Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




AbaseRoma 9:4 - iBhayibhili Elingcwele 1978

4 Bona bangabakoIsrayeli, benziwa abantwana bakaNkulunkulu, ngeyabo inkazimulo, lezivumelwano, lokumiswa komlayo, lenkonzo, lezithembiso;

အခန်းကိုကြည့်ပါ။ ကော်ပီ

IBhayibhili Elingcwele LesiNdebele

4 abantu bako-Israyeli. Okwabo yikwamukelwa njengamadodana, ngeyabo inkazimulo kaNkulunkulu, lesivumelwano, lokwamukela umthetho, lenkonzo yasethempelini kanye lezithembiso.

အခန်းကိုကြည့်ပါ။ ကော်ပီ




AbaseRoma 9:4
61 ပူးပေါင်းရင်းမြစ်များ  

Ngalolosuku iNkosi yenza isivumelwano loAbrama, yathi: Ngiyayinika inzalo yakho lelilizwe, kusukela emfuleni waseGibithe kuze kube semfuleni omkhulu othiwa liYufrathi,


Lesi yisivumelwano sami phakathi kwami lawe ozakusigcina wena lenzalo yakho emva kwakho; bonke abesilisa bakini bazakusokwa.


Ngizakwenza isivumelwano sami phakathi kwami lawe, ngikwandise kakhulu.


Ngizamisa isivumelwano sami phakathi kwami lawe, lenzalo yakho emva kwakho ezizukulwaneni zayo, isivumelwano esingapheliyo sokuba ngibe nguNkulunkulu wakho lowenzalo yakho emva kwakho.


Wathi: Ibizo lakho kalisayikuthiwa nguJakobe, kodwa nguIsrayeli, ngoba ulwile loNkulunkulu labantu, wanqoba.


ngakho babengaselakukhonza ngenxa yalo, ngoba inkazimulo yeNkosi yagcwala endlini yayo.


Nkulunkulu wami, ubakhumbule, ngoba bangcolisile ubupristi lesivumelwano sabapristi lamaLevi.


Iyatshengisa ilizwi layo kuJakobe, lezimiso lezahlulelo zayo kuIsrayeli.


Ngithanda ukukukhangela endaweni engcwele, ngibone amandla akho lobukhosi bakho.


Impela uNkulunkulu ulungile kuIsrayeli, kulabo abahlambulukileyo enhliziyweni.


Wanikela umtshokotsho wakhe ekuthunjweni, isibonakaliso senkazimulo yakhe ezandleni zezitha.


Wena uthe: Ngenzile isivumelwano laye engimkhethileyo, ngifungile kuDavida inceku yami,


Kangiyikusaphula isivumelwano sami, loba ngiguqule ilizwi eliphuma emlonyeni wami.


Izenzo zakho kazibonakale ezincekwini zakho, lobukhosi bakho ebantwaneni bazo.


Kuzakuthi lapho lifika elizweni iNkosi ezakulinika lona njengesithembiso sayo, ligcine linkonzo.


INkosi yathi kuMose: Loba lamazwi, ngoba ngawo ngenzile isivumelwano lawe loIsrayeli.


Wena uzakuthi kuFaro: INkosi ithi: UIsrayeli uyindodana yami, ulizibulo lami;


Iyezi laselisibekela ithente lokuhlangana, inkazimulo yeNkosi yagcwalisa iTabernakeli.


Kodwa wena Israyeli, nceku yami, wena Jakobe engikukhethileyo, nzalo kaAbrahama umngane wami,


INkosi ithi: Ngilalela, wena ndlu kaJakobe, bonke abaseleyo endlini kaIsrayeli, ababengumthwalo wami kusukela ekuzalweni kwabo.


Wasimba, wakhupha amatshe kiso, wahlanyela ivini elihle; wakha idumba lokulinda phakathi kwaso, wemba isikhamelo sewayini kiso; wathemba ukuba sizathela izithelo ezinhle, kodwa sathela izithelo ezibabayo.


Ilanga kalisayikuba yikukhanya kuwe emini, lenyanga kayisayikukukhanyisela ebusuku; kodwa iNkosi izakuba yikukhanya kwakho okungelakuphela, loNkulunkulu wakho abe ludumo lwakho.


Kambe uEfrayimi uyindodana yami yini eligugu kimi, ungumntwana wami othandekayo na? Ngoba lapho ngikhuluma ngokubi ngaye, ngiyamkhumbula. Ngakho inhliziyo yami iyamlangatha; impela ngizakuba lesihawu kuye, kutsho iNkosi.


Yilesi isivumelwano engizakusenza lendlu kaIsrayeli emva kwalezonsuku, kutsho iNkosi. Ngizafaka umlayo wami emibilinini yabo, ngiwulobe enhliziyweni zabo, ngibe nguNkulunkulu wabo, labo babe ngabantu bami.


