AbaseRoma 9:22 - iBhayibhili Elingcwele 1978

²² Singathini, uba uNkulunkulu, ethanda ukubonakalisa ulaka lwakhe lokwazisa amandla akhe, wathwala ngokubekezela okukhulu izitsha zolaka ezilungiselwe ukubhujiswa,

IBhayibhili Elingcwele LesiNdebele

²² Kwakungaba njani-ke nxa uNkulunkulu wakhetha ukutshengisa ukubekezela okukhulu ezidalweni zentukuthelo yakhe ezazimiselwe ukubhujiswa etshengisa ulaka lwakhe lokwenza amandla akhe aziwe.

AbaseRoma 9:22 ပူးပေါင်းရင်းမြစ်များ

UGenesisi 15:16

Esizukulwaneni sesine izakubuya lapha; ngoba ububi bamaAmori kabukapheleli.

AmaHubo 90:11

Ngubani owaziyo amandla okuthukuthela kwakho na? owaziyo ukwesabeka kolaka lwakho na?

U-Eksodasi 9:16

Kodwa ngikusilisile ukuba ngikutshengise amandla ami lokuba ibizo lami litshunyayelwe emhlabeni wonke.

Izaga 16:4

INkosi yenzile konke kube lomsebenzi wakho; lababi yabenzela usuku lokuchitheka.

Izililo 3:22

ukuthi uthando olungapheliyo lweNkosi luhlala njalo, lesihawu sayo kasilakucina.

AmaNani 14:11

INkosi yathi kuMose: Koze kube nini lababantu bengidelela na? Koze kube nini bengangithembi, lanxa ngenze izibonakaliso ezinengi phakathi kwabo na?

AmaNani 14:18

INkosi iyaphuza ukuthukuthela, igcwele uthando olungapheliyo, ithethelela ububi leziphambeko, kodwa kayiyikubayekela abalecala, kodwa yehlisela ububi baboyise phezu kwabantwana besizukulwana sesithathu lesesine.

AbaseRoma 1:18

Ngoba ulaka lukaNkulunkulu oluvela ezulwini luyabonakala phezu kwabo bonke ububi lokungalungi kwabantu abavimbela iqiniso ngokungalungi kwabo.

AbaseRoma 9:17

Ngoba umbhalo uthi kuFaro: Ngakuphakamisela khona lokho ukuba ngibonakalise amandla ami ngawe, lokuba ibizo lami litshunyayelwe emhlabeni wonke.

AbaseRoma 9:20

Kodwa, wena muntu, ungubani wena ophikisana loNkulunkulu na? Okubunjiweyo kungatsho yini kowakubumbayo ukuthi: Wangenzelani ngaba njalo na?

AbaseRoma 9:21

Kalamandla yini umbumbi phezu kwebumba ukuba ngesigaqa sisinye enze izitsha ezimbili, esinye sibe lomsebenzi omkhulu lesinye sibe lomsebenzi omncinyane na?

1 AbaseThesalonika 2:16

besivimbela ukutshumayeza abezizwe ukuba basiliswe. Bayakwenza lokhu ukuze bagcwalise ubunengi bezono zabo; kodwa ulaka lukaNkulunkulu selufinyelele phezu kwabo.

1 AbaseThesalonika 5:9

Ngoba uNkulunkulu kasimiselanga ulaka, kodwa usimisele ukuba sizuze ukusiliswa ngeNkosi yethu uJesu Kristu,

2 uTimothi 2:20

Endlini enkulu kakukho izitsha zegolide lezesiliva kuphela, kodwa kukhona lezesihlahla lezebumba, ezinye zilomsebenzi omkhulu, ezinye zilomsebenzi omncinyane.

1 UPhethro 2:8

ilitshe lokukhubekisa abantu, ledwala lokubawisa. Ngoba bayakhubeka ngenxa yokungalaleli ilizwi, okuyikhona ababekumiselwe.

1 UPhethro 3:20

eyababekade bengalaleli, lapho uNkulunkulu ngokubekezela ebalindele ensukwini zikaNowa umkolo usakhiwa, okwasiliswa abayingcosana ngawo amanzi, okuyikuthi abantu abaficaminwembili.

2 UPhethro 2:3

Ekufiseni kwabo imali bazakuthengiselana ngani ngamazwi obuqili; ukulahlwa kwabo sekukade kusebenza phakathi kwabo, lokuchitheka kwabo kakuwozeli.

2 UPhethro 2:9

Ngakhoke iNkosi iyakwazi ukubophula ekulingweni labo abamkhonzayo uNkulunkulu, lokubagcina ababi ekutshayweni kuze kube lusuku lokuthonisiswa,

2 UPhethro 3:15

Lithi ukubekezela kweNkosi yethu kuyikusilisa, njengalokhu lomzalwane wethu othandekayo uPawuli walilobela, watsho njalo ngokuhlakanipha akuphiweyo;

UJuda 1:4

Ngoba sekungenile ngokunyenya abantu abathile abamiselwa lokhukulahlwa kudala, abantu abeyisa uNkulunkulu, abaphendula umusa kaNkulunkulu wethu ube ngamanyala, bephika uMbusi oyedwa leNkosi yethu uJesu Kristu.