AbaseRoma 9:30 - iBhayibhili Elingcwele 1978

³⁰ Pho, sizakuthini? Sizakuthi abezizwe abangakudingisisanga ukulunga bakuzuzile, ukulunga okungokukholwa;

IBhayibhili Elingcwele LesiNdebele

³⁰ Pho sizakuthini na? Sithi abeZizweni abangakudinganga ukulunga, sebekutholile, ukulunga okungokukholwa;

AbaseRoma 9:30 ပူးပေါင်းရင်းမြစ်များ

Izaga 15:9

INkosi izonda indlela yababi, kodwa ithanda umuntu owenza okulungileyo.

Izaga 21:21

Odinga ukulunga lomusa uzakuthola ukuphila lodumo.

U-Isaya 51:1

INkosi ithi: Ngilalelani, lina elilandela ukulunga, lina elingidingayo; khangelani kulo idwala elacezulwa kilo, lakulo igodi elambiwa kulo.

AbaseRoma 10:10

Ngoba ukukholwa okusenhliziyweni kuletha ukulunga; lokuvuma ngomlomo kuletha ukusiliswa.

AbaseRoma 10:20

LoIsaya laye uthi: Ngafunyanwa yilabo abangangidinganga; ngabonakala kibo abangabuzanga ngami.

AbaseRoma 10:6

Kodwa ukulunga okungokukholwa kuthi: Ungatsho enhliziyweni yakho ukuthi: Ngubani ozakwenyukela ezulwini? — okuyikuthi ukumehlisa uKristu —

AbaseRoma 3:5

Kodwa uba ukungalungi kwethu kubonakalisa ukulunga kukaNkulunkulu, sizakuthini na? UNkulunkulu kalunganga yini ngokwehlisela ulaka phezu kwethu na? Ngikhulumisa okomuntu.

AbaseRoma 4:11

Wamukela isibonakaliso sokusoka sibe luphawu lokulunga ayelakho ngokukholwa engakasoki. Kwaba njalo ukuba abe nguyise wabo bonke abakholwayo bengasokanga, ukuze ukulunga kubalelwe kibo;

AbaseRoma 4:13

Ngoba isithembiso sokuthi uzakudla ilifa lomhlaba kasinikwanga uAbrahama lenzalo yakhe ngawo umlayo, kodwa sanikwa ngokulunga okungokukholwa.

AbaseRoma 4:22

Ngalokhoke ukukholwa kwakhe kwabalelwa kuye ukuthi kuyikulunga.

AbaseRoma 4:9

Lokhukubusiswa kuqondene lalabo abasokileyo ingabe lalabo abangasokanga na? Ngoba sithi: Ukukholwa kukaAbrahama kwabalelwa ukuthi kuyikulunga.

AbaseRoma 5:1

Ngakhoke lokhu sesilungisisiwe ngokukholwa, asibe lokuthula kuNkulunkulu ngeNkosi yethu uJesu Kristu.

AbaseRoma 9:14

Phoke, sizakuthini? Kukhona ukungalungi kuNkulunkulu na? Phinde!

AbaseRoma 9:31

kodwa uIsrayeli, owadingisisa umlayo wokulunga, kaphumelelanga ukuwuzuza umlayo.

AbaseGalathiya 2:16

Kodwa siyazi ukuthi umuntu kalungisiswa ngemisebenzi yomlayo, kuphela ngokukholwa kuKristu Jesu; lathi sakholwa kuKristu ukuba silungisiswe ngokukholwa kuKristu kungesikho ngemisebenzi yomlayo; ngoba ngemisebenzi yomlayo kakuyikulungisiswa muntu.

AbaseGalathiya 3:24

Ngakhoke umlayo wawungumlondolozi wethu kwaze kwafika uKristu, ukuze silungisiswe ngokukholwa.

AbaseGalathiya 3:8

Lombhalo wabona ngaphambili ukuba uNkulunkulu uzakulungisisa abezizwe ngokukholwa, watshumayela ivangeli ngaphambili kuAbrahama wathi: Izizwe zonke zizakubusiswa kuwe.

AbaseGalathiya 5:5

Ngoba thina ngaye uMoya silindele ngokukholwa ithemba lokulunga.

Abase-Efesu 2:12

Khumbulani ukuthi ngalesosikhathi lalingelaye uKristu, lalingaphandle kombuso wakoIsrayeli, lalingabezizwe ezivumelwaneni zesithembiso, lalingelalo ithemba, lalingelaye uNkulunkulu emhlabeni.

AbaseFiliphi 3:9

ngifunyanwe kuye, ngingelakho ukulunga okungokwami okungomlayo, kodwa ngilalokho okungokukholwa kuKristu, ngitsho ukulunga okuvela kuNkulunkulu okungokukholwa;

1 uTimothi 6:11

Kodwa wena muntu kaNkulunkulu balekela lokhu; nxwanela ukulunga, lokuhle, lokukholwa, lothando, lokubekezela, lobumnene.

AmaHebheru 11:7

Ngokukholwa uNowa exwayisiwe nguNkulunkulu ngezinto ebezingakabonwa wakha umkolo wokusilisa indlu yakhe; wawulahla umhlaba ngokukholwa, waba yindlalifa yokulunga okuvela ngokukholwa.

1 UPhethro 4:3

Isikhathi esedlulileyo sanele ukwenza okuthandwa ngabezizwe, ukuhamba ngamanyala, langezinkanuko, langokudakwa, langokuminza, langokuxokozela, langokukhonza izithombe.