Bazabuya bekhala, ngibaduduze ekubaholeni kwami, ngibalethe emifuleni yamanzi, ngendlela enhle abangayikukhubeka kuyo; ngoba nginguyise kuIsrayeli, uEfrayimi ulizibulo lami.


Ukukhanya lokho okuvuthayo kwakunjengomchilo‐wamakhosikazi emayezini lapho izulu lisina; kunjengokubonakala kobukhosi beNkosi. Lapho ngibona lokho, ngathi mbo ngobuso phansi, ngezwa ilizwi likhuluma lami.


UIsrayeli esengumntwana ngamthanda, ngayibiza indodana yami ukuba iphume eGibithe.


Lapho uMose engena ethenteni lokuhlangana ukukhuluma leNkosi, wezwa ilizwi likhuluma, livela ngaphezu kwesihlalo somusa esisemtshokotshweni wobufakazi, ngaphakathi kwamakherubi amabili; lakhuluma kuye.


Zwanini omunye umfanekiso. Kwakukhona umnumzana owahlanyela isivini, wasibiyela ngothango, wemba isikhamelo, wakha idumba, wasiqatshisa kubalimi, waya kwelinye ilizwe.


Ngoba umlayo wanikwa ngoMose, umusa leqiniso kweza ngoJesu Kristu.


UJesu wabona uNathanyeli esiza kuye, wathi ngaye: Khangelani, umIsrayeli uqobo okungekho inkohliso kuye.


Ngoba isithembiso ngesenu lesabantwana benu, lesabo bonke abakhatshana, bonke ezakubabizela kuyo iNkosi uNkulunkulu wethu.


Kukhulu ngezindlela zonke. Kuqala, ngoba abaJuda baphathisiwe amazwi kaNkulunkulu.


Kalamukeliswanga umoya wobugqili ukuba libuye lesabe, kodwa lamukeliswa umoya wobuntwana, esimemeza ngawo sisithi: Aba, Baba!


Kodwa kangitsho ukuthi ilizwi likaNkulunkulu lahlulekile. Ngoba kakusibo bonke abazalwa nguIsrayeli abangabakoIsrayeli,


BangamaHeberu na? Lami. BangabakoIsrayeli na? Lami. Bayinzalo kaAbrahama na? Lami.


Izithembiso zanikwa uAbrahama lenzalo yakhe. Kakutshiwo ukuthi: Ezinzalweni, ngokungathi zinengi; kodwa kungathi yinye kuthiwa: Lasenzalweni yakho; enguKristu.


Khumbulani ukuthi ngalesosikhathi lalingelaye uKristu, lalingaphandle kombuso wakoIsrayeli, lalingabezizwe ezivumelwaneni zesithembiso, lalingelalo ithemba, lalingelaye uNkulunkulu emhlabeni.


Lina lingabantwana beNkosi uNkulunkulu wenu. Kaliyikuzisika, lingaziphuculi emabunzini enu ngenxa yabafileyo.


La ngamazwi esivumelwano iNkosi eyamlaya uMose ukusenza labantu bakoIsrayeli elizweni laseMowabi, ngaphandle kwesivumelwano eyayisenze labo eHorebe.


Kangisenzi lesisivumelwano lalesisifungo lani kuphela,


INkosi yathi kuMose: Usuzakubhubha njengokhokho bakho; lababantu lapho sebefikile elizweni abaya kulo, bahlala labezizwe, bazakhonza onkulunkulu bazo, bangitshiye, basaphule isivumelwano sami engisenze labo.


Yamemezelela kini isivumelwano sayo, eyalilaya ukuba lisigcine, imithetho elitshumi eyayiloba ematsheni amabili.


Ngoba lingabantu abangcwele eNkosini uNkulunkulu wenu; ilikhethile ukuba libe ligugu kuyo phakathi kwazo zonke izizwe ezisemhlabeni.


Lesivumelwano sokuqala sasilezimiso zenkonzo lendawo engcwele yasemhlabeni.


Kodwa yona imayelana lokudla lokunatha lokugeza okwezinhlobonhlobo, iyizimiso ezimayelana lomzimba nje kuze kufike isikhathi sokupheleliswa kwezinto.


Ngasemva kweveli lesibili kwakukhona ithente elibizwa ngokuthi yiNdawo engcwele kakhulu,


phezu kwawo kwakukhona amakherubi enkazimulo engamele isihlalo somusa. Singekhulume kakhulu ngalezizinto khathesinje.


Sezilungisiwe lezizinto ngokunjalo, abapristi bangena njalonjalo ethenteni lokuqala besenza umsebenzi wabo wokukhonza;


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