Abase-Efesu 1:1 - iBhayibhili Elingcwele 1978

¹ Mina Pawuli, umphostoli kaKristu Jesu ngentando kaNkulunkulu, ngithi kubo abangcwele abaseEfesu, abathembekileyo kuKristu Jesu:

IBhayibhili Elingcwele LesiNdebele

¹ UPhawuli, umpostoli kaKhristu uJesu ngentando kaNkulunkulu, Lakwabangcwele bakaNkulunkulu abase-Efesu, abathembekileyo kuKhristu uJesu:

Abase-Efesu 1:1 ပူးပေါင်းရင်းမြစ်များ

AmaNani 12:7

Kodwa inceku yami uMose kayisuye umprofethi onjalo; nguye yedwa othembekileyo kubo bonke abendlu yami.

ULukha 16:10

Othembekileyo kokuncinyane uthembekile lakokukhulu. Longathembekanga kokuncinyane kathembekanga lakokukhulu.

Imisebenzi 16:15

Kuthe esebhaphathiziwe kanye lendlu yakhe, wasincenga esithi: Uba lingibona ukuthi ngithembekile eNkosini, wozani endlini yami lihlale khona. Wasicindezela.

Imisebenzi 18:19

Sebefikile eEfesu, wehlukana labo; yena wangena esinagogeni, waphikisana labaJuda.

Imisebenzi 18:21

kodwa ebavalelisa wathi: Ngizakubuya uba uNkulunkulu evuma. Wasuka eEfesu ngomkolo;

Imisebenzi 9:13

Kodwa uAnaniya wathi: Nkosi, ngizwile ngabanengi ngalowomuntu konke okubi akwenzileyo kwabangcwele bakho abaseJerusalema;

AbaseRoma 1:1

Mina Pawuli, inceku kaKristu Jesu ebizelwe ukuba ngumphostoli, yahlukaniselwa ivangeli likaNkulunkulu,

AbaseRoma 1:7

Ngithi kubo bonke abathandiweyo nguNkulunkulu abaseRoma ababizelwe ukuba ngabangcwele: Kakube kini umusa lokuthula okuvela kuNkulunkulu uBaba, laseNkosini uJesu Kristu.

AbaseRoma 8:1

Ngakhoke kakusekho ukulahlwa kibo abakuKristu Jesu.

1 AbaseKhorinte 4:12

siyatshikatshika sisebenza ngezandla zethu. Sithi sithukwa thina, sibe sibusisa; sithi sizingelwa thina, sibekezele;

1 AbaseKhorinte 4:17

Ngalokhoke ngithumele kini uTimothi ongumntanami othandekayo lothembekileyo eNkosini, ukuba alikhumbuze ngokuhamba kwami kuKristu, njengokuba ngifundisa ezindaweni zonke emabandleni wonke.

2 AbaseKhorinte 1:1

Mina Pawuli, umphostoli kaKristu Jesu ngentando kaNkulunkulu, loTimothi umzalwane, sithi kulo ibandla likaNkulunkulu eliseKorinte lakubo bonke abangcwele abakulo lonke elaseAkaya:

AbaseGalathiya 1:1

Mina Pawuli, umphostoli ongamiswanga ngabantu loba ngezandla zomuntu, kodwa nguJesu Kristu languNkulunkulu uYise owamvusa kwabafileyo,

AbaseGalathiya 3:26

Ngoba lina lonke lingabantwana bakaNkulunkulu ngokukholwa kuKristu Jesu.

AbaseGalathiya 3:28

Kakukho umJuda lomGriki, kakukho obotshiweyo lokhululekileyo, kakukho owesilisa lowesifazana; ngoba lina lonke limunye kuKristu Jesu.

AbaseGalathiya 3:9

Ngakhoke bona abakholwayo babusiswa kanye loAbrahama owakholwayo.

Abase-Efesu 1:15

Ngenxa yalokho lami, esengizwile ngokukholwa kwenu eNkosini uJesu lothando lwenu kubo bonke abangcwele,

Abase-Efesu 2:10

Ngoba singumsebenzi wakhe, kuKristu Jesu sadalelwa imisebenzi emihle uNkulunkulu ayilungiselela ngaphambili ukuba sihambe ngayo.

Abase-Efesu 2:13

Kodwa khathesi kuKristu Jesu lina elalikhatshana selilethwe eduze ngegazi likaKristu.

Abase-Efesu 2:6

Wasivusa kanye loKristu Jesu, wasihlalisa kanye laye ezulwini,

Abase-Efesu 6:21

Kodwa, ukuze lani lazi okumaqondana lami lalokho engikwenzayo, uzakulitshela konke uTikiko, umzalwane othandekayo lesikhonzi esithembekileyo eNkosini.

AbaseKholose 1:2

sithi kibo abangcwele labazalwane abakholwayo kuKristu abaseKolose: Kakube kini umusa lokuthula okuvela kuNkulunkulu uBaba.

Isambulo 17:14

Azakuhlasela iWundlu, kodwa iWundlu lizakuwanqoba, ngoba liyiNkosi yamakhosi loMbusi wababusi, abakanye lalo ngababiziweyo, labakhethiweyo, labathembekileyo.

Isambulo 2:10

Ungesabi inhlupheko ezizakukwehlela. Khangela, uSathane uzakufaka abanye benu entolongweni ukuba lilingwe; futhi lizakuhlupheka insuku ezilitshumi. Thembeka kuze kube sekufeni, ngizakukunika umqhele wokuphila.

Isambulo 2:13

uthi: Ngiyazi lapho wakhe khona, lapho kukhona isihlalo sobukhosi sikaSathane; kanti ubambelele ebizweni lami, kawuphikanga ukukholwa kwakho lasensukwini zikaAntipasi, ufakazi wami othembekileyo, owabulawelwa phakathi kwenu lapho uSathane ahlala khona.