na?

AbaseRoma 5:8

Kodwa uNkulunkulu uqinisa uthando lwakhe kithi ngalokhu ukuthi uKristu wasifela siseyizoni.

AbaseRoma 9:23

ukuze abonakalise inotho yenkazimulo ezitsheni zomusa ayezilungisele inkazimulo yakhe ngaphambili na?

Abase-Efesu 1:7

Ngaye silokuhlengwa ngegazi lakhe, lokuthethelelwa kweziphambeko zethu ngokwenotho yomusa wakhe

Abase-Efesu 2:7

ukuze kuthi ezikhathini ezizayo abonakalise inotho enkulu yomusa wakhe lobubele bakhe kithi kuKristu Jesu.

Abase-Efesu 3:8

Mina engimncinyane kulabo bonke abangcwele ngawuphiwa lowomusa wokutshumayela kwabezizwe ivangeli lenotho kaKristu engelakulinganiswa,

2 AbaseThesalonika 2:13

Kodwa thina simele ukubonga uNkulunkulu njalo ngani, bazalwane abathandekayo beNkosi, ngoba uNkulunkulu walikhetha kusukela ekuqaleni, walikhethela ukuba lisiliswe ngobungcwele obuvela kuMoya langokukholwa iqiniso;

1 uTimothi 1:14

lomusa weNkosi wanda kakhulu kimi kanye lokukholwa lothando olukuKristu Jesu.

2 uTimothi 1:9

Yena wasisilisa ngokubiza okungcwele, kungesikho ngokwemisebenzi yethu kodwa ngokwecebo lakhe langomusa asinika wona kuKristu Jesu ekudatshulweni kwesikhathi,

1 UPhethro 1:3

Kabongwe uNkulunkulu uYise weNkosi yethu uJesu Kristu, owasizala kutsha ngesihawu sakhe esikhulu ukuba sibe lethemba eliphilileyo ngokuvuka kukaJesu Kristu kwabafileyo,