AbaseRoma 9:3 - iBhayibhili Elingcwele 1978

³ Ngoba ngingafisa ukuba mina uqobo ngahlukaniswe loKristu ngenxa yabazalwane bami, abangabakithi ngokwenyama.

IBhayibhili Elingcwele LesiNdebele

³ Ngoba ngangifisa ukuba ngabe mina uqobo ngiyaqalekiswa ngisuswe kuKhristu ngenxa yabazalwane bami, labo abohlanga lwami ngokwenyama,

AbaseRoma 9:3 ပူးပေါင်းရင်းမြစ်များ

UGenesisi 29:14

ULabani wathi kuye: Impela ungowegazi lami. Wahlala laye inyanga yonke.

2 USamuyeli 18:33

Yadabuka kakhulu inkosi, yakhwela yaya endlini engaphezu kwesango, yahamba ikhala isithi: Hawu, ndodana yami Abisalomu, ndodana yami, ndodana yami, Abisalomu! Kungathi ngabe kufe mina endaweni yakho! Hawu, Abisalomu, ndodana yami, ndodana yami!

U-Esta 8:6

Ngoba ngingakumela kanjani ukubona ububi obuzayo busehlela isizwe sakithi na? Ngingakuthwala kanjani ukubona ukubhujiswa kwendlu yakwethu na?

U-Eksodasi 32:32

Kodwa uba ubathethelela isono — uba ungabathetheleli, ungisuse ogwalweni lwakho olulobileyo.

Imisebenzi 13:26

Bazalwane, madodana ohlanga lukaAbrahama, lalabo phakathi kwenu abesaba uNkulunkulu, lithunyelwe kithi ilizwi lokusiliswa.

Imisebenzi 22:5

njengokuba umpristi omkhulu lomphakathi wonke wabadala ungangifakazela, ngazuza kubo incwadi eziya kubazalwane, ngaya eDamaseko ukuba lababekhona lapho ngibalethe eJerusalema bebotshiwe, ukuze batshaywe.

Imisebenzi 28:21

Basebesithi kuye: Kasamukelanga ncwadi ngawe ezivela eJudiya, futhi kakufikanga muntu wabazalwane ukubika kumbe ukukhuluma okubi ngawe.

AbaseRoma 1:3

Lona limayelana leNdodana yakhe eyazalwa enzalweni kaDavida ngokwenyama,

AbaseRoma 11:1

Ngalokhoke ngithi: UNkulunkulu ubalahlile abantu bakhe na? Phinde! Ngoba mina ngokwami ngingumIsrayeli, ngingowenzalo kaAbrahama lowesizwe sikaBenjamini.

AbaseRoma 11:14

ukuba mhlawumbe ngibavusele umona abakithi, ngisilise abanye babo.

AbaseRoma 16:11

Bingelelani uHerodiyoni isihlobo sami. Bingelelani abendlu kaNarkisu abaseNkosini.

AbaseRoma 16:21

UTimothi isisebenzi kanye lami uyalibingelela; loLukiyu loJasoni loSosipatro izihlobo zami, bayalibingelela.

AbaseRoma 16:7

Bingelelani uAnderoniku loJuniya abayizihlobo zami lezibotshwa kanye lami; bangabadumileyo phakathi kwabaphostoli, babekuKristu ngaphambi kwami.

AbaseRoma 9:2

ukuthi ngilokudabuka okukhulu lobuhlungu obungapheliyo enhliziyweni yami.

1 AbaseKhorinte 12:3

Ngakhoke ngiyalazisa ukuthi kakho umuntu okhuluma ngoMoya kaNkulunkulu ongathi: Kathukwe uJesu. Futhi kakho umuntu ongathi uJesu uyiNkosi; kuphela ngaye uMoya oNgcwele.

1 AbaseKhorinte 16:22

Uba umuntu engayithandi iNkosi, kabe ngothukiweyo. Woza, Nkosi yethu!

2 AbaseKhorinte 12:15

Minake ngijabulela kakhulu ukunikela konke, yebo, ngizinikela mina uqobo ngenxa yenu. Uba ngilithanda kakhulu, kanti mina ngifanele ukuthandwa kancinyane na?

AbaseGalathiya 1:8

Kodwake loba kungaba yithi, loba isithunywa esivela ezulwini esilitshumayeza ivangeli eliphambene lalelo esalitshumayeza lona, kabe ngoqalekisiweyo.

AbaseGalathiya 1:9

Njengoba sengitshilo, ngiyaphinda futhi ngithi: Uba umuntu elitshumayeza ivangeli eliphambene lalelo elalamukelayo, kabe ngoqalekisiweyo.

AbaseGalathiya 3:10

Kodwa bonke abathemba imisebenzi yomlayo baqalekisiwe; ngoba kulotshiwe ukuthi: Baqalekisiwe bonke abangemi njalo kukho konke okulotshiweyo encwadini yomlayo ukuba bakwenze.

AbaseGalathiya 3:13

UKristu wasihlenga ekuqalekisweni komlayo, yena waqalekiswa ngenxa yethu; ngoba kulotshiwe ukuthi: Baqalekisiwe bonke abalengiswa esihlahleni.

Abase-Efesu 6:5

Zigqili, lalelani abangamakhosi enu emhlabeni ngokwesaba langokuthuthumela ngobuqotho benhliziyo, kungathi lilalela uKristu,

UDutheronomi 21:23

isidumbu sakhe singahlali esihlahleni ubusuku bonke, kodwa lizamlahla ngalona lolosuku, ngoba umuntu ophanyekiweyo uqalekisiwe nguNkulunkulu. Lingangcolisi ilizwe lenu iNkosi uNkulunkulu wenu elinika lona ukuba ngelenu.

1 USamuyeli 14:24

Abantu bakoIsrayeli bahlupheka ngalolosuku, ngoba uSawuli wafungisa abantu wathi: Kaqalekiswe umuntu odla ukudla kungakahlwi, ngingakaphindiseli ezitheni zami. Ngakho kakho umuntu owadlayo.

1 USamuyeli 14:44

USawuli wathi: UNkulunkulu angihlanekele impela ngokwengezelelweyo; uzakufa impela, Jonathani.